Dios Apyimtalhnamo
1 Quellhip enlhitaoc lhalhma anco: —Elitsovacsojo.
Elitsovacsojo acyiplomo apquilticpaycam apmeoc.
2 Apyimtalhnamo apanco Dios Visqui ingac.
Pac ongilavojo.
Apvisqui apyimtalhnamo as nalhpop.
3 Apquilmacpec alhta enlhitaoc cotnaja nimpayvomó lhama.
Singiltimesaycam mataa as enlhitaoc.
4 Singiltingyasquiscama yoclhilhma ningileyvomaclha.
Ayinyema alhta singasicjayo ningilvisay Jacob aptovana niptamin.
5 Aptajavoc mocjam netin Dios Visqui ingac, elhniclha aptajanem apanco.
Aptajemo naysicsa ningilpayvascama trompeta najan ningiltsovascama.
6 Elminaycmas mocjam.
Eltime sat apquilayo Visqui ingac.
Elminaycmas mocjam.
Eltime sat apquilayo Visqui ingac.
7 Aptomja Visqui ingac as nalhpop.
Eltime sat apquilayo naysicsa apquilminaycmascama.
8 Apvisqui nipyesicsa apyovoclhojo enlhitaoc as nalhpop.
Apnaclhec mocjam netin aptajanem apanco.
9 Apquiltiyaningvaac apquilviscaa apquilinyema lhalhma anco.
Apquilpalhavaac nipyesicsa enlhitaoc apquilvisay Abraham aptovana niptamin.
10 Dios Visqui ingac ayinyema apquilmopvan apquilviscaa as nalhpop.
Apyimtalhnamo apanco Dios Visqui ingac.
© © Biblia en Enhlet (Lengua Norte) © Paraguayan Bible Society, 1995.
