Actemaclha ningiltamilcasomalhco inganco
1 Visqui ingac.
¿Soc enlhit etnejic sat maycaa lhip tingma pac?
¿Soc enlhit ellanac sat tingma pac netin inquilhe acponquinomalhca?
2 Apvamlha aptomja aptamilcasomacpo apanco, actomja acpeyvomo aptemaclha.
Actomja nasoc anco aclhanma mataa apvalhoc.
3 Mepqui acmovan amyaa appayvam.
Mepqui aplovquiscama poc.
Mepqui apquilpamesvoyam poc.
4 Aptomja mepalhqueycam apnaymacoc metnaja Dios apquitquic.
Aptomja apcayo apnaymacoc Dios apquitquic.
Mepqui apyeycajascaoc aplhanma naysicsa aplingaycamco mactovasquiscama asoc pac.
5 Aptomja mepqui acyanmongvoyam tap solyayem macmaycaoc.
Aptomja melyajayquiclho apcanyomap epjescomoc apmapsom poc.
Emyovacpoc sat cotmongvoycamlha nelha aptomja apyiplovquiscama as asoc.
© © Biblia en Enhlet (Lengua Norte) © Paraguayan Bible Society, 1995.
