Apquilyitsomacpo israelitas uva avjac
1 Aptomjac alhta Visqui ingac seyanya coo:
2 ¿Intasi ya uva avjac, am ya colhno moc yamit ayimja nalhma?
3 ¡Comalhquejec mataa uva yamit, mongvaquejec ongillana yamit ningyiplhalhama!
4 Actamila intomjac alhpongja uva avjac. Inmetquic sat ancoc navayc najan avjac, cotniclhac sat tajap, comalhquejec maa.
5 Comalhquejec mataa uva avjac alhnancoc, yoyam ongillana asoc. ¡Comalhquejec mataa acmeta najan tajap! — alhta aptomjac.
6 Eycaso sicpayvam sicvisay Visqui apancaoc: Nintingyac uva avjac ontimjic alhpongja ningvatnama talha. Olhnasojoc sat enlhitaoc co Jerusalén, olvitic sat talha, elmetic sat maa.
7 Otnejic sat cotnaja ingmoc as enlhitaoc. Elinyajamcoc sat siclho, elmetic sat moc talha. Otnejic sat cotnaja ingmoc quellhip, natamin jelyicpilcangvomoc sat coo, sicvisay Visqui apancaoc quellhip.
8 Cotniclhac sat yoclhilhma actamopeycaoc as apquileyvomaclha quellhip, ayinyema apquiltemaclha quellhip selyamasma coo. Naso coo sicpayvam, sicvisay Visqui apancaoc quellhip — alhta aptomjac.
© © Biblia en Enhlet (Lengua Norte) © Paraguayan Bible Society, 1995.
