Anit asoc navjac aclom
1 Ayiningvoclhec alhta niyava yingmin acvanyam. Yejemoc alhta sicvita lhama asoc navjac aclom actepa nayingmin. Siete alhta apcatcoc najan diez alhta inquipitaoc. Yitnec alhta acpocanma alyinmom moclhama inquipitaoc. Yitnec alhta moclhama apcatcoc actalhesomalhca acmasom actomja ayinmelhaycam Dios. 2 Malha niptana alhta asoc navjac aclom sicvita. Malha oso tomayovjan alhta amancoc. Malha yamacmeyva alhta atong. Inlhocac alhta acmovan najan actemaclha acyimtalhnamo najan actajanem, yoyam colhic malha avisqui. Eycaso ayinyema alhta acmescama sinavocpo. 3 Yitnec alhta acyimsem lhama apcatic, malha yoyam cotsapoc. Intamilaclhec alhta mocjam acyimsem. Pilapcasquic alhta enlhitaoc lhalhma anco apquilvita asoc navjac aclom. 4 Apquilpayasoc alhta sinavocpo enlhitaoc lhalhma anco. Ayinyemaclha acmescama alhta acmovan asoc navjac aclom. Apquilpayasoc najan enlhitaoc asoc navjac aclom. Apquiltomjac alhta:
—¿Soc enlhit apno as asoc navjac aclom? ¿Soc enlhit aptomja apyimnatem yoyam elnapacpoc as asoc navjac aclom? —alhta apquiltomjac.
5 Avanquic alhta coyimtalhnesalhcojo anco. Avanquic alhta conmelham Dios. Inlhocac alhta actemaclha acyimtalhnamo asoc navjac aclom acvocmo cuarenta y dos piltin. 6 Intipquic alhta aclhamoclhojo acpayvam actomja ayinmelhaycam Dios. Intipcasquic alhta apvisay Dios. Intipcasquic alhta acvisay apmaclha najan apquilvisay enlhitaoc apnaycam netin. 7 Avanquic alhta najan colnapalhca Dios apmolhama. Acyimnatem anco, am colhno Dios apmolhama. Inlhocac alhta acmovan yoyam cotnejic avisqui nipyesicsa enlhitaoc lhalhma anco najan aplhamoclhojo apquilmolhama najan aclhamoclhojo cotnaja ninpayvamo lhama najan aclhamoclhojo apquilaoclha enlhitaoc. 8 Elpayicsojoc sat asoc navjac aclom aplhamoclhojo enlhitaoc apquileyvam as nalhpop. Melpayicsoyc sat enlhitaoc acyitna acnatalhesomalhca apquilvisay vaycajac acvisay acyimnatem ingnenyic. Innatalhesalhquic nic nat apquilvisay amamyi apquilantipquiscama Dios as nalhpop. Nipquesic Apquitcoc apmatnam vaycajac apanco, acyitna apquilvisay enlhit acyimnatem apnenyaoc.
9 Appaycaoc innac quellhip, elaylhojo amyaa. 10 Ninganem sat ancoc emacpoc poc enlhit, ongmalhcac sat nincoo lha. Ningajac sat ancoc poc enlhit ningilyiplhalhem sovo acvinatem, ongmatong sat nincoo lha, colhic sat singilyiplha sovo acvinatem. Incaymalhquic yoyam elinlhanmojo actemaclha melyasquiyam Dios apmolhama.
