Singmasma Visqui ingac
1 Visqui ingac.
Actimec coo siyayo lhip aptomja semasma coo.
Apmiyovquic alhta lhip apquiltemaclha selinmelhaycam cotnaja ingmoc.
2 Dios Visqui ajac.
Apjalhnoc alhta lhip silmalhnancama.
Lhip alhta setamilquisquiyam.
3 Dios Visqui ajac.
Lhip alhta aptajescama sicvanmoncama naysicsa siyitsepma.
Ayitsepquic alhta coo.
Lhip ayinyema apyimnatescama enquenyic.
4 Quellhip apquilyiplovquiscama Visqui ingac.
Eltime apquilayo naysicsa apquilminaycmascama.
Eltime apquilayo apvisay apanco actamila.
5 Acyavataclhojo mataa onlingamcojo aplom Visqui ingac.
Ajolhec mataa singasicjayo cotningvoyam nelha.
Yitnec ningvinama alhtaa.
Coyiplovjoc mataa acpayjayclha ingvalhoc alhtoo ninlhaticjay.
6 Inquitamquic alhta evalhoc:
—Mosilhnanalhquejec sat mataa coo — alhta intomjac evalhoc.
7 Visqui ajac.
Aptasic mataa lhip aptomja seyimnatescama.
Eyinyovquic alhta siclho, yiplovcoc acyivey ayay evalhoc.
8 Ayevam alhta lhip Visqui ajac, sictomja siyanya lhip:
9 —¿Tasi ya ongvitsapoc coo ongvatoynalhcac sat coo?
¿So actomja yi?
Colhejec sat ayaco lhip ayinyema lhopactic.
Cotnaja aclingascama lhopactic lhip apvisay — alhta actomjac coo.
10 Visqui ajac.
Ingyeylhojo silmalhnancama, jepasim coo.
11 Apvitac alhta lhip acmayovsa evalhoc.
Yiplovcoc acyivey siyitsovascama.
Apmascosquic lhip acmayovsa evalhoc.
Aptimescasquic lhip siyitsovascama, malha fiesta intomjac.
12 Otnejic sat siyayo lhip Dios Visqui ajac, siclingascama lhip apvisay.
Otnejic sat siyayo lhip naysicsa sicminaycmascama.
Sictomja gracias lhip cotmongvoycamlha nelha.
© © Biblia en Enhlet (Lengua Norte) © Paraguayan Bible Society, 1995.
