1 Visqui ajac Dios, ipeyvescasiclha sictemaclha.
Jemyov sat coo nipyesicsa selinmelhaycam.
Jevomquis tap nipyesicsa apquilmopvancaa amyaa najan apquilmapsomcaa.
2 Lhip aptomja Visqui semasma coo.
¿Soctomja seyinyova nac lhip?
¿Soctomja acyajapo nac evalhoc ayinyema cotnaja ingmoc?
3 Jetasquis sat ayitsay'lhma najan actomja nasoc anco.
Yoyam jeyantemiclhac apnaclha lhip netin inquilhe acponquinomalhca.
4 Ovoclhac sat tingma apponquinomap payjoc macmescamaclha asoc Dios.
Otnejic sat siyayo lhip acyiplomo arpa acpayvascama.
Lhip Visqui ajac aptomja appayesayclha evalhoc.
5 ¿So actema acmayovsa mataa evalhoc coo?
¿So actema aliclhangveycam mataa evalhoc?
Pac olinlhanmojoc sat, otnejic siyayo Dios, aptomja Visqui ajac najan sevomquiscama tap.
© © Biblia en Enhlet (Lengua Norte) © Paraguayan Bible Society, 1995.