11 Acvitac alhta mocjam moc asoc navjac aclom ayinyema netin lhopactic. Anit alhta inquipitaoc, malha nipquesic apquitcoc. Innoc alhta acpayvam sinavocpo. 12 Acmovan alhta innac. Innoc alhta moc acmovan asoc navjac aclom actiyapma amamyi. Eyca as asoc navjac aclom actiyapma alhayi actimesquiscama, yoyam elpayicsojo enlhitaoc as nalhpop asoc navjac aclom actiyapma amamyi. Acyitna alhta acyimsem actamalviyam. 13 Intipcasquic alhta alyiviy actamjaycam sinpilapquiscama. Actomja actipquiscama talha ayinyema netin napatavo enlhitaoc. 14 Insilhnanaquic aplhamoclhojo enlhitaoc as nalhpop ayinyema actamjaycam sinpilapquiscama. Ayinyema alhta ayasinaycam asoc navjac aclom actiyapma amamyi. Inquiltimnasquic mataa enlhitaoc lhalhma anco, yoyam ellanac quilaycmasquiscama acyitsomalhca asoc navjac aclom actiyapma amamyi, acyitna alhta acyimsem actamalviyam. 15 Inlhocac alhta acmovan asoc navjac aclom actiyapma alhayi. Avanquic covatipnapoc quilaycmasquiscama yoyam cotnejic acyimnatem, cotyisam sat. Intipquic alhta acpayvam quilaycmasquiscama. Incanayquic alhta eticyo aplhamoclhojo apquiltomja coyoyam elpayicsojo quilaycmasquiscama acyitsomalhca asoc navjac aclom actiyapma amamyi. 16 Incanayquic najan yoyam colhic allana alcajascama apmic actamilaclha, inlhoyqui laa payjaclha napaat. Inquilanayquic alhta yoyam eltingya alcajascama aplhamoclhojo enlhitaoc: apquitcaoc najan apquilvanyam, acma apquilnatam najan mepqui apquilnatam, apquilancam apquilmomap najan metnaja apquilmomap. 17 Am sat ancoc coyitnac alcajascama enlhit, copvanquejec emoc lhama asoc, copvanquejec najan eyinyoc lhama asoc. Lhama actemaclha alcajascama actomja acvisay anco asoc navjac aclom. Moc actemaclha alcajascama actomja número acvisay anco asoc navjac aclom. 18 Incaymalhquic colhic ningyascamco. Apyasamcoc sat ancoc enlhit, apvanquic najan elyipsitic número acvisay anco asoc navjac aclom. Eycaso número ayinyema enlhit, actomja seiscientos sesenta y seis.
Ánet aqsok nawha'ák éllo
1 Ekwet'ak axta ko'o ektepa aqsok nawhak eklo neyseksa wátsam ekwányam, siete axta ekyókxoho akqatkok keñe axta diez ekyókxoho m'a kepet'ák. Étchesso akqátek axta chá'a eghak ma'a ekyókxoho kepet'ák nak, yetnegkek axta nahan kéltáxésso ekwanyémo Dios ma'a akqatkok nak. 2 Máxa axta yánneptána m'a aqsok nawhak eklo sekwet'a axta ko'o, keñe axta máxa tamayawhan amagkok ma'a amagkok, keñe axta máxa méwa átog ma'a átog. Yéwa ekwányam axta nahan ekmésso m'a ekmowána, tén han ektaháno ektaqmela, tén han ekyawe kélyaheykekxoho. 3 Máxa axta entáhak ekyawa enxoho ekyense xama akqátek xa aqsok nawhak eklo nak, taqmelákxeyk axta eyke ekyense, kelyegwakkassek axta nahan apkelwet'a apyókxoho énxet'ák apheykha nak keso náxop, apkelyetlákxeyk axta nahan énxet xa aqsok nawhak eklo nak. 4 Apkelpeykásawók axta yéwa ekwányam, hakte méssek axta ekmowána m'a aqsok nawhak eklo nak. Apkelpeykásawók axta nahan ma'a aqsok nawhak eklo nak. Axta entáhak amya'a ekxénáxko s'e: “Méko ekhawo s'e aqsok nawhak eklo nak. Méko nahan kawának kanmexek.”
5 Kél'awók axta nahan katnehek eyeymáxkoho ekpeywa xa aqsok nawhak eklo nak, kél'awók axta nahan kawañaha ekpeywa m'a Dios, kél'awók axta nahan katnehek ekha kélyaheykekxoho ekweykmoho cuarenta y dos pelten. 6 Temék axta ekpeywa aqsok nawhak eklo xa ektáha nak; kenmexáha axta ekpeywa m'a Dios, asagkek axta chá'a ekpeywa ekxéna m'a tén han ma'a aphamakxa nak chá'a Dios, kenmexáha axta nahan ekpeywa m'a apheykha nak néten. 7 Kél'awók axta nahan kalának kempakhakma, kalenmexek ma'a Dios énxet'ák apagkok apkelpagkanamap nak, ekwokmoho ekmallana nepyeseksa, xakak axta nahan yaqwayam keytek apkelyaheykekxoho m'a apyókxoho pók aptémakxa énxet nak, tén han ma'a mók ektémakxa nak chá'a apkelpaqmeyesma, tén han ma'a apkeleñama nak ekyókxoho yókxexma. 8 Apyókxoho énxet'ák apheykha náxop sa' nahan elpeykeshok xa aqsok nawhak eklo nak, cham'a megkanaqtáxésamaxko nak apkelwesey eyeynamo m'a sekxók axta élánamáxko keso náxop, cham'a Nepkések Apketkok apmatñama axta weykcha'áhak apagkok ekyennaqtéssamo nak egnények.
