Acpayjayclha ingvalhoc
1 Impayjeclhec alhta evalhoc siclinga apquilpayvam:
—Noc, ongilyacsic Visqui ingac tingma apponquinomap — alhta apquiltomjac.
2 Quellhip co Jerusalén, ningilvoctac nincoo tingma pac.
3 Jerusalén aptomja apquilanomap tingma apvanyam.
Tingma apcaneyquiclhilha enlhitaoc.
4 Apquilmiyaclhec alhta maa aplhamoclhojo enlhitaoc Israel.
Yoyam eltimjic apquilayo Visqui ingac.
Eycaso ayinyema apquilanyomap eltimjic enlhitaoc Israel.
5 Inyitnec maa apquiltajanem apquilimja apmamyi singyicpilquemo.
Inyitnec maa apquiltajanem apmolhama apvisqui David.
6 Eltime sat elanic quellhip:
—Mepqui ningilnapomalhca sat ontimjic tingma Jerusalén.
Actamilaycam apquilvalhoc sat cotnejic apquiltomja apquilasicjayo.
7 Mepqui ningilnapomalhca sat ontimjic tingma apjalhtam.
Mepqui acyinamam olhma sat cotnejic apvisqui tingma pac — sat eltime quellhip.
8 Actomjac coo silanya quellhip enaymacoc:
—Coyit sat actamilaycam apquilvalhoc quellhip mepqui apquilnapomap.
9 Ellhovac sat mataa quellhip asoc altamila.
Ayinyema apyitna maa Visqui ingac tingma aponquinomap — actomjac coo silanya.
© © Biblia en Enhlet (Lengua Norte) © Paraguayan Bible Society, 1995.
