Acpayjayclha ingvalhoc
1 Impayjeclhec alhta evalhoc siclinga apquilpayvam:
—Noc, ongilyacsic Visqui ingac tingma apponquinomap — alhta apquiltomjac.
2 Quellhip co Jerusalén, ningilvoctac nincoo tingma pac.
3 Jerusalén aptomja apquilanomap tingma apvanyam.
Tingma apcaneyquiclhilha enlhitaoc.
4 Apquilmiyaclhec alhta maa aplhamoclhojo enlhitaoc Israel.
Yoyam eltimjic apquilayo Visqui ingac.
Eycaso ayinyema apquilanyomap eltimjic enlhitaoc Israel.
5 Inyitnec maa apquiltajanem apquilimja apmamyi singyicpilquemo.
Inyitnec maa apquiltajanem apmolhama apvisqui David.
6 Eltime sat elanic quellhip:
—Mepqui ningilnapomalhca sat ontimjic tingma Jerusalén.
Actamilaycam apquilvalhoc sat cotnejic apquiltomja apquilasicjayo.
7 Mepqui ningilnapomalhca sat ontimjic tingma apjalhtam.
Mepqui acyinamam olhma sat cotnejic apvisqui tingma pac — sat eltime quellhip.
8 Actomjac coo silanya quellhip enaymacoc:
—Coyit sat actamilaycam apquilvalhoc quellhip mepqui apquilnapomap.
9 Ellhovac sat mataa quellhip asoc altamila.
Ayinyema apyitna maa Visqui ingac tingma aponquinomap — actomjac coo silanya.
Jerusalén ektaqmeleykha apxénamap
1 ¡Kapayhekxa nak la'a
chá'a ko'o ewáxok kéltáha
enxoho hélának se'e:
“Ólmeyekxak Wesse' egegkok
tegma appagkanamap apagkok!”
2 Jerusalén,
¡nélántaxneyk kaxwók
kañe' apwáxok!
3 Jerusalén,
tegma apwányam
apkelánamap nak
yaqwayam yaqnekxak
kañe' m'a énxet'ák.
4 Cha'a apkelmeyeykentamxa
chá'a Wesse' egegkok
énxet'ák apagkok,
yaqwayam elpeykeshok
ma'a apwesey,
apkelánémakpexa
axta etnahagkok
ma'a énxet'ák Israel.
5 Cháxa ekyetnamakxa
sẽlyekpelchémókxa
kélláneseykekxexa nak
apheykha énxet'ák,
apheykegkaxa nak
kelwesse'e apkelwányam Israel,
David aptawán'ák neptámen.
6 Kólteme kólmaxnak se'e:
“Méko sa' katnehek
ektáhakxa Jerusalén;
tásek sa' katnehek
apkelweynchámeykha m'a
ektáha nak chá'a apchásekhayo.
7 Méko sa' katnehek
ektáhakxa m'a kañe' nak
kélhaxtegkesso nepyáwa';
méko sa' han katnehek
ektemegweykmoho exma
m'a kelwesse'e apagkok
apxanák nak.”
8 Sa' atnehek ko'o
alának kaxwók élyáxeg'a,
tén han énámakkok se'e:
“Keytek sa' meyke
ektáhakxa kélheykha kéxegke.
9 Almaxnéssesek sa'
ko'o exchep wának
kataqmelek apha,
eñama seyásekhayo
Wesse' Dios egagkok nak
tegma appagkanamap apagkok.”
