José aptovana Efraín najan Manasés
1 Apquilmilasquic nic nat yoclhilhma actemaclha sicas. Apquillhocac nic nat apquilmolhama José aptovana, ayenmo ilhnic nat actiyapmaclha acnim payjoc vatsam Jordán acvaycmo inquilhe alantiyapmaclha yingmin Jericó, acyascama tap yoclhilhma actamopeycaoc, najan inquilhe alvinatem, ayenmo tingma Jericó acvaycmo tingma Betel. 2 Tap tingma Betel, moc apvisay Luz, acyascama tap apquileyvomaclha arquitos acvaycmo Atarot. 3 Acyascama tap payjoc actalhningvamlha acnim apquileyvomaclha jafletitas, acvaycmo nicja yoclhilhma Bet-horón de Abajo acvaycmo Gezer. Najan maa tap acvaycmo yingmin acvanyam Mediterráneo. 4 Apquillhocac nic nat yoclhilhma tribu apquilmolhama Manasés najan apquilmolhama Efraín. José aptovana niptamin nic nat apquillhoy yoclhilhma.
Apquillhoy yoclhilhma Efraín
5 Apquillhocac nic nat yoclhilhma tribus najan clanes apquilmolhama Efraín, payjoc actiyapmaclha acnim, ayenmo Atarot-adar acvaycmo Bet-horón de Arriba. 6 Acyascama tap acvaycmo yingmin acvanyam Mediterráneo. Yoclhilhma payjoc nilhqueyja apyitna tingma Micmetat, acyascama tap payjoc actiyapmaclha acnim acvaycmo Taanat-silo, acvaycmo Janoa. 7 Acyascama tap acvaycmo Atarot najan Naarat, acvaycmo tingmA Jericó najan maa vatsam Jordán. 8 Ayenmo mocjam Tapúa acyascama actalhningvamlha acnim acvaycmo vatsam Caná najan yingmin acvanyam Mediterráneo. Apquillhocac nic nat as yoclhilhma tribu apquilmolhama Efraín, apquillhoy moclhama clanes apquilmolhama. 9 Apquillhocac nic nat co Efraín napocja tingma apquilvanyam najan poc tingma, apquillhoy siclho apnaymacoc tribu Manasés. 10 Apnam nic nat cananeos tingma Gezer, am nic nat elantipsacpoc. Apquilmiyovquic nic nat co Efraín. Apquilanyacpec nic nat cananeos eltimesam maa, elyinyoc mataa acyanmongam tributo. Apnam nasa mocjam as ningvamlha nac jay.
© © Biblia en Enhlet (Lengua Norte) © Paraguayan Bible Society, 1995.
