Judá aptovana niptamin
1 Judá apquitquic nic nat: Fares, Hezrón, Carmi, Hur najan Sobal. 2 Sobal apquitca ilhnic nat Reaía. Reaía apquitca ilhnic nat Jahat. Jahat apquitca ilhnic nat Ahumai, poc najan Lahad. Eycaso apquilmolhama clanes zoratitas.
3-4 Hur apquitquic nic nat: Etam, Jezreel, Isma, Idbas, Penuel apvisqui co Gedor, najan Ezer apvisqui co Husa. Apquilyalhing nic nat acvisay quilvana Haze-lelponi. Eycaso ilhnic nat Hur apquitquic, Efrata aptovana niptamin, apvisqui co Belén.
5 Apnec nic nat Asur apvisqui co Tecoa. Anit nic nat apnatamcaa: Hela najan Naara. 6 Naara ayitca ilhnic nat Ahuzam, poc Hefer, poc Temeni najan Ahastari. Eycaso Naara ayitquic. 7 Hela ayitquic nic nat: Zeret, Jezoar najan Etnán.
8 Cos apquitca ilhnic nat Anub, poc nic nat Zobeba najan apquilmolhama Aharhel, apyap nic nat Harum.
9 Aptamila apanco ilhnic nat Jabes, am elhno apquilyalhing. Inquiltimec nic nat inquin acvisay Asqueje. Ayinyema ilhnic nat inquin acpayvam: Asquejec alhta sictimquisa eyitca — nic nat intomjac. 10 Yitnec nic nat apquilmalhnancama Jabes napato Dios Visqui apancaoc Israel: Jevaticjapquis coo, jimques coo amyip acvanyam, jepasim coo, jeyas actemaclha acmasom, molngamquejec sat acyimtalhnama. Apjalhnoc nic nat Dios apquilmalhnancama Jabes.
11 Quelub, Súa apyalhing, apvitac nic nat apquitca Mehír. Mehír apquitca ilhnic nat Estón. 12 Estón apquitca ilhnic nat Bet-rafa, poc Paseah najan Tehina apvisqui tingma Nahas. Apquileyvec nic nat tingma Reca.
13 Cenaz apquitquic nic nat: Otoniel najan Seraías. Otoniel apquitquic nic nat Hatat, 14 najan Meonotai, apquitca ilhnic nat Ofra. Seraías apquitca ilhnic nat Joab apvisqui nipyesicsa co nalvata Carisim, apquilmopvan ellana actemaclha yamit aysicsaoc carpinteros.
15 Caleb apquitquic nic nat: Iru, Ela najan Naam. Ela apquitca ilhnic nat Cenaz. Apquilyata ilhnic nat Jefone.
16 Jahaleel apquitquic nic nat: Zif, Aifa, Tirias, najan Asareel.
17-18 Esdras apquitquic nic nat: Jeter, Mered, Efer, najan Jalón. Mered aptava ilhnic nat Bitia, inyap nic nat faraón. Mered apquitquic nic nat María, Samai najan Isba apvisqui co Estemoa. Mered moc aptava co Judá ayitquic nic nat: Jered apvisqui co Gedor, najan Heber apvisqui co Soco, najan Jecutiel apvisqui co Zanoa.
19 Naham apyalhing nic nat quilvana. Atava ilhnic nat Hodías. Hodías apquitquic nic nat: Dalia nipyesicsa garmitas, poc najan Estemoa nipyesicsa maacateos. Apvisqui co Keila ilhnic nat Naham.
20 Simón apquitquic nic nat: Amnón, Rina, Ben-janán najan Tilón. Isi apquitquic nic nat: Zohet najan Ben-zohet.
21 Judá apquitca ilhnic nat Sela. Sela aptovana ilhnic nat: Er, apvisqui co Leca, najan Laada apvisqui co Maresa, apquileyvomaclha clanes tingma Bet-asbea, apquillanay nic nat apava. 22 Poc nic nat Joacim, apnaymacoc co Cozeba. Poc nic nat Joás najan Saraf, apquiltingyey nic nat quilvanaa moabitas apnalayquinta tingma Belén — nic nat intomjac amyaa. 23 Apquilmopvan nic nat ellana yatingvalhva. Apquileyvec nic nat tingma Netaim najan Gedera, apquiltimesaycam nic nat apvisqui apancaoc.
Simeón aptovana niptamin
24 Simeón apquitquic nic nat: Nemuel, Jamín, Jarib, Zera najan Saúl. 25 Saúl apquitca ilhnic nat Salum. Salum apquitca ilhnic nat Mibsam. Mibsam apquitca ilhnic nat Misma.
26 Misma apquitca ilhnic nat Hamuel. Hamuel apquitca ilhnic nat Zacur. Zacur apquitca ilhnic nat Simei. 27 Dieciséis apquitquic nic nat Simei najan seis apquitquic quilvanaa. Asilhtec nic nat aplhamayclha maa apquilmolhama. Avanjec nic nat aplhamayclha apquilmolhama Judá.
