Mepqui ayajamalhco ingvalhoc
1 Mepqui ayajamalhco ingvalhoc
Quellhip apquiltimesaycam Visqui ingac.
Eltime sat apquilayo apvisay apanco.
2 Mayayo apvisay Visqui ingac quilhvo nac jay najan cotmongvoycamlha nelha.
3 Mayayo apvisay Visqui ingac actiyapmaclha acnim acvaycmo actalhningvamlha acnim.
4 Apyimtalhnamo apanco Visqui ingac nipyesicsa enlhitaoc.
Gloria mayayo netin maa.
5 Mepqui poc apyitsomacpo Dios Visqui ingac, apmaclha netin maa.
6 Apquilanoc mataa esovjam asoc maa netin najan as nalhpop.
7 Aptomja aptamilquisquiyam melyimnatem, najan apcamliyam enlhit mepqui asoc.
8 Apnescaclhec mocjam aptamalviyam apnaclha ningayo, yoyam elhojoc lhama apnaymacoc.
9 Apmascosquic actomjaclha cotay ayitco quilvana.
Cotniclhac sat mocjam nalava.
Copayjiclhac sat avalhoc congne tingma ac.
Innec ayaco Visqui ingac.
© © Biblia en Enhlet (Lengua Norte) © Paraguayan Bible Society, 1995.
