Apvisqui Abiam nipyesicsa co Jodá
(2~Cr 13.1-22)1 Aptimec nic nat Abiam apvisqui co Judá, naysicsa aptimem nic nat apvisqui co Israel Jeroboam, Nabat apquitca, acvaycmo dieciocho años. 2 Tres años nic nat aptimem apvisqui tingma Jerusalén. Inquin nic nat acvisay Maaca, apyata ilhnic nat Absalón. 3 Yitnec nic nat aptemaclha apsilhnanomap apanco napato Dios Visqui ingac, apno ilhnic nat apyap. Impeyvoc nic nat apvalhoc apyeyjamcaa David, am nic nat copeyvomo apvalhoc apvisqui Abiam. 4 Ayinyema ilhnic nat apcasicjayo Dios Visqui ingac David, mesaponquisa calevascama tingma Jerusalén, ningiltimem aptimesomap nic nat apvisqui tingma Jerusalén. 5 Aptasic nic nat mataa apvisqui David, mepqui apyeycajascama apcanamaclha Dios. yitne inyicje lhama aptemaclha apanco ilhnic nat David, napato Urías apvisay hitita.
6-7 Naysicsa aptiyascam Roboam apquilinlhanacmec nic nat apquilimpocjay nipyesicsa Jeroboam apnaymacoc najan Roboam apnaymacoc, apquiltemaclha apquilnapomap. Yitnec nic nat apquilimpocjay Abiam apnaymacoc najan Jeroboam apnaymacoc, apquiltemaclha apquilnapomap. Yitnec nic nat actalhesomalhca mocjam aptemaclha apvisqui Abiam, vaycajac crónicas apquilviscaa co Judá. 8 Apquitsepquic nic nat Abiam, apcatoynacpo ilhnic nat Tingma David. Aptimesacpec nic nat apvisqui apquitca Asa, apya'monquiscama apyap.
Apvisqui Asa nipyesicsa co Judá
(2~Cr 14.1-52~Cr 15.16-19)9 Aptimec nic nat Asa apvisqui co Judá, naysicsa aptimem nic nat apvisqui Jeroboam, apvisqui co Israel, acvaycmo veinte años. 10 Cuarenta años nic nat aptimem apvisqui Asa tingma Jerusalén. Apyama ilhnic nat Maaca, apyeyjamcaa ilhnic nat Absalón.
11 Aptasic nic nat apvisqui Asa napato Dios Visqui ingac, apno ilhnic nat apyeyjamcaa David. 12 Apquilantipcasquic nic nat enlhit apquilanatama payjoc acyitnamaclha quilaycmasquiscama. Apnatovasquic nic nat acyovoclhojo quilaycmasquiscama apquillanay nic nat apquilyeyjamcaa. 13 Apquilvatescasquic nic nat actimem avisqui apyama Maaca, actomja ilhnic nat allanay quilaycmasquiscama Asera. Aptovasquic nic nat apvisqui Asa as quilaycmasquiscama, apquilvatna talha payjoc alvata Cedrón. 14 Apquilinlhanacmec nic nat apnaymacoc eltimjic apquilayo quilaycmasquiscama lhalhma anco. Mepqui ilhnic nat aptemaclha apanco apvisqui Asa napato Dios Visqui ingac. 15 Apninquinquic nic nat tingma apponquinomap acyovoclhojo oro alyinmom najan plata, ayinyema ilhnic nat apponquinquiscama siclho apyap, najan quilhvoc apponquinquiscama apanco apvisqui Asa.
