Ningyilhanmeycam Visqui ingac
1 Sicyilhanmeycam coo visqui ingac.
Apquiltomjac mataa seyanya coo:
—Ingyinyi sat nalhma malha ayinyem nata — alhta apquiltomjac.
2 Quip elanojo enlhit apquilmapsomcaa.
Apquilmec pilhpaalh acyiplomo yanca yoyam elyojong.
Apquilyilhacpoc elajic enlhit actamilaycam apquilvalhoc.
3 Aptovasquic singanamaclha enlhit apmapsom.
¿Jalhco sat etnejic enlhit appeyvomo?
4 Apnec Visqui ingac tingma apponquinomap.
Yitnec aptajanem apanco netin.
Apquilanoc mataa apquiltemaclha enlhitaoc lhalhma anco. ,
5 Apyicpilcoc Visqui ingac apquilpeyvomo najan apquilmapsomcaa.
Avanjec aptanoncama Visqui ingac apquiltemaclha apquilmapsomcaa.
6 Apcapajasquic acmamay Visqui ingac nipyesicsa apquilmapsomcaa.
Malha talha intomjac najan azufre acpayesayclha talha najan acmajat alhcajayam.
Visqui ingac eyanmongsiclhac sat apquiltemaclha apancaoc.
7 Appeyvomo visqui ingac.
Apcasicjavoc mataa enlhitaoc apquilpeyvomo.
Elvitangvomoc sat Visqui ingac.
Elhnam sat napato enlhit apquilpeyvomo.
© © Biblia en Enhlet (Lengua Norte) © Paraguayan Bible Society, 1995.
