Actemaclha ningayo Visqui ingac
1 Elminaycmas sat napato Visqui ingac.
Quellhip apquileyvam lhalhma anco.
2 Elpayicsojo sat Visqui ingac naysicsa apquilitsovascama.
Elquilhyim sat apnaclha naysicsa apquilitsovascama.
3 Elyasingvom sat quellhip, apvamlha pac lhama aptomja Visqui ingac Dios.
Aptomja singilantipquiscama nincoo, ningiltomja enlhit apancaoc.
Ningiltomja enlhit apancaoc, malha apnatoscama apquileyvam actamilaclha paat.
4 Elantalhningvota quellhip apatong tingma apponquinomap.
Elminaycmas, eltime sat gracias najan apquilayo.
Eltime sat gracias najan apquilayo Visqui ingac.
5 Aptasic apanco Visqui ingac.
Aptomja singilasicjayo mataa cotningvoyam nelha.
Aptomja nasoc anco mataa cotmongvoycamlha nelha.
© © Biblia en Enhlet (Lengua Norte) © Paraguayan Bible Society, 1995.
