Aptamilquisquiyam apquilvalhoc Dios
1 Aptomjac alhta Dios apquilanya:
Eltamilquisquim apquilvalhoc. Eltamilquisquim apquilvalhoc enlhitaoc ajancaoc.
2 Elpamejitquis sat enlhitaoc tingma Jerusalén yoyam coltamalvomoc apquilvalhoc. Eltime sat elanic: Invocmec nelha actemaclha apquillingaycamco acyimtalhnama. Inmascosalhquic melyascalhma apancaoc. Anit aptamjayclha apyanmongsayclha Dios melyascalhma enlhitaoc — sat eltime elanic — alhta aptomjac Dios Apyimtalhnamo.
3 Appameteycam enlhit apquilpalhamaycam yoclhilhma actamopeycaoc: —Elanesquis amay yoyam eyacsic Dios Visqui ingac.
4 Covayventac sat aclhamoclhojo mataymong acvinatem najan inquilh'a. Copeyveclhec sat netin alvata. Colhic sat alpeyvaseclho alyicvateycaoc lhopactic. Colhic sat alpayesaclho alyipjaycaoc lhopactic.
5 Cotalhcac sat gloria actemaclha apyimtalhnamo Dios Visqui ingac. Elvitac sat aplhamoclhojo enlhitaoc lhalhma anco. Eycaso appayvam Dios Visqui ingac — alhta aptomjac enlhit apquilpalhamaycam.
6 Moc appayvam mocjam: —Iltimnas sat amyaa — intomjac siclingay. Ayatingmavoc alhta coo: —¿So actema amyaa yoyam oltimnacsic? — alhta actomjac coo. Aptomjac alhta seyanya: —Aplhamoclhojo enlhitaoc apquiltomja malha paat. Enlhit apquilyimtalhnamo apquiltomja malha ilhnamoc alimja amyip.
7 Inyamamquic mataa paat, inquiljalhec mataa ayinyema apvatipnapma Dios Apyimtalhnamo. Naso, malha paat apquiltomjac enlhitaoc.
8 Inyamamquic mataa paat, inquiljalhec mataa ilhnamoc. Comasquingvomejec sat mataa Dios appayvam — alhta intomjac siclingay.
9 Quellhip co Sión. Elquinamit sat netin inquilhe acvinatem eliltimnacsic tasic amyaa. Quellhip co Jerusalén. Eliltimnas sat tasic amyaa, elyimnaticsojo apquilpayvam. Noncoltamjam nasa apquilvalhoc. Elyimnaticsojo apquilpayvam. Eliltimnas sat aplhamoclhojo tingma Judá apmolhama. Quip elanojo. Apquilhyacme Dios quellhip Apvisqui apancaoc.
10 Apquilhyacme Dios Dios Visqui ingac acyiplomo acyivey apmopvan. Acyimnatem anco apectong, am colhno enlhit. Apquilmamyi apquillhingam enlhitaoc apquilmomap. Apquillhalhma apquiltomjac apquilmam Apvisqui.
11 Eltamilsic sat apnatoscama malha quilancam nipquesic. Ingyaynic sat nipquesic apquitcoc. Epquinic sat apquinlhaclha. Etamilsojoc sat mataa enaliclha apyapmoc quilhva appaliyam apquitcoc.
Gloria apyimtalhnamo Dios
12 Eycaso alhta Dios appayvam: —Quip elanojo yingmin acvanyam. ¿Soc enlhit etnejic apmopvan apquilyipsateycaoc apyacvom apmic? ¿Apvanqui ya elyipsitic apmic apnaycamcolha apyová? ¿Apvanqui ya elyipsitic apmic lhopactic as nalhpop? ¿Apvanqui ya elyipsitic inquilhe actemaclha ningiljanma balanza, najan acvayveyquinta lhop?
13 ¿Soc enlhit apmopvan eyantamac Dios apvanmoncama? ¿Apvanqui ya elhicmocsic yoyam eyasingvomoc Dios?
14 ¿Aptingya ya Dios enlhit apmopvan yoyam colhic aclhicmosa? ¿Jalhco ayinyema apyasingvoyam Dios aptemaclha appeyvomo najan aptemaclha apyascamco?
15 Quip elanojo. Melyoy apquiltomja aplhamoclhojo enlhitaoc, malha yingmin macsipquinquiscama najan malha lhopactic anic acyipitcay balanza ningiljanma. Malha lhopactic anic intomjac inquilhe acvinatem napato Dios.
16 Colhoyc sat ningilvatnamaclha yamit napato Dios ninsovja sat nalhma Líbano. Colhoyc sat asoc acticyovam ninsovja sat asoc navjac aleyvam inquilhe Líbano.
