Judá aptovana niptamin
1 Judá apquitquic nic nat: Fares, Hezrón, Carmi, Hur najan Sobal. 2 Sobal apquitca ilhnic nat Reaía. Reaía apquitca ilhnic nat Jahat. Jahat apquitca ilhnic nat Ahumai, poc najan Lahad. Eycaso apquilmolhama clanes zoratitas.
3-4 Hur apquitquic nic nat: Etam, Jezreel, Isma, Idbas, Penuel apvisqui co Gedor, najan Ezer apvisqui co Husa. Apquilyalhing nic nat acvisay quilvana Haze-lelponi. Eycaso ilhnic nat Hur apquitquic, Efrata aptovana niptamin, apvisqui co Belén.
5 Apnec nic nat Asur apvisqui co Tecoa. Anit nic nat apnatamcaa: Hela najan Naara. 6 Naara ayitca ilhnic nat Ahuzam, poc Hefer, poc Temeni najan Ahastari. Eycaso Naara ayitquic. 7 Hela ayitquic nic nat: Zeret, Jezoar najan Etnán.
8 Cos apquitca ilhnic nat Anub, poc nic nat Zobeba najan apquilmolhama Aharhel, apyap nic nat Harum.
9 Aptamila apanco ilhnic nat Jabes, am elhno apquilyalhing. Inquiltimec nic nat inquin acvisay Asqueje. Ayinyema ilhnic nat inquin acpayvam: Asquejec alhta sictimquisa eyitca — nic nat intomjac. 10 Yitnec nic nat apquilmalhnancama Jabes napato Dios Visqui apancaoc Israel: Jevaticjapquis coo, jimques coo amyip acvanyam, jepasim coo, jeyas actemaclha acmasom, molngamquejec sat acyimtalhnama. Apjalhnoc nic nat Dios apquilmalhnancama Jabes.
11 Quelub, Súa apyalhing, apvitac nic nat apquitca Mehír. Mehír apquitca ilhnic nat Estón. 12 Estón apquitca ilhnic nat Bet-rafa, poc Paseah najan Tehina apvisqui tingma Nahas. Apquileyvec nic nat tingma Reca.
13 Cenaz apquitquic nic nat: Otoniel najan Seraías. Otoniel apquitquic nic nat Hatat, 14 najan Meonotai, apquitca ilhnic nat Ofra. Seraías apquitca ilhnic nat Joab apvisqui nipyesicsa co nalvata Carisim, apquilmopvan ellana actemaclha yamit aysicsaoc carpinteros.
15 Caleb apquitquic nic nat: Iru, Ela najan Naam. Ela apquitca ilhnic nat Cenaz. Apquilyata ilhnic nat Jefone.
16 Jahaleel apquitquic nic nat: Zif, Aifa, Tirias, najan Asareel.
17-18 Esdras apquitquic nic nat: Jeter, Mered, Efer, najan Jalón. Mered aptava ilhnic nat Bitia, inyap nic nat faraón. Mered apquitquic nic nat María, Samai najan Isba apvisqui co Estemoa. Mered moc aptava co Judá ayitquic nic nat: Jered apvisqui co Gedor, najan Heber apvisqui co Soco, najan Jecutiel apvisqui co Zanoa.
19 Naham apyalhing nic nat quilvana. Atava ilhnic nat Hodías. Hodías apquitquic nic nat: Dalia nipyesicsa garmitas, poc najan Estemoa nipyesicsa maacateos. Apvisqui co Keila ilhnic nat Naham.
