Actemaclha aclingaycamco ingvalhoc
1 Lhip Visqui ingac, ¿cotningvomeje ya nelha seyamasma lhip?
¿Cotningvomeje ya nelha mejelaneyo lhip?
2 ¿Cotningvomeje ya nelha aclheneycam evalhoc?
¿Cotningvomeje ya nelha acyitnocjayo evalhoc?
¿Cotningvomeje ya nelha seyinmelhaycam cotnaja emoc?
3 Visqui, quip jelanojo, ingyeylhojo silmalhnancama.
Ilyimnaticsojo ajataoc yoyam mongvitsepeje.
4 Copvanquejec sat etnejic cotnaja emoc: Sicyimnatem coo.
Colapvanquejec elitsovacsojo selinmelhaycam naysicsa mepqui sicyimnatem.
5 Siyayo actomjac mataa lhip aptomja seyimlayquiclho.
Inpayjeclhec mataa evalhoc, lhip aptomja sevomquiscama tap.
6 Imnaycmacsic sat siyayo Visqui ingac, Visqui aptomja setamilquiscama.
© © Biblia en Enhlet (Lengua Norte) © Paraguayan Bible Society, 1995.