17 Malha mongiltomja enlhit as nalhpop singilan'o Dios. Am colhenac mataa apvalhoc Dios ningiltomja enlhit.
18 ¿Yitne ya lhama asoc ningyesicsa macyitquiscama Dios? ¿So actema quilaycmasquiscama acyitsomalhca Dios?
19 Enlhit apanco aptomja apquillanay quilaycmasquiscama. Poc enlhit aptomja apquillanay ayimpejic oro asoc alyinmom. Aptomja apquilnalhimquiscama ayimpejic plata asoc alyinmom.
20 Enlhit mepqui apquilnatam aptingyac mataa memong actamila. Aptingyascasquic mataa enlhit apmopvan ellanac quilaycmasquiscama. Mepqui ayactamalhca quilaycmasquiscama acyitsomalhca Dios.
21 ¿Am ya alhta elyasamcoc quellhip? ¿Am ya alhta ellingac quellhip? ¿Am ya alhta colngalhcac amyaa siclhoc anco? ¿Am ya elyasamcoc quellhip ayinyema siclhoc anco alanomalhca as nalhpop?
22 Apnec netin Apvisqui aptajanem Dios. Aptomja Apvisqui apancaoc enlhitaoc as nalhpop. Apquitcoc mataa enlhitaoc napato Dios malha sova. Malha apava appayjem aptomja appayescama Dios netin. Aptomja appayescama netin malha carpa macpayescama apmaclha.
23 Apquilvatescasquic mataa apquiltemaclha apquilviscaa malha asoc comomalhca. Inmasquec actomja apvisay enlhit aptomja apyimtalhnamo siclho.
24 Malha yamit apquiltomja enlhitaoc. Actomja mayinayclha siclho. Inyiplovcoc actiyapma inquipmenaoc. Inyiplovcoc apvatipnapma Dios malha alhcajayam. Yejemoc alyamamco yamit. Malha piyam apquilictalhcam apyamasma mocjay papiyov apjapac.
25 ¿Soc asoc selyitsa quellhip? — alhta aptomjac Dios apyimtalhnamo.
26 Elsicjiclhojo sat netin. Quip elanojo apyova. ¿Soc allanay as asoc? Dios aptomja apquilantipquiscama aplhamoclhojo. Aptimesquiscama apquilvisay moclhama apyova. Mengyaymacpejec lhama apyova. Ayinyemaclha Dios aptomja apyimtalhnamo najan apyimnatem apanco.
27 ¿Soc allhanma apquilvalhoc quellhip Jacob apquilmolhama? Intomjac mataa apquilvalhoc quellhip: —Am eyasamcoc Dios sictemaclha coo. Am colhnac apvalhoc sictemaclha sicpeyvomo — intomjac mataa apquilvalhoc quellhip.
28 ¿Am ya elyasamcoc quellhip? ¿Am ya ellingac quellhip? Dios aptomja apquilmilaneycaoc, aptomja memasquingvoyam mataa. Aptomja apquilantipquiscama as nalhpop. Mepqui apyampay mataa Dios. Aptomja apyascamco apanco, paj lhama enlhit apno.
29 Dios aptomja singilyimnatescama naysicsa ningilyampay. Aptomja singilyimnatescama naysicsa mongilyimnatem.
30 Apquilyampavoc mataa quilyimnanic inmasquec apquilyimnatem. Apquilatamquic mataa enlhit apquitcoc.
31 Apquilinlhanacmec sat ancoc apquilyiplovquiscama, colhic sat apquilyimnatem. Malha aplhimpancoc mama apvinatem sat cotnejic. Melyampejec sat naysicsa apquinincaycam. Eleyoc sat mataa mepqui apquilyampay — alhta aptomjac Dios Apyimtalhnamo.
Wesse' egegkok apkeltaqmelchessáseykekxa apkelwáxok énxet'ák Jerusalén
1 Aptáhak Dios kélagkok
nak kéxegke s'e:
“Kóltaqmelchessásekxa apkelwáxok
énxet'ák ahagkok,
kóltaqmelchessásekxa';
2 kólpaqhetchesha yetlo
éltaqmeleykha kélwáxok ma'a
énxet'ák Jerusalén,
kóltennés ekmassegwokmo
kaxwo' ma'a ektémakxa nak
kélásenneykha naqsa ekyentaxno,
kóltennés appenchesa
apyaqmagkáseykekxa mók ma'a
aqsok melaqhémo,
tén han sekyeykhássekmoho ko'o
séllegassáseykegkoho
ekyókxoho m'a melya'assáxma.”
