Ningminaycmascama ningayo Dios
1 Eltimjic sat quellhip apquilpayvam, apquilvita inlhojo apquilvomsomap tap: Gracias lhip Dios Visqui ingac, aptomja alhta aplom apyanmongsayclha sictemaclha ajanco. Inmasquec alhta aplom, emcasquic coo actamilaycam evalhoc.
2 Dios aptomja sevomquiscama tap, mepqui sicyasquiyam coo, mepqui siyay coo. Visqui ingac aptomja sevomquiscama tap, sictomja sicyilhanmeycam, aptomja seyimnatescama.
3 Ningilvomsomalhca tap acyitsomalhca acyitnamaclha yingmin, elyinaoc sat quellhip lha acyiplomo acpayjayclha apquilvalhoc.
4 Eltimjic sat quellhip apquilpayvam: ¡Eltime sat gracias Dios Visqui ingac! Eliltimnas sat nipyesicsa enlhitaoc aptemaclha aptamjaycam simpilapquiscama. Elyasingvom sat Dios, aptomja apyimtalhnamo apanco, am elhno poc enlhit.
5 Elminaycmas sat apquilayo Dios Visqui ingac aptemaclha aptamjaycam apanco. Elyasingvomoc sat enlhitaoc apquileyvam lhalhma anco as nalhpop.
6 Elilpalhamam sat quellhip apnaycam tingma Jerusalén. Apnec nipyesicsa quellhip Dios Visqui ingac aptomja apyimtalhnamo apanco, apvisay Santo mayayo — sat eltimjic quellhip — nic nat aptomjac profeta.
© © Biblia en Enhlet (Lengua Norte) © Paraguayan Bible Society, 1995.
