Ninlingaycamco acyimtalhnama
1 Avanjec alhta siclingaycamco acyimtalhnama, ayenmo sictemaclha eyitcoc — eltime sat apquilpayvam quellhip enlhtaoc Israel.
2 Avanjec alhta siclingaycamco acyimtalhnama, ayenmo sictemaclha eyitcoc.
Am elmascoscacmoc mataa sictiyascam coo.
3 Elyimsasquic alhta eyapoc, acyiplomo alyivey silyimsem.
4 Visqui ajac aptomja appeyvomo.
Emyovquic alhta napatavo apquilmapsomcaa.
5 Elmancangvomoc sat.
Elinyajamcoc sat cotnaja ingmoc apquilvoy tingma Sión.
6 Elyitsacpoc sat paat nimpaclhanma tingma, acyamay anco paat.
7 Comalhquejec sat mataa.
Colanalhquejec mataa malpilhquetem.
8 Colngalhquejec mataa appayvam enlhit, yoyam epasmoc Visqui ingac, - paj.
Nincoo eyca, ningiltamjoc yoyam epasmoc mataa quellhip Visqui ingac.
Wesse' egegkok apteme segmallahanchesso
1 Kólteme sa' kólpaqmétek se'e Israel:
Xámok axta ko'o
sélyentaxnéssesso
sekha eyeynmo m'a
sektémakxa axta étkok,
2 xámok axta ko'o
sélyentaxnéssesso
sekha eyeynmo m'a
sektémakxa axta étkok,
axta eyke hélhémo'.
3 Élpáxqatchessegkek
axta éyapok séltekpageykha,
kélyapwátessegkek axta
éyapok sélyensasso,
4 emallahanchessegkek
axta eyke ko'o
Wesse' egegkok,
apteme nak appéwomo,
neyseksa sema m'a
élmasagcha'a nak
apkeltémakxa.
5 ¡Yenyahagkok sa'
apkelmegqakto m'a
énxet'ák aptaqnagko
nak chá'a Sión!
6 Elxohok sa' ma'a pa'at
ekteyapmal'a néten tegma,
élyamayél'a megkóleptakxoho,
7 elxohok sa' ma'a
pa'at ántawók
megkaxnémól'a apmek
ma'a apnakxéyak
nak hótáhap,
tén han apnaqtéteykekxa
nak chá'a nepxet,
8 pa'at metne
nak chá'a exének
ektáha nak chá'a
apyeykhágwayam se'e:
“¡Appasmomchek
kéxegke Wesse' egegkok!”
Néltamhók negko'o
epasmok kéxegke Dios,
yetlo nenxeyenma
Wesse' egegkok apwesey.