3 Táhak xama kélpeywa
ekyennaqte s'e:
“Kóllanés xama ámay
Wesse' egegkok ma'a
yókxexma meykexa nak énxet,
kóllanés xama ámay ekpéwomo
Dios egagkok ma'a yókxexma
megkatyapmakxa nak xama aqsok.
4 Kólapagkokxa ekyókxoho m'a xóp
élyapwátéyak nak,
kólpeykásekxa m'a egkexe nak
tén han ma'a egkexe étkók nak,
kóltemessásekxa éláxñeyo agko'
xapop ma'a yókxexma
élekhahéyak nak xapop
tén han ma'a ekxámokmakxa nak
meteymog élwenaqte.
5 Keñe sa' exekmósek
apcheymákpoho m'a
Wesse' egegkok,
elwetak sa' apyókxoho énxet
meyke apkeymomap.
Wesse' egegkok apagko'
apxeyenma xa.”
6 Táhak xama kélpeywa s'e:
“Elpáxamha”,
tén axta sektáha ko'o
sélmaxneyeyncha'a s'e:
“¿Yaqsa ko'o axének alpáxamha?”
“Apyókxoho énxet
apteme máxa pa'at,
¡hawók ektémakxa nak
apyennaqte m'a
pánaqte exnók émha nak yókxexma!
7 Katsapok chá'a áwa' pa'at
ekwátekhapa enxoho m'a
Wesse' egegkok apkennama,
kalyameyk nahan ma'a exnamok.
Naqsók máxa pa'at ma'a énxet.
8 Katsapok chá'a áwa' m'a pa'at,
kalyameyk nahan chá'a m'a exnamok,
keñe m'a Dios egagkok appeywa nak
megkamassegwomek chá'a.”
9 Yenát sa' egkexe néten nak Sión,
énnaqtés sa' appeywa
exének amya'a ektaqmela.
Nágye aqsa énnaqtések appeywa
m'a Jerusalén,
etne sa' ellegaksek
tegma apkelyawe nak Judá s'e:
“¡Keso Dios kélagkok se'e!”
10 Apwa'akteyk kaxwók
Wesse' egegkok
yetlo apmopwána,
kóneg aptemessásekxak
ekyókxoho aqsok
eñama apyennaqte.
Apnaqlánteyk énxet'ák apagkok
apkelwagkasso teyp.
11 Máxa keláneykha nepkések
aptáhak apkexyekmo
apkeltaqmelchessól'a m'a
nepkések apnaqtósso;
apkelqeynánteyk ma'a
nepkések apketkók,
apkelpathetánteyk nahan,
aptaqmelchásawók nahan chá'a
apkeláneykha m'a
kaxwe aptamhéyak nak apnaqláw'ák.
Israel Dios apagkok apteme apwányam apagko'
12 ¿Yaqsa élyetsáteykegko
awáxok ámek
ekwánxa ekyawe m'a
wátsam ekwányam nak?
¿Yaqsa élyetsáteykegko aphék
ekwánxa ekpayhe m'a néten?
¿Yaqsa ekxátama
xama kelyetsáteyak
ekyókxoho yagkamex
nak keso náxop?
¿Yaqsa nahan élyetsáteykegko
xama kelyetsáteyak ma'a egkexe
tén han ma'a meteymog
élekhahéyak nak?
13 ¿Yaqsa éltaméseykegko chá'a
aqsok ma'a Wesse' egegkok?
¿Yaqsa élxekmowáseykegko chá'a
yaqwánxa etnehek?
14 ¿Yaqsa ekpékessáseykegko
chá'a?
¿Yaqsa ekya'assáseykegkoho chá'a
aqsok?
¿Yaqsa éltámesso yaqwayam
elyekpelkohok chá'a énxet'ák
yetlo ekpéwomo aptémakxa?
¿Yaqsa élxekmósso
yaqwayam ey'asagkohok chá'a
ektémakxa ekyókxoho aqsok?
¿Yaqsa ekmésso chá'a amya'a
ektémakxa nak negya'ásegwayam?
15 Máxa xama eksekkenmal'a
yegmen entemék apkelányo
énxet'ák ma'a Dios,
ektémól'a m'a xóp ánek
ekheykegkokxal'a m'a kañe'
kelyetsátéyak;
hawók apkelányo
yagkamex keyetsék la'a m'a
apkelókxa egkexe étkók
ekhéyak nak neyseksa
wátsam ekwányam.
16 Ántawók aqsok kélnaqtósso
m'a ekyókxoho nak kañe' Líbano
yaqwayam enxoho kólwatnések,
ántawók nahan yántapák
yaqwayam enxoho kólwatnések táxa.
