Visqui ingac apyimnatem
1 Dios Visqui ingac.
Aptomjac apcanya Visqui ajac:
—Ilhnata sat nejicja acyimnatamaclha.
Motvasaclha mocjam cotnaja ingmoc.
Apquiltoyam sat etnejic lhip — nic nat aptomjac.
2 Elhcac sat lhip memong yayem vajic acyiplomo apmopvan ayinyema Visqui ingac tingma Sión.
Itne sat apvisqui nipyesicsa cotnaja ingmoc.
3 Ingyaniclhac sat apnaymacoc apnaclha lhip naysicsa aptimem apyimtalhnamo apanco.
Netin inquilhe acponquinomalhca cotnejic sat malha yalya amamyi ayitsay.
Colhojoc sat lhip apyimpejic alhnancoc, malha enlhit apquitcoc.
4 Meyeycajacsejec sat appayvam Visqui ingac aplhanma nic nat yoyam colhejec acyascacmo:
—Lhip aptomja Dios apquilancam cotmongvoycamlha nelha, apno ilhnic nat apmolhama Melquisedec — nic nat aptomjac.
5 Apnec Visqui ingac apnaclha lhip, napocja acyimnatamaclha.
Etvacsic sat apquilviscaa naysicsa aplom Visqui ingac.
6 Ingyanic sat nipyesicsa enlhit yoyam eticyo moclhama.
Elhnamcoc sat apticyovam lhalhma anco.
Etvacsic sat apquilviscaa moc yoclhilhma.
7 Eynic sat acyitnamaclha yingmin nalhit amay.
Coyimnaticsojoc sat apvalhoc apyam.
© © Biblia en Enhlet (Lengua Norte) © Paraguayan Bible Society, 1995.
