1 Avanjec ninlingaycamco acyimtalhnama as nalhpop, asilhtec acyanmongam ningilvascapma ningiltamjaycam, acno acyanmongam apquiltamjaycam soldados.
2 Ningyitsomalhca enlhit apmomap aptingyey pisquisca, najan nolhing apcapoc apquiljalhanma acyanmongam aptamjaycam.
3 Coo najan siclhoy acyanmongam siclingaycamco acmasca aplhamoclhojo piltin, najan aclhamoclhojo alhtaa.
4 Ajolhec sicyitnama alhtaa mepqui sictiyanma, aljalhne inyicje ayitsay, yoyam oyinyoc sicyitnamaclha.
5 Asquejec eyimpejic altovcamco ascoc selyimsem coo, avanjec milaoc eyimpejic.
6 Cotningvomoc sat nelha sictiyascam coo, inquilvonquipquic acnim malha alinyem.
7 Lhip Visqui ingac, colhen sat apvalhoc coo sicvisay, comascoc sat sictiyascam. Comascoc sat najan actemaclha selinyejemo (apayjayclha evalhoc).
8 Setayo lhip quilhvo nac jay, ovonquepoc sat coo, setamsama inlhojo, mejeticlhejec sat mocjam.
9-10 Inquinyec yipjopay, covonquepoc sat. Apno enlhit apquitsepma, comopvan evotac sat mocjam. Melvityejec sat mocjam apquilmolhama ninga, colvoncamoc sat maa.
11 Movanquejec mocjam mepqui silyataycam coo. Olngacsic sat sictemaclha siclingaycamco acmasca najan actemaclha aclingaycamco evalhoc coo.
12 ¿Lhip Visqui ingac naso ya setamilquiscama, malha sinavocpo coo najan yingmin acvanyam?
13 Inlhenquic evalhoc: Jetamilquiscomoc sat sictiyanma najan sictajanma ajanco.
14 Pilapcasquic acvitay sicvanmoncama acmasom najan ayay evalhoc ayinyema lhip.
15 Altamjo inyicje omatong, motyisamejec sat mocjam, altamjoc lhip, yoyam jeyajic.
16 Eyastinquic sictiyascam coo, jeyinyov sat lhip, alhto inyicje sictiyascam coo.
17 Lhip visqui ingac, lhip aptomja selaneyo sictomja enlhit, ¿so actomja yi?
18 Etamilcasquic lhip mataa, eyipconquic mataa lhip aclhamoclhojo acnim, ¿so actomja yi?
19 Jeyinyov siclho, nojelanojo siclho acvaycmo lhama sicnasipma.
20 ¿Naso ya sicsilhnanomalhca napato lhip, yoyam jeyajic lhip? ¿Elimsec lhip yanca pac jeyajic coo? ¿Yimtilhe ya sictemaclha napato lhip?
21 Lhip Visqui ingac, jeyasicjiclhojo sat mocjam, imascos sat moyascalhma coo. Quilhvoc sat comascoc sictiyascam coo, mejeticlhejec sat mocjam lhip — nic nat aptomjac Job.
© © Biblia en Enhlet (Lengua Norte) © Paraguayan Bible Society, 1995.
