Apquiltamilquiscama tingma apatong
1 Apquilyacyesquic nic nat apquiltamilquiscama apatnaoc moclhama grupos: Apquilmolhama Coré ilhnic nat: Meselemías, Coré apquitca, apyata ilhnic nat Ebiasaf. 2 Meselemías apquitquic nic nat: Zacarías aptiyam apmamyi, Jediael, Zebadías, Jatniel, 3 Elam, Joanan, Elioenai.
4 Obed-edom apquitquic nic nat: Semaías aptiyam apmamyi, Jozabad, Joa, Sacar, Natanael, 5 Amiel, Isacar, Peultai. Aplhamoc nic nat apquitquic Obed-edom, ayinyema Dios apmescama. 6 Apcanit nic nat apquitquic Semaías, Obed-edom apquitca, mayayo ilhnic nat nipyesicsa apquilmolhama. 7 Semaías apquitquic nic nat: Otni, Rafael, Obed, Elzabad, Eliú najan Samaquías, enlhitaoc mayayo. 8 Apyovoclhojo aptovana Obed-edom, najan apquitquic, najan apquilyalhing apquiltomja ilhnic nat mayayo ayinyema apquilvascapma, 72 aptovana Obed-edom.
9 Dieciocho ilhnic nat apquitquic najan apquilyalhing Meselemías, apquiltomja mayayo.
10 Hosa apquitquic, Merari aptovana ilhnic nat: Simri, jave aptiyam apmamyi, aptimesacpo eyca yatapvisqui. 11 Poc nic nat Hilcías, Tebalías, Zacarías. Apyovoclhojo ilhnic nat trece apquitquic.
12 Eycaso ilhnic nat grupos apquiltamilquiscama tingma apatnaoc. Najan yatapquilviscaa, najan apnaymacoc nic nat apquiltimesaycam tingma apponquinomap. 13 Apquilyacyesquic nic nat ayinyema sicas apquilmaycam moclhama grupos, yoyam eltamilsic mataa tingma apatong, najan appaliyam apquilmamyi najan apsilhyavo. 14 Aptamilquiscama atong payjoc actiyapmaclha acnim nic nat Selemías. Apquitca Zacarías consejero ilhnic nat aptamilquiscama atong payjoc nilhqueyja. 15 Obed-edom nic nat aptamilquiscama payjoc nipiyam. Apquitquic nic nat apquiltamilquiscama aplhanaoc tingma apponquinomap. 16 Hosa ilhnic nat aptamilquiscama atong payjoc actalhningvamlha acnim acvisay Salequet, amay acyascama netin.
Eycaso ilhnic nat moclhama grupos: 17 Apquiltamilcasquic nic nat mataa acyovoclhojo acnim payjoc actiyapmaclha acnim, seis enlhit. Payjoc atong nilhqueyja, cuatro enlhit. Payjoc atong nipiyam cuatro enlhit. Apquiltamilcasquic nic nat aplhancoc depósito dos enlhit, najan moc aplhancoc depósito dos enlhit. 18 Payjoc atong actalhningvamlha acnim nicja amay cuatro enlhit apquiltamilquiscama, najan acyivey olhma dos enlhit. 19 Eycaso ilhnic nat grupos apquiltamilquiscama tingma apatnaoc Coré aptovana najan Merari aptovana.
20 Apquilanyacpec nic nat poc levitas eltamilsic acyitnamaclha asoc acmamnave najan acyitnamaclha ofrendas macmescama Dios. 21 Laadán apquitquic, apquilyeyjamcaa ilhnic nat Gersón najan Jehiel. 22 Jehiel apquitquic najan apquilyalhing apquitquic Zetam najan Joel apquiltomja apquiltamilquiscama acyitnamaclha asoc acmamnave congne tingma apponquinomap.
23 Apnam nic nat aptovana Amram, aptovana Izhar, aptovana Hebrón najan aptovana Uziel. 24 Aptamilquiscama asoc acmamnave apquimja apmamyi ilhnic nat Sebuel, apquilyeyjamcaa ilhnic nat Gersón najan Moisés.
25 Eliezer apquilmolhama ilhnic nat apquitca Rehabías. Najan Jesahías, Rehabías apquitca. Najan Joram, Jesahías apquitca. Najan Zicri, Joram apquitca. Najan Selomit, Zicri apquitca.
26 Selomit najan apquilyalhinga apquiltomja apquiltamilquiscama aplhanaoc depósitos acyitnamaclha asoc almomalhca nipyesicsa cotnaja ingmoc. Apnincanma as asoc depósito ayinyema ilhnic nat apvisqui David, najan apyapmayc apquilmolhama, najan singilpilhtetemo apquilviscaa. 27 Alinyema ilhnic nat as asoc almomalhca nipyesicsa cotnaja ingmoc, malha macmescama Dios apquilmaycam tingma apponquinomap. 28 Yitnec nic nat maa asoc almomalhca apnincanma siclho profeta Samuel najan Saúl, Cis apquitca. Najan Abner, Ner apquitca. Najan Joab, Sarvia apquitca. Apquiltamilcasquic nic nat as asoc macmescama Dios apvisay Selomit najan apquilyalhinga.
29 Izhar aptovana ilhnic nat Quenanías najan apquitquic. Apquiltomja ilhnic nat apquilyicpilquemo najan yatapquilviscaa nipyesicsa israelitas apnaycam amyipayc.
30 Hebrón aptovana ilhnic nat Hasabías najan apquilmolhama mil setecientos enlhitaoc mayayo. Apquiltomja yatapquilviscaa payjoc vatsam Jordán actalhningvamlha acnim nipyesicsa Conamyip najan yoyam eltimesam apquiltingyasquiscama asoc macmescama tingma apponquinomap najan macmescama apvisqui rey.
31 Enlhit mayayo nipyesicsa Hebrón aptovana apvisay nic nat Jerías. Vocmec nic nat cuarenta años aptimem apvisqui David, apquilvita ilhnic nat vaycajac acnatalhesomalhca apquilvisay enlhitaoc. Enlhitaoc mayayo ilhnic nat apnam tingma Jazer yoclhilhma Galaad. 32 Yitnec nic nat apcanamaclha apvisqui David. Apquilanyacpec nic nat Jerías najan apquilmolhama eltimjic apquilasinancama nipyesicsa apquilmolhama tribu Rubén, najan tribu Gad, najan media tribu Manasés, payjoc yoclhilhma vatsam Jordán actiyapmaclha acnim. Apyovoclhojo ilhnic nat mil setecientos apquilasinancama apvisqui. Apquiltingyascasquic nic nat asoc macmescama apvisqui najan macmescama tingma apponquinomap.
© © Biblia en Enhlet (Lengua Norte) © Paraguayan Bible Society, 1995.
