Actemaclha ningilmalhnancama
1 Visqui ingac. Aplhamoc enlhitaoc cotnaja ingmoc.
Aplhamoc enlhitaoc selinmelhaycam coo.
2 Apquiltomjac mataa selhanma coo: (apquilantipquiscama sicvisay)
“Memyovejec mataa Dios Visqui ingac” — apquiltomjac mataa.
3 Lhip Visqui ingac.
Aptomja semasma coo najan sicyilhanmeycam.
Lhip aptomja seyayo.
Aptomja appeyvescasquiclha sictemaclha.
4 Ayevam coo Visqui ingac sicyimnatesa sicpayvam, yoyam jepasmoc.
Apjalhnoc mataa selmalhnancama.
Apna netin inquilhe acponquinomalhca.
5 Acyitnaclhec mataa yoyam otyinic.
Aclhaticjac mataa naysicsa setamilquiscama Visqui ingac.
6 Mongvacyejec mataa enlhit appintalhnama.
Apquiltomja sevocjay yoyam jelmoc (jelajic).
7 ¡Jelanojo coo Visqui ingac!
¡Jemyov coo Dios Visqui ingac!
Apyimsasquic mataa lhip (napata'a) cotnaja ingmoc.
Apquilintasquic mataa lhip apmaoc apticponga cotnaja ingmoc.
8 Singmasma aptomja lhip Visqui ingac (singvomquiscama tap).
Ningilvisay lhip apnaymacoc.
Singmescama asoc altamila. (ningillhoy singvaticjapquiscama)
© © Biblia en Enhlet (Lengua Norte) © Paraguayan Bible Society, 1995.