9 Kélheyk'ák sa' agkok eghak kéxegke, kóleyxho sa':
10 “Énxet yaqwayam nak kólhéssók
sẽlpextétamakxa,
kólhéssók sa' sẽlpextétamakxa;
keñe sa' ma'a yaqwayam nak
etekyók kélyetxaqxo sókwenaqte
sókwenaqte sa' kólyetxeygkok etekyók.”
Sa' kataxchek ektémakxa nak apkelenmáxamákpoho Dios énxet'ák apagkok apkelpagkanamap xa, tén han ma'a ektémakxa nak melya'ásseyam.
11 Ekwet'ak axta makham ko'o mók aqsok nawhak eklo ektepa eñama kañe' xapop. Ánet axta kepet'ák, ektémól'a nepkések apketkok apkepet'ák, hawók axta eyke ekpeywa m'a yéwa ekwányam. 12 Hawók axta eyke ektémakxa kélyaheykekxoho m'a émha amonye' aqsok nawhak eklo nak, cham'a ekyepetcha'awo enxoho, keltamhók axta nahan elpeykeshok apyókxoho énxet apheykha nak náxop ma'a émha amonye' aqsok nawhak eklo nak, cham'a ektaqmelákxo axta aqsa ekyense ekyawe. 13 Kelanak axta nahan chá'a m'a aqsok sempelakkassamo nak agweta'. Wokmók axta nahan ektegkesa táxa keso náxop nápaqta'awók énxet'ák. 14 Kelyexancháseyha axta chá'a apyókxoho énxet'ák apheykha nak keso náxop, eñama m'a aqsok sempelakkasso nak agwetak kélhayo axta kalának naqtók ma'a émha amonye' nak aqsok nawhak eklo, keltamhók axta nahan kalanaxchek kéleykmássesso ekhawo xa émha amonye' aqsok nawhak eklo nak, cham'a ekyáqtama nak makham, kélyetxaqxama nak eykhe sókwenaqte kélyensassama. 15 Xakak axta ekmowána xa mók aqsok nawhak eklo ekteyapma axta axayo', yaqwayam enxoho kawátekhápok xa kéleykmássesso kélheyáseykegkoho nak ma'a émha amonye' aqsok nawhak eklo, yaqwayam enxoho kapaqmétek xa kéleykmássesso nak, tén han kának etekyók ma'a apyókxoho énxet ektáha nak melpeykessamo xa kéleykmássesso nak. 16 Keltamhók axta anhan kólqahássesagkok apmék apyókxoho énxet'ák ekpayhókxa nak chá'a apkelya'assamakxa essenhan ma'a ekpayhakxa nápát, cham'a meyke nak kéláyo tén han ma'a ekyawe nak kéláyo, kelwesse'e, tén han ma'a meyke nak aqsok apagkok, tén han ma'a metnaha nak kélásenneykha tén han ma'a kélásenneykha naqsa nak. 17 Méko axta kawának kamok ekha ekyánmaga aqsok tén han kayenyekxak ekha ekyánmaga méko enxoho kélqahasso, essenhan ekwesey m'a aqsok nawhak eklo essenhan ma'a ekwánxa enxoho número m'a ekwesey.
18 Sa' kataxchek ektémakxa negya'ásegwayam se'e; énxet apya'áseykegkoho enxoho, kaxén apwáxok ekwánxa nak élqahasso m'a aqsok nawhak eklo, ektáha nak han énxet número apagkok. Seiscientos sesenta y seis xa número nak.