Apvisqui metnaja israelita Ben-adad
(2~Cr 16.1-10)16 Yitnec nic nat mataa apquilnapomacpilha apquilimpocjay apvisqui Asa apnaymacoc najan apvisqui co Israel Baasa apnaymacoc. 17 Apquilimpocjac nic nat Baasa apnaymacoc nipyesicsa co Judá. Apquillanac nic nat tingma Ramá apnamcaclha singilpilhtetemo, yoyam comascoc aplhingam amay apvisqui co Judá najan apnaymacoc. 18 Apsovjoc nic nat apvisqui Asa acyovoclhojo oro najan plata congne tingma apponquinomap najan apvisqui tingma pac. Apquilapajasquic nic nat apquilasinancama apnaclha Ben-adad, apvisqui co Siria, apyap nic nat Tabrimón, apyata ilhnic nat Hezión, payjoc apvisqui tingma pac Damasco. Apquilsaclhec nic nat oro najan plata apquilmescama nasa. Apquililtimnasquic nic nat amyaa: 19 ¡Lhip nac visqui Ben-adad! Altamjoc coo najan lhip ongillana pacto ningmiyovmalhca, acno ilhnic nat apquiltemaclha ningilyeyjamcaa. Ayapajasquic coo sicmescama nasa lhip oro najan plata. Ilvatesquis sat lhip pacto apmiyovmacpilha apvisqui Baasa co Israel. Comascoc sat singilimpocjay mataa apvisqui Baasa najan apnaymacoc — nic nat intomjac amyaa.
20 Inlicavoc nic nat apvalhoc aplinga amyaa ayinyema apvisqui Asa co Judá. Apcapajasquic nic nat apquilviscaa singilpilhtetemo, yoyam elimpocjac tingma apquilvanyam nipyesicsa enlhitaoc Israel. Apquilimpocjac nic nat tingma Ijón, tingma Dan, tingma Abel-bet-Maaca, yoclhilhma Cineret najan apquileyvomaclha apquilmolhama Neftalí. 21 Pilapcasquic nic nat aplinga apvisqui Baasa co Israel. Apquilvatsamquic nic nat apquillanay tingma Ramá, apquiltajaclho mocjam tingma Tirsa. 22 Apcansaclhec nic nat apvisqui Asa apyovoclhojo enlhitaoc Judá mepqui apcaymomap lhama. Apquilsovjoc nic nat apquilpatmaoclha mataymong najan yamit nicja, apquilyamasma apnaymacoc Baasa tingma Ramá. Apquillanac nic nat apnamcaclha singilpilhtetemo tingma Geba najan tingma Mizpa yoclhilhma Benjamín.
Apquitsepma apvisqui Asa
(2~Cr 16.11-14)23 Yitnec mocjam acnatalhesomalhca amyaa aplhenacpo apvisqui Asa, najan apquillanay nic nat tingma apquilvanyam, acvisay vaycajac crónicas apquilviscaa co Judá
Apvanacmec nic nat apvisqui Asa, asquejec nic nat apmancoc. 24 Apquitsepquic nic nat, apcatoynacpec nic nat payjoc Tingma David. Aptimesacpec nic nat apvisqui apquitca Josafat, apya'monquiscama apyap ninga.
Apvisqui Nadab co Israel
25 Dos años nic nat aptimem apvisqui Asa co Judá. Aptimesacpec nic nat apvisqui co Israel apvisay Nadab, apyap nic nat Jeroboam. Dos años nic nat aptimem apvisqui. 26 Somcoc nic nat aptemaclha apanco napato Dios Visqui ingac. Yitnec aptemaclha apanco apsilhnanomap, acno ilhnic nat aptemaclha apyeyjamcaa, aptomja apsilhnanoncama enlhitaoc Israel. 27 Apvisqui Baasa, apyap nic nat Ahías, apquilmolhama tribu Isacar, apquilpamejitsacpo apnaymacoc, yoyam elajic. Apmatnec nic nat apvisqui Nadab naysicsa apquilimpocjay tingma apvanyam Gebetón co Filistea.
28 Aptimesacpec nic nat apvisqui co Israel apvisay Baasa, apya'monquiscama apvisqui apmatnam Nadab. Apvisqui co Judá ilhnic nat Asa acvaycmo tercer año. 29 Apticyovquic nic nat apyovoclhojo apquilmolhama Jeroboam. Am nic nat ingyaymacpoc lhama. 30 Eycaso ayinyema ilhnic nat aptemaclha apvisqui Jeroboam, apsilhnanoncama ilhnic nat enlhitaoc Israel, yoyam elvoc Dios Visqui ingac.
