Sintamilquiscama nac Dios
1 Ningilyimnatem ningiltomja mongyasquiyam Visqui ingac.
Mepqui acyovjeycam ingvalhoc nincoo, malha inquilhe acvisay Sión.
Ontimjic sat ningilyimnatem cotmongvoycamlha nelha.
2 Ningvitac inquilhe malha apjalhtam nipyava tingma Jerusalén.
Visqui ingac aptomja malha ningyilhanmeycam, singmasma ningmolhama.
Ningvamlha nac jay najan cotmongvoycamlha nelha.
3 Comascoc sat apquilanamaclha apquilmapsomcaa nipyesicsa Dios apquilyacyescama.
Melpasmejec sat Dios apquilyacyescama elyiplovcasojo acmasom.
4 Visqui ingac.
Ingyimlimojo sat mataa enlhit apquiltamila (apquilpeyvomo).
Ingyimlimojo sat mataa enlhit actamilaycam apquilvalhoc.
5 Yitnec apquiltemaclha apancaoc apquilmapsomcaa.
Iyanmongsiclha apquiltemaclha apancaoc najan apquiltomja singinmelhaycam.
Colhic sat actamilaycam apquilvalhoc enlhitaoc Israel.
© © Biblia en Enhlet (Lengua Norte) © Paraguayan Bible Society, 1995.