17 Mékoho apancha'awók
nápaqtók Dios ma'a apyókxoho
pók aptémakxa nak chá'a énxet'ák;
apkelyelqákpók elano'.
18 ¿Yaqsa sa' kólhéshok
kéxegke m'a Dios?
¿Yaqsa sa' aqsok
kólyetchásekxoho'?
19 Elának chá'a xama aqsok
kéleykmássesso m'a énxet
apkeleykmassáseykencha'awo
nak chá'a
ektémakxa xama aqsok,
keñe m'a apkelane nak chá'a
aqsok étkók éltaqmalma,
elyepetchesek chá'a émpehek ma'a
sawo ekyátekto ekmomnáwa,
elanaksek nahan chá'a
eknatanma m'a
sawo ekmope ekmomnáwa nak.
20 Elyésha chá'a xama yámet
megkakpelchamáxche nak chá'a
m'a énxet
apkeláneyo nak chá'a
aqsok kéleykmássesso,
etegyaha nahan chá'a
yaqwayam etnegkesek ma'a
xama énxet apmopwána nak
apkeleykmassáseykha,
yaqwayam enxoho megkayaqnene'.
21 ¿Yagkólya'ásegkok kéxegke?
¿Yagkóllegeyk kaxénaxche'?
¿Yagkóltennáseykha m'a sekxók
eyeynókxa axta?
¿Yagkólya'ásegkok sekxók axta
élánamáxko keso nélwanmégkaxa?
22 Aphegkek Dios ma'a teyp yaphope
eyapma nak keso náxop,
máxa séta nahan aptemék
apkeláneykencha'a m'a énxet'ák.
Máxa kélpakxanma aptemék
appeykessama yaphope m'a néten,
máxa kélpakxanma aptemék
appeykessama,
negmowánal'a anxek ma'a kóneg.
23 Mékoho nahan chá'a
etnessásekxak ma'a énxet'ák
ekyawe nak kéláyo,
emasséssamhok nahan chá'a m'a
kelwesse'e nak keso náxop.
24 Máxa m'a aqsok kélcheneykekxa
megkalyennaqtél'a,
kaxwe kélcheneykekxal'a,
kaxwe élatchessól'a
kepmenák ma'a xapop.
Apwátekhapchek agkok
nepyeseksa m'a Dios,
elapyósek,
keñe kalsók ma'a
éxchahayam ekyennaqte,
ektémól'a m'a yámet áwa' apák.
25 Aptáhak apkelmaxneyáncha'a
Dios Aptaqmalma s'e:
“¿Yaqsa sa' hélhéshok
ko'o kéxegke?
¿Yaqsa sa' axhok ko'o?”
26 Kólsekhekxoho néten, kóllano:
¿Yaqsa axta élane xa
ekyókxoho nak?
Cham'a apkexpánchesso axta chá'a
xama xama m'a yaw'a
tén han apnegkenchesso axta chá'a
apkelwesey m'a apyókxoho nak.
Awanhók agko' ma'a apmopwána
tén han apyennaqte,
méko xama enxoho apkeymomap.
27 Israel,
¿yaqsa ektáha
appaqméteyncha'a nak?
Jacob,
¿yaqsa ektáha aptáha nak se'e?
“Melányók ektémakxa sekha m'a
Wesse' egegkok;
mopmenyeyk hélanok ma'a Dios.”
28 ¿Yagkólya'ásegkok?
¿Yagkóllegeyk nahan?
Wesse' egegkok apteme Dios
memassegwayam,
apkelane ekyókxoho keso
nélwanmeygkaxa,
meyelqamap tén han meyampé,
méko néxa m'a
ektémakxa nak apmopwána aqsok.
29 Cha'a apwasqakkáseykekxoho
chá'a énxet apyampágwayam
nak chá'a m'a,
apmeyáseykekxa chá'a
apyennaqte m'a
énxet apyelqamák nak chá'a.
30 Awanchek nahan
elyampak chá'a m'a
apketkók nak
tén han elyelqakpok chá'a,
kawomhok nahan
apkelpelápeyam chá'a m'a
élyennaqte nak apyempe'ék,
31 elxawagkok sa' eyke chá'a
axnagkok apkelyennaqte
m'a énxet'ák
apcháyo nak chá'a Wesse' egegkok,
apwanchek sa' elchampa'
ektémól'a m'a náta élyawe;
apwanchek sa' yenyahagkok chá'a
meyke apkelennamágwayam,
apwanchek sa' elxog chá'a
meyke apkelyampágwayam.
