Actemaclha ningillhoy ningyascamco
1 Lhip sictamongvoyam, ingyeylhojo mataa sicpayvam. Coma sat apvalhoc sicpayvam siyanamaclha.
2 Ingyeylhojo sat mataa actemaclha ningyascamco, coma sat apvalhoc actemaclha ningyascamco.
3 Itingya sat mataa actemaclha ningyascamco najan nintemaclha acpeyvomo.
4 Isovjam sat lhip, malha apquitamsama plata najan asoc acmamnave acposomalhca.
5 Eyasamcojoc sat actemaclha ningayo Dios Visqui ingac, najan eyicpilcangvomoc sat lhip apvisay Dios.
6 Visqui ingac ayinyema nintemaclha ningyascamco. Appayvam apanco ayinyema nintemaclha ningyascamco najan nintemaclha ningyicpilquemo.
7 Singmasma aptomja Visqui ingac, acyitna inlhojo nintemaclha ningilpeyvomo najan mepqui ningilsilhnanomalhca inganco.
8 Aptomja sintamilquiscama, acyitna inlhojo acpeyvomo ingvalhoc mepqui ningilvatescama.
9 Eyasingvomoc sat lhip nintemaclha acpeyvomo, colhenic apvalhoc asoc altamila.
10 Coytic sat apvalhoc nintemaclha ningyascamco, copayjiclhac sat apvalhoc lhip.
11 Emyovacpoc sat mataa lhip, acyitna inlhojo acyascamco apvalhoc najan actamila.
12 Mesilhnanacpejec sat lhip, emyovacpoc sat nipyesicsa apquilmopvancaa amyaa.
13 Najan nipyesicsa enlhit apquilvatseycaoc najan apquileyvam yatescamalhma.
14 Apquilyispaquic mataa enatovacsic poc, apquilitsovasoc apquilvita apquiltemaclha apancaoc apquilmapsomcaa.
15 Apquilyiplaclhec mataa nintemaclha copeyvomo, apquilyinyova amay acpeyvomo.
16 Nintemaclha acpeyvomo actomja singascama, ningvita inlhojo quilvana cotnaja intava. Mongilsilhnanalhquejec sat ninlinga inlhojo acpayvam acsilhnanoncama.
17 Quilvana actomja acyamasma atava najan acyamasma Dios Visqui ingac.
18 Nintingyey tingma ac as quilvana, colhojoc sat nintingyey yoyam onticyoc.
19 Ningilantalhnec tingma ac as quilvana, mongilvotayc sat mocjam. Mongvityejec sat mocjam actemaclha singyimnatescama ingneyic.
20 Iyiplaclha sat lhip amay acpeyvomo, iyiplovquis sat nintemaclha nimpeyvomo.
21 Melsilhnanacpejec sat mataa enlhit apquilpeyvomo, elhnam sat mataa apquilaoclha.
22 Elantipsacpoc najan enatovasacpoc sat enlhit apquilmapsomcaa najan apquilsilhnanomap apanco — alhta intomjac appayvam apyascamco apanco.
© © Biblia en Enhlet (Lengua Norte) © Paraguayan Bible Society, 1995.
