Enatovasacpoc sat co Etiopía
1 ¡Quellhip layi apquileyvam malha ascoc acma alhimpancoc! Payjoc tap vatsam yoclhilhma Etiopía.
2 Apquilapajasquic co Etiopía apquilasinancama, apquilyascama netin yingmin vatsam Nilo apquilquinamtem barcos. Eltajojo quellhip apquiltomja apquilsoycam amyaa nipyesicsa apnaymacoc apquilvinatem najan yamapquilpasyam, apquilvisay enlhit apquillom, najan apquilyimnatem, payjoc acyitnamaclha yingmin najan ayinyem yingmin vatsam.
3 Quellhip enlhitaoc apquileyvam as nalhpop, elvitac sat quellhip asoc monquinatquiscama netin inquilhe, elngac sat quellhip trompeta apquilpayvascama.
4 Aptomjac alhta seyanya Visqui ingac:
Alanoc coo payjoc sicmaclha, olhojoc sat ayitsayolhma acnim acmocjitmaclha, najan malha yipjopay naysicsa acmajat acnaclhamalhquilha acyilhna.
5 Invitalhquic sat ancoc ilhnamoc uva avjac, cotniclhac sat acyilhna, cotnejic sat amamyi ningyatemenma acyilhna, yoyam colhic acyatemenma navayc actengaoc coltimjic sat alyavatem.
6 Etlhacpoc sat enlhitaoc netin inquilhe, elpasmacpoc sat mama najan asoc navjac maa. Elhnam sat maa mama naysicsa acmajat, najan asoc navjac nipyesicsa piyam — alhta aptomjac seyanya — nic nat aptomjac profeta.
7 Elvac sat apnaclha Visqui ingac apyimtalhnamo enlhit apquilvinatem najan yamapquilpasyam, colhic acmesa Dios Visqui ingac asoc apancaoc. Apquilvisay siclho apquilyimnatem najan apnatovascama, apquileyvomaclha vatsam najan acyitnamaclha yingmin. Eltimjic sat apquilayo tingma Jerusalén payjoc apmaclha Dios Visqui ingac apyimtalhnamo — nic nat aptomjac profeta.
© © Biblia en Enhlet (Lengua Norte) © Paraguayan Bible Society, 1995.
