Actemaclha ningillhoy ningyascamco
1 Lhip sictamongvoyam, ingyeylhojo mataa sicpayvam. Coma sat apvalhoc sicpayvam siyanamaclha.
2 Ingyeylhojo sat mataa actemaclha ningyascamco, coma sat apvalhoc actemaclha ningyascamco.
3 Itingya sat mataa actemaclha ningyascamco najan nintemaclha acpeyvomo.
4 Isovjam sat lhip, malha apquitamsama plata najan asoc acmamnave acposomalhca.
5 Eyasamcojoc sat actemaclha ningayo Dios Visqui ingac, najan eyicpilcangvomoc sat lhip apvisay Dios.
6 Visqui ingac ayinyema nintemaclha ningyascamco. Appayvam apanco ayinyema nintemaclha ningyascamco najan nintemaclha ningyicpilquemo.
7 Singmasma aptomja Visqui ingac, acyitna inlhojo nintemaclha ningilpeyvomo najan mepqui ningilsilhnanomalhca inganco.
8 Aptomja sintamilquiscama, acyitna inlhojo acpeyvomo ingvalhoc mepqui ningilvatescama.
9 Eyasingvomoc sat lhip nintemaclha acpeyvomo, colhenic apvalhoc asoc altamila.
10 Coytic sat apvalhoc nintemaclha ningyascamco, copayjiclhac sat apvalhoc lhip.
11 Emyovacpoc sat mataa lhip, acyitna inlhojo acyascamco apvalhoc najan actamila.
12 Mesilhnanacpejec sat lhip, emyovacpoc sat nipyesicsa apquilmopvancaa amyaa.
13 Najan nipyesicsa enlhit apquilvatseycaoc najan apquileyvam yatescamalhma.
14 Apquilyispaquic mataa enatovacsic poc, apquilitsovasoc apquilvita apquiltemaclha apancaoc apquilmapsomcaa.
15 Apquilyiplaclhec mataa nintemaclha copeyvomo, apquilyinyova amay acpeyvomo.
16 Nintemaclha acpeyvomo actomja singascama, ningvita inlhojo quilvana cotnaja intava. Mongilsilhnanalhquejec sat ninlinga inlhojo acpayvam acsilhnanoncama.
17 Quilvana actomja acyamasma atava najan acyamasma Dios Visqui ingac.
18 Nintingyey tingma ac as quilvana, colhojoc sat nintingyey yoyam onticyoc.
19 Ningilantalhnec tingma ac as quilvana, mongilvotayc sat mocjam. Mongvityejec sat mocjam actemaclha singyimnatescama ingneyic.
20 Iyiplaclha sat lhip amay acpeyvomo, iyiplovquis sat nintemaclha nimpeyvomo.
21 Melsilhnanacpejec sat mataa enlhit apquilpeyvomo, elhnam sat mataa apquilaoclha.
22 Elantipsacpoc najan enatovasacpoc sat enlhit apquilmapsomcaa najan apquilsilhnanomap apanco — alhta intomjac appayvam apyascamco apanco.
Negya'áseykegkoho aqsok negma takha'
1 Hatte,
elyahakxoho
chá'a sektáhakxa
enxoho sekpeywa;
epekken apwáxok ma'a
séltémókxa nak etnehek.
2 Yeyxho ekpeywa m'a
negya'áseyak nak aqsok;
egkés apwáxok ma'a
negmowána nak aqsok.
3 Nágyésap ewónmakha m'a
negmowána nak aqsok
tén han negyekpelchémo;
4 ná elwátessem
aqsa apketamso,
etne sa' ma'a ektémól'a
antegyaha sawo
ekmope élyenma
essenhan ma'a aqsok
ekmomnáwa
ekpowásamáxkoho nak.
5 Tén sa' ey'ásegwók
ektémakxa nenteme
negáyo Wesse' egegkok;
¡ey'ásegwók sa' ma'a
aptémakxa nak Dios!
6 Hakte Wesse' egegkok
keñamak segmésso ektémakxa
negya'ásegwayam aqsok;
tén han sẽltámeye,
keñe han negyekpelchémo.
7 Epasmok chá'a
Wesse' egegkok ma'a
énxet'ák élpéwomo
nak apkeltémakxa',
elmeyók han chá'a m'a
meyke nak aqsok
ekmaso apkeláneyak;
8 eltaqmelchesek
chá'a m'a énxet'ák
apkelánekxésso nak
chá'a apheykha
apnámakkok yetlo
ektaqmalma apteméssesakxa,
elmeyók nahan chá'a
m'a énxet'ák apteme
nak meyenyaweykha.
9 Ey'ásegwók sa' ma'a
ekpayhawo nak antéhek
tén han ma'a aqsok
ekpéwomo nak,
elának sa' nahan
ma'a ekyókxoho aqsok
éltaqmela nak,
10 kamok sa' apwáxok
ma'a negya'ásegwayam nak,
atsek sa' katnehek
ekma enxoho apwáxok.
11 Apmopwána
apkeláneykegkoho aptémakxa
tén han apmopwána aqsok,
sa' katnehek chá'a exchep
ektaqmelchesso xa;
12 sa' kamyók chá'a elának
aptémakxa ekmaso m'a,
nepyeseksa énxet'ák
élmasagcha'a nak apkeltémakxa',
13 cham'a énxet'ák
apkelwáteséyak nak
apkelyetlo ámay ektaqmela,
apkelyetleykekxa nak ámay
ekyáqtéssamakxa nak exma',
14 cham'a ekmátsa nak
elanagkok aqsok ekmaso
keñe han eyaqheykha nak
chá'a apkelwáxok ma'a
apkeltémakxa ekmaso,
15 apkelyetleykha nak
ámay megkapéwomo
apkelyetnakhágwayam
nak apkelyetlo m'a
ámay ekpéwomo nak.
16 Sa' kawagkasek han
chá'a teyp ekpaqhetchesa
enxoho m'a kelán'a
megkatnaha nak aptáwa',
ekmátsa nak ekpeywa
henlána kaltamhok hentegkesek,
17 cham'a kelán'a
ekyámasma axta atáwa'
ektémakxa axta étkok,
megkaxeyenma
nak awáxok Dios
éltennassama axta megkayenyewe'.
18 Negmahágkek agkok
axagkok ma'a kelán'a nak,
cháxa negyetlawa
ámay nétsapmakxa xa;
19 melánteypekxók chá'a
énxet ektáha enxoho
apkelántaxnegwayam
axagkok xa kelán'a nak,
kamaskok chá'a
apkelweynchámeykha m'a
ámay ekyetnamakxa nak
ekyennaqte egnények.
20 Étlow xép ámay
apagkok ma'a
énxet'ák éltaqmalma
nak apkeltémakxa,
etne m'a apkeltémakxa
nak énxet'ák élpéwomo
nak apkeltémakxa'.
21 Hakte cham'a énxet'ák
élpéwomo nak apkeltémakxa',
tén han ma'a meyke nak
ekmaso apkeltémakxa';
elweynchamha sa'
makham keso náxop;
22 keñe sa' ma'a
énxet'ák élmasagcha'a
nak apkeltémakxa'
kólmasséssók sa'
apheykha keso náxop,
kólántekkesek sa' han
ma'a énxet'ák
melya'assáxma nak.