31 Yitnec nic nat mocjam acnatalhesamalhca amyaa apvisqui Nadab, acvisay vaycajac crónicas apquilviscaa co Israel.
32 Apquilinlhanacmec nic nat mataa apquilimpocjay apnaymacoc apvisqui Asa co Judá najan apnaymacoc apvisqui Baasa co Israel, apquiltemaclha apquilnapomap.
Apvisqui Baasa nipyesicsa co Israel
33 Aptimec nic nat tercer año apvisqui Asa co Judá, aptimesacpo apvisqui co Israel apvisay Baasa, Ahías apquitca, payjoc tingma Tirsa, acvaycmo veinticuatro años. 34 Somcoc nic nat aptemaclha apanco Baasa napato Dios Visqui ingac, aptomja apsilhnanoncama enlhitaoc Israel, acno ilhnic nat aptemaclha apanco Jeroboam.
Abiam apteme wesse' apwányam ma'a Judá
(2 Cr 13.1-22)1 Apkeynamók axta apteme wesse' apwányam Abiam ma'a Judá, ekweykmo axta dieciocho apyeyam apteme wesse' apwányam ma'a Jeroboam, Nabat axta apketche. 2 Apqántánxo apyeyam axta apteme wesse' apwányam ma'a Jerusalén. Maacá axta ekwesey egken, Absalón axta apketche kelwána. 3 Hawók axta han apkelane mey'assáxma Abiam ma'a ektémakxa axta apkelane mey'assáxma m'a apyáp, axta egkéssamók apagko' apwáxok ma'a Dios Wesse' apagkok, aptéma axta David, apyáta' nano' axta, apméssama apagko' axta apwáxok ma'a Dios. 4 Apchásekhayo eyke keñamak Wesse' egegkok ma'a David, apméssama yaqwayam megkaspónhek élsassóxma apagkok ma'a Jerusalén, apteméssessama xama apketche wesse' apwányam apyaqmagkasso, yaqwayam enxoho megkólmasséssemek ma'a Jerusalén; 5 hakte apkeláneyak axta chá'a David ma'a aqsok ekleklamókxa nak apwáxok Wesse' egegkok, axta eyenseykmok xama enxoho, neyseksa apha m'a apkeltémókxa axta chá'a etnehek Wesse' egegkok, wánxa m'a apteméssessamakxa axta Urías, apteme axta hitita.
6-7 Axta kamassegweykmok apkelnápomap Roboam ma'a Jeroboam, megyetsapmakxa axta makham ma'a Roboam. Apkelnápomákpek axta han Abiam ma'a Jeroboam. Ektémakxa axta apweynchámeykha Abiam keñe han ma'a ekyókxoho aqsok apkelane, hágkek eknaqtáxésamaxche m'a weykcha'áhak apagkok axta m'a kelwesse'e apkelwányam nak Judá. 8 Apketsepmeyk axta Abiam, kélátawanyegwákxeyk axta m'a David Tegma Apwányam apagkok. Tén axta apyaqmagkassama apteme wesse' apwányam ma'a apketche Asá.
Asá apteme wesse' apwányam ma'a Judá
(2 Cr 14.1-52 15.16-19)9 Apkeynamók axta apteme wesse' apwányam Asá m'a Judá, ekweykmo axta veinte apyeyam apteme wesse' apwányam Jeroboam ma'a Israel, 10 cuarenta apyeyam axta weykmok apteme wesse' apwányam ma'a Jerusalén. Maacá axta ekwesey apyáma', Absalón axta apketche kelwána.