28 Simeón aptovana apquileyvomaclha nic nat: Beerseba, Molada, Hazar-sual, 29 Bilha, Ezem, Tolad, 30 Betuel, Horma, Siclag, 31 Bet-marcabot, Hazar-susim, Bet-birai najan Saaraim. Eycaso ilhnic nat tingma apancaoc acvaycmo aptimem apvisqui David. 32 Poc nic nat mocjam tingma apancaoc, acvaycmo cinco: Etam, Aín, Rimón, Toquén, najan Asán. 33 Najan apyovoclhojo tingma nipyava maa acvaycmo tingma Baalat. Eycaso ilhnic nat apquileyvomaclha najan vaycajac acnatalhesomalhca apquilvisay apquilmolhama.
34 Apquilmolhama apquilyapmayc nic nat: Mesobab, Jamlec, Josías, Amasías apquitca, 35 Joel, Jehú, Josibías apquitca, Seraías aptavin, Asiel aptavin niptamin. 36 Elioenai, Jaacoba, Jesohaía, Asaías, Adiel, Jesimiel, Benaía, 37 Ziza, apyap nic nat Sifi, apyap ninga Alón, apyap ninga Jedaías, apyap ninga Simri, apyap ninga Semaías. 38 Eycaso apquilvisay nic nat apquilmolhama apquilyapmayc. Aplhameclhec nic nat apquilmolhama familias, appintalhnama ilhnic nat. 39 Apquiltingyac nic nat amyip aleyvomaclha apnatoscama payjoc Gerar, payjoc alvata actiyapmaclha acnim. 40 Apquilvitac nic nat ayimjaclha paat, actamila actoycaoc apnatoscama, amyip acvanyam najan mepqui amyaa singimpocjay. Apquileyvomaclha ilhnic nat aptovana niptamin Cam. 41 Aptimec nic nat apvisqui Ezequías co Judá. Apquilvaac nic nat maa ellanac quimpocjacme nipyesicsa actomja apquilaoclha. Apnatovasquic nic nat acyovoclhojo, apticyovquic nic nat apyovoclhojo tingma. Apquilnaclhec nic nat maa, apquilvita inlhojo ayimjaclha paat aleyvomaclha apnatoscama. 42 Apnam nic nat quinientos aptovana Simeón. Apquilmiyaclhec nic nat inquilhe alvinatem Seir. Apnalantac nic nat apquilviscaa: Pelatías, najan Nearías, najan Refaías, najan Uziel, apquilyap nic nat Isi. 43 Apsovjoc nic nat apnatovascama apquilmolhama amalecitas. Apquilnaclhec nic nat maa. Apnam nic nat mocjam as ningvamlha nac jay.
Judá aptawán'ák neptámen
1 Judá apketchek axta s'e: Fares, Hesrón, Carmí, Hur tén han Sobal. 2 Reaías, Sobal axta apketche, Jáhat axta apyáp, keñe axta Ahumai tén han Láhad apyáp ma'a Jáhat. Cháxa soratitas axta apnámakkok xa.
3-4 Hur apketchek axta s'e: Etam, Jezreel, Ismá, Idbás, Penuel, Guedor axta apyáp, tén han Éser, Husá axta apyáp. Haslelponi axta ekwesey apyáxeg kelwána xa énxet'ák nak. Cháxa apketchek axta m'a Hur, étche átnaha apketkok axta m'a Efrata, Belén axta apyapmeyk nano'.
5 Ánet axta apnaqteyegka'a m'a Ashur, Tecoa axta apyáp: cham'a Helá tén han Naará. 6 Naará axta étchek ma'a Ahuzam, Héfer, Temení tén han Ahastarí. Cháxa Naará axta étchek xa. 7 Helá axta étchek se'e: Séret, Jesohar tén han Etnán.
8 Cos axta apketchek ma'a Anub tén han Sobebá, apyapmeyk nanók axta m'a Aharhel apnámakkok, Harum axta apketche.
9 Apxénamap yókxoho yókxexma axta han nepyeseksa apkelyáxeg ma'a Jabés, Jabés axta han teméssessók apwesey m'a egken. Hakte axta temék se'e: “Yetlo seklegeykegkoho ekmáske axta ko'o ektegkessók.” 10 Axta aptemék Jabés appaqhetchessama m'a Dios nak Israel: “Éltamhók ko'o kataqmalmakha apwáxok xép hélano', keñe han hegkések xama yókxexma ekyawe agko', tén han hepasmok hemallahanchesek aqsok ekmaso, yaqwayam enxoho ko'o manyegko'.” Apméssegkek axta han Dios ma'a aqsok apkelmaxnagko.
11 Mehír axta apyáp ma'a Quelub, Suhá axta apyáxeg; keñe axta Estón apyáp ma'a Mehír; 12 Bet-rafá axta apyáp ma'a Estón, tén han Paséah, tén han Tehiná, apxátekhasso axta m'a tegma apwányam Nahas. Cháxa apheykha axta m'a Recá.
