1 Aptomjac nic nat mocjam Job: Innec selasmesa coo quilhvo nac jay, ayinyema apquilyimnanic najan apquilyapmayc mepqui apquiltamila. Acmiyovquic alhta as apquilyapmayc elpalhavomoc simjing altamilquiscama sicnatoscama aleyvam amyip.
2 Colapvanquejec mataa enlhit melyimnatem ellanac lhama asoc, mepqui apquilyimnaa.
3 Ayinyema alhta mayic alnapma, aptoycaoc acyilhna apac alhtaa yoclhilhma actamopeycaoc.
4 Aptovcamquic alhta yamit ava acmasom (yasic yamit), najan yamit ayquipmenaoc retama yamit.
5 Apquilminlhinacpec mataa malha apquilminyilhma naysicsa apquilpalhamaycam apquilminlhinaycam.
6 Apquilyilhanmec avalhoc mataymong alvinatem, payjoc alvata apquilvoycamlha.
7 Apquiltomjac apquilpáyvam, malha asoc navjac, apquilyilhanmamcaa acmampanac maa.
8 Enlhit apnatovasomap najan macminlhinaycam, colapvanquejec elhnam apquilaoclha.
9 Selasmescama apquiltomjac as enlhit, apquilantipquisa sicvisay nipyesicsa maa.
10 Apquililhpajac apquilyamanong najan as enlhit seltanoncama coo, apquiltomja selyamasma coo.
11 Etnescasquic mepqui sicyimnatem Visqui ingac, yiplovcoc sevenéycam as enlhit.
12 Apquicjingvoctac sicnaclha coo, jeltimsic sat, jelinmelham sat, yoyam jelajic.
13 Apquilmiyovquic amay siyinyem, jeltovacsic sat mepqui apquilmasma poc.
14 Apquilantalhnec malamong apjalhtam tingma, elimpocjac coo, yoyam jeltovacsic.
15 Avanjec coo siyay, mepqui mayayoclha, malha alhcajayam acsovm, sictomjayclho mepqui asoc, malha yipjopay.
16 Intamongvocmec nelha sictiyascam coo, avanjec aclingaycamco acyimtalhnama evalhoc.
17 Asquejec alhtaa elhquipcoc, malha yoyam copalamoc, asquejec eyimpejic.
18 Epatjetquic eyispoc Visqui ingac, apyinyovasa apava silantalhnama.
19 Eyinjac coo nalhpop, avanjec acmayovsa evalhoc sicna naysicsa tajap najan lhopactic.
20 Lhip Dios Visqui ingac, ayevam coo lhip, mepqui eyca seyatingmaycam lhip. Am ingyajalhnoc mataa silmalhnancama lhip.
21 Avanjec lhip seyinmelhaycam coo, aptomja seyamascam naysicsa lhip apmopvan apanco.
22 Aptimescasquic lhip jesovc alhcajayam, najan jetvacsic yatepiyam.
23 ¿Acyasamcoc coo, jeyantemiclha sicpasmom enlhit mepqui asoc, naysicsa aplingaycamco acyimtalhnama?
24 ¿Apvita ya lhquip sictemaclha sicpasmom enlhit mepqui asoc, naysicsa aplingaycamco acyimtalhnama?
25 ¿Apvita ya lhquip siyimlayquiclho enlhit naysicsa apquillingaycamco acyimtalhnama?
26 Aljalhnec coo selinyejemo najan ayitsay, acvitac coo acmasom najan yatescamalhma.
27 Avanjec mataa actamjaycam evalhoc, avanjec siclingaycamco acyimtalhnama coo.
28 Avanjec acmayovsa evalhoc, motay mataa ayitsasquiscama acnim, altamjoc jepasmoc coo.
29 Sicpayvomó lhama asoc navjac chacales, sicvinama coo malha lhapin.
30 Impaysacmec eyimpejic coo, acmelhanma eyimpejic naysicsa sicpilhyinamam.
31 Inmasquec siclingay música arpas najan flautas, actomjayclho siliclhangveycam naysicsa acmasca eyimpejic.
© © Biblia en Enhlet (Lengua Norte) © Paraguayan Bible Society, 1995.