20 Simón apquitquic nic nat: Amnón, Rina, Ben-janán najan Tilón. Isi apquitquic nic nat: Zohet najan Ben-zohet.
21 Judá apquitca ilhnic nat Sela. Sela aptovana ilhnic nat: Er, apvisqui co Leca, najan Laada apvisqui co Maresa, apquileyvomaclha clanes tingma Bet-asbea, apquillanay nic nat apava. 22 Poc nic nat Joacim, apnaymacoc co Cozeba. Poc nic nat Joás najan Saraf, apquiltingyey nic nat quilvanaa moabitas apnalayquinta tingma Belén — nic nat intomjac amyaa. 23 Apquilmopvan nic nat ellana yatingvalhva. Apquileyvec nic nat tingma Netaim najan Gedera, apquiltimesaycam nic nat apvisqui apancaoc.
Simeón aptovana niptamin
24 Simeón apquitquic nic nat: Nemuel, Jamín, Jarib, Zera najan Saúl. 25 Saúl apquitca ilhnic nat Salum. Salum apquitca ilhnic nat Mibsam. Mibsam apquitca ilhnic nat Misma.
26 Misma apquitca ilhnic nat Hamuel. Hamuel apquitca ilhnic nat Zacur. Zacur apquitca ilhnic nat Simei. 27 Dieciséis apquitquic nic nat Simei najan seis apquitquic quilvanaa. Asilhtec nic nat aplhamayclha maa apquilmolhama. Avanjec nic nat aplhamayclha apquilmolhama Judá.
28 Simeón aptovana apquileyvomaclha nic nat: Beerseba, Molada, Hazar-sual, 29 Bilha, Ezem, Tolad, 30 Betuel, Horma, Siclag, 31 Bet-marcabot, Hazar-susim, Bet-birai najan Saaraim. Eycaso ilhnic nat tingma apancaoc acvaycmo aptimem apvisqui David. 32 Poc nic nat mocjam tingma apancaoc, acvaycmo cinco: Etam, Aín, Rimón, Toquén, najan Asán. 33 Najan apyovoclhojo tingma nipyava maa acvaycmo tingma Baalat. Eycaso ilhnic nat apquileyvomaclha najan vaycajac acnatalhesomalhca apquilvisay apquilmolhama.
34 Apquilmolhama apquilyapmayc nic nat: Mesobab, Jamlec, Josías, Amasías apquitca, 35 Joel, Jehú, Josibías apquitca, Seraías aptavin, Asiel aptavin niptamin. 36 Elioenai, Jaacoba, Jesohaía, Asaías, Adiel, Jesimiel, Benaía, 37 Ziza, apyap nic nat Sifi, apyap ninga Alón, apyap ninga Jedaías, apyap ninga Simri, apyap ninga Semaías. 38 Eycaso apquilvisay nic nat apquilmolhama apquilyapmayc. Aplhameclhec nic nat apquilmolhama familias, appintalhnama ilhnic nat. 39 Apquiltingyac nic nat amyip aleyvomaclha apnatoscama payjoc Gerar, payjoc alvata actiyapmaclha acnim. 40 Apquilvitac nic nat ayimjaclha paat, actamila actoycaoc apnatoscama, amyip acvanyam najan mepqui amyaa singimpocjay. Apquileyvomaclha ilhnic nat aptovana niptamin Cam. 41 Aptimec nic nat apvisqui Ezequías co Judá. Apquilvaac nic nat maa ellanac quimpocjacme nipyesicsa actomja apquilaoclha. Apnatovasquic nic nat acyovoclhojo, apticyovquic nic nat apyovoclhojo tingma. Apquilnaclhec nic nat maa, apquilvita inlhojo ayimjaclha paat aleyvomaclha apnatoscama. 42 Apnam nic nat quinientos aptovana Simeón. Apquilmiyaclhec nic nat inquilhe alvinatem Seir. Apnalantac nic nat apquilviscaa: Pelatías, najan Nearías, najan Refaías, najan Uziel, apquilyap nic nat Isi. 43 Apsovjoc nic nat apnatovascama apquilmolhama amalecitas. Apquilnaclhec nic nat maa. Apnam nic nat mocjam as ningvamlha nac jay.
© © Biblia en Enhlet (Lengua Norte) © Paraguayan Bible Society, 1995.