11 Leklamók axta apwáxok Wesse' egegkok ektémakxa aqsok apkelane m'a Asá, ektéma axta m'a apyáta' David. 12 Apkelántekkessegkek axta apchókxa m'a énxet'ák apkeláneykegkoho axta chá'a apkeltémakxa ekmaso megkalmopsexta'a apkelyamasma apyókxa, cham'a apkelpeykessamókxa axta chá'a aqsok kéláyókxa', apmassésseykmek axta ekyókxoho m'a kéleykmássesso, apkeláneyak axta m'a apyapmeyk nano'. 13 Apkelwátéssessegkek axta han ekteme wesse' ekwányam apyáma' Maacá, hakte keltémok axta kóllanaksek ma'a kéleykmássesso Aserá. Apkelekkexeykekxeyk axta Asá m'a kéleykmássesso nak, keñe apkelwatnegweykmo m'a alwáta' nak Cedrón. 14 Axta eykhe kólmassésseykmok ma'a kélpeykessamókxa axta chá'a aqsok kéleykmássesso, cham'a egkexe nak chá'a, axta eyke eyenseykmok apyetleykha Wesse' egegkok ma'a Asá, 15 apxátaweykekxeyk axta ekyókxoho sawo élyátekto élmomnáwa tén han sawo élmope élmomnáwa m'a Wesse' egegkok tegma appagkanamap apagkok, apkelpagkanchesso axta chá'a Wesse' egegkok ma'a, tén han ma'a apyáp axta.
Asá ekhémo mók apkelpaqhetchásamákpoho Ben-hadad
(2 Cr 16.1-10)16 Axta kamassegweykmok apkelnápomap Asá m'a Baasá, wesse' apwányam axta m'a Israel. 17 Xama axta apketámeykegko Baasá m'a Judá, aphaxtegkessegkek axta ekyennaqte m'a Ramá, yaqwayam enxoho megyohok chá'a kalántaxnaxchek aphakxa m'a wesse' apwányam Judá. 18 Tén axta Asá apkelmoma m'a ekyókxoho sawo élyátekto élmomnáwa, tén han sawo élmope élmomnáwa, ekheykegko axta m'a kélxátamakxa nak aqsok élmomnáwa apagkok ma'a Wesse' egegkok tegma appagkanamap apagkok, keñe han ma'a wesse' apwányam apxagkok apyawe, apkeláneykha axta han apkeláphassók elsakxések ma'a Ben-hadad, wesse' apwányam axta Siria, Tabrimón axta apketche, Hezión axta aptáwen, aphama axta m'a Damasco. Apcháphássessek axta han se'e appeywa nak: 19 “Aghéshok sa' mók nélpaqhetchásamáxkoho, xép tén han ko'o, yaqwayam ólpasmaxkoho', aptamheykegko axta ẽlyapmeyk nano'. Keso séláphássesso sawo élyátekto élmomnáwa s'e tén han sawo élmope élmomnáwa sélmésso naqsa. Elwatés sa' appasmo m'a Baasá, wesse' apwányam nak Israel, keñe sa' kamaskok ko'o sélya'assóxma'.”
20 Apkelyahákxók axta Ben-hadad aptáhakxa apcháneya m'a wesse' apwányam Asá, keñe axta apkeláphasa sẽlpextétamo apkelwesse'e apagkok yaqwayam ektamagkok ma'a tegma apkelyawe nak Israel. Apmeyk axta m'a yókxexma Iión, Dan, Abel-bet-maacá, ekyókxoho m'a yókxexma nak Quinéret, tén han ma'a yókxexma nak Neftalí. 21 Xama axta apleg'a amya'a Baasá, apkelwátessásegkek axta aphaxtegkesso meteymog nepyáwa Ramá m'a énxet'ák apagkok, aptaqháwok axta aqsa apmeyákxo m'a Tirsá. 22 Tén axta wesse' apwányam Asá apkeláneyáncha'a m'a apyókxoho énxet'ák Judá, meyke apkeymomap xama enxoho, Ramá axta han keleñamak apkelsawa meteymog, tén han ma'a yámet apkelmeykha axta Baasá yaqwayam yahaxtamok nepyáwa tegma, cháxa apkelmáncha'a axta han aphaxtegkesa ekyennaqte nepyáwa Gueba tén han Mispá m'a wesse' apwányam Asá.
Asá apketsapma
(2 Cr 16.11-14)23 Ektémakxa axta ekyókxoho apweynchámeykha Asá tén han megyesseykekxa chá'a apkelane aqsok, tén han mók aqsok apkelane, tén han ma'a tegma apkelyawe apkelane axta, hágkek eknaqtáxésamaxche m'a weykcha'áhak apagkok axta m'a kelwesse'e apkelwányam nak Judá.
Kelmássegkek axta apmagkok aptéma apwányamók ma'a Asá, 24 xama axta apketsapma, kélátawanyegwákxeyk axta xamo' ma'a apyapmeyk nano', David Tegma Apwányam apagkok. Keñe axta apyaqmagkassama apteme wesse' apwányam ma'a apketche Josafat.
Nadab apteme wesse' apwányam Israel
25 Apqánet apyeyam axta temék apteme wesse' apwányam Asá m'a Judá, keñe apkeynamo apteme wesse' apwányam Nadab ma'a Israel, Jeroboam axta apketche. Apqánet apyeyam axta han apteme wesse' apwányam. 26 Asagkek axta eyke ektémakxa aqsok apkelane nápaqtók Wesse' egegkok; hawók axta ektémakxa apkelane mey'assáxma m'a apyáp, cháxa apkelánéseykegko axta han melya'assáxma m'a israelitas. 27 Keñe axta m'a Baasá, Ahías axta apketche, apkeñama axta nepyeseksa m'a Isacar énxet'ák apagkok, apyexamakpoho apkeláneykekxo yaqweykenxa etnéssesek, apchaqhegwokmek axta han ma'a Guibetón, tegma apyawe apagkok axta m'a filisteos, apwakhésseykemxa axta apyókxoho sẽlpextétamo israelitas ma'a Nadab.
28 Apchaqhegkek axta Baasá m'a Nadab, ekweykmo axta apqántánxo apyeyam apteme wesse' apwányam Asá m'a Judá, tén axta apyaqmagkassama apteme wesse' apwányam. 29 Axta han kawenaqtémok apteme wesse' apwányam apkelnapma apyókxoho m'a Jeroboam apnámakkok. Apsawhomók axta Baasá m'a apyókxoho Jeroboam apnámakkok, méko axta apcháyam, ekhawo m'a aptémakxa axta apxeyenma Wesse' egegkok, apchásenneykekxo axta exének Ahías, apkeñama nak Siló. 30 Jeroboam apkelane mey'assáxma keñamak ektéma xa, apkelánéseykegko axta melya'assáxma m'a israelitas, aplókassama m'a Wesse', Dios nak Israel.
31 Ektémakxa axta apweynchámeykha Nadab tén han ekyókxoho aqsok apkelane, hágkek eknaqtáxésamaxche m'a weykcha'áhak apagkok axta m'a kelwesse'e apkelwányam nak Israel.
32 Axta kamassegweykmok apkelnápomap Asá m'a Baasá, wesse' apwányam axta m'a Israel.
Baasá apteme wesse' apwányam Israel
33 Apkeynamók axta apteme wesse' apwányam Baasá m'a Tirsá tén han ekyókxoho Israel, cham'a Baasá, Ahías axta apketche, ekweykmo axta apqántánxo apyeyam apteme wesse' apwányam Asá m'a Judá. Veinticuatro apyeyam axta han apteme wesse' apwányam. 34 Asagkek axta eyke ektémakxa aqsok apkelane nápaqtók Wesse' egegkok ma'a Baasá, hakte hawók axta ektémakxa apkelane mey'assáxma m'a Jeroboam, apkelánéseykegko axta melya'assáxma m'a israelitas.