13 Quenaz apketchek axta s'e: Otoniel tén han Seraías. Otoniel apketchek: Hatat 14 tén han Meonotai, Ofrá axta apyáp. Seraías axta apyáp ma'a Joab, apyapmeyk nanók axta m'a apheykha axta m'a ekyapwátegweykenxa xapop nak Harasim, apkelánéyak axta chá'a aqsok.
15 Keso Caleb axta apketchek, Jefuné axta apketche: Ir, Elá tén han Náam. Elá axta apyáp ma'a Quenaz.
16 Jahaleel axta apketchek se'e: Zif, Zifá, Tirías tén han Asarel.
17-18 Esdras axta apketchek s'e: Jéter, Méred, Éfer tén han Jalón. Kelyamhopmeyk axta Méred apmoma m'a Bitiá, apketche kelwána axta m'a faraón, keso apketchek axta s'e: María, Samai tén han Isbah, Estemoa axta apyáp. Apmomchek axta han Méred xama kelán'a eñama axta nepyeseksa m'a Judá énxet'ák apagkok, cha'a egken axta m'a Jéred, Guedor axta apyáp, tén han ma'a Héber, Socó axta apyáp, tén han ma'a Jecutiel, Zanóah axta apyáp.
19 Keso Hodías axta aptáwa' étchek se'e, Náham axta apyáxeg, Queilá axta apyáp: Daliá apteme axta garmita, tén han Estemoa apteme axta maacateo.
20 Keso Simón apketchek axta s'e: Amnón, Riná, Ben-hanán tén han Tilón.
Isí axta apketchek se'e: Zohet tén han Ben-zohet.
21 Keso Selá axta aptawán'ák neptámen, Judá axta apketche: Er, Lecá axta apyáp, Ladá, Maresá axta apyáp, apnámakkok axta m'a apkelóteykegkoho axta chá'a lino m'a yókxexma Bet-asbea, 22 tén han Joaquim, apheykencha'a axta m'a Cozebá, Joás tén han Saraf, apkelmeykegko axta moabitas aptamheykegko apnaqteyegka'a, keñe apkelmeyeykento makham Belén, ekhawo ektémakxa nak nanók eknaqtáxésamaxche'. 23 Cháxa apkelánéyak axta chá'a yátegwáxwa xa; apheykencha'a axta m'a Netaim tén han Guederá, apkelásenneykencha'a axta chá'a m'a wesse' apwányam.
Simeón aptawán'ák neptámen
24 Simeón axta apketchek se'e: Nemuel, Jamín, Jarib, Zérah tén han Saúl. 25 Saúl axta apyáp ma'a Salum; Salum axta apyáp ma'a Mibsam, tén axta Mismá apyáp ma'a Mibsam.
26 Mismá axta apyáp ma'a Hamuel; cháxa apyáp axta han ma'a Zacur, keñe axta Zacur apketche m'a Simí. 27 Dieciséis axta apketchek apkelennay'a m'a Simí, keñe seis ma'a apketchek kelwán'ák; keñe axta m'a apkelyáxeg'a nak apqántawok axta apketchek, axta keñamak mexámokma m'a apnámakkok apagko' nak, axta katneyk ma'a ektémakxa axta m'a Judá aptawán'ák neptámen. 28 Apheykha axta m'a Beerseba: Moladá, Hasar-sual, 29 Bilhá, Ésem, Tolad, 30 Betuel, Hormá, Siclag, 31 Bet-marcabot, Hasar-susim, Bet-birai tén han Saaraim. Cháxa tegma apkelyawe apagkok axta xa, ekweykmoho axta aptéma wesse' apwányam ma'a David. 32 Yetneyk axta han cinco apkelókxa: cham'a Etam, Ain, Rimón, Toquen tén han Asán, 33 yetlo m'a tegma apketkók aphéyak axta nepyáwa xa tegma apkelyawe ekweykekxoho m'a Baalat. Keso apheykegkaxa axta yókxexma, yetlo eknaqtáxésamaxche' apkelwesey m'a aphawóxama apagko' nak chá'a.
34 Mesobab, Jamlec, Josías, Amasías axta apketche, 35 Joel, Jehú, Josibías axta apketche, Josibías, Seraías axta apketche, Seraías, Asiel axta apketche; 36 Elioenai, Jaacoba, Jesohaías, Asaías, Adiel, Jesimiel, Benaías, 37 Zizá, Sifi axta apketche, cham'a Sifi Alón axta apketche, cham'a Alón Jedaías axta apketche, cham'a Jedaías, Simrí axta apketche, cham'a Simrí Semaías axta apketche. 38 Cháxa apkelámha apmonye'e axta chá'a nepyeseksa apnámakkok apancha'awók xa apkelxénákpo nak. Apxámeykegkók apagko' axta m'a apnámakkok apancha'awo' nak, 39 apkelweykmók axta aptegyáseykencha'a pa'at nepkések apnaqtósso m'a nentaxnamakxa nak Guerar, ekpayho nak ekteyapmakxa ekhem ma'a ekyapwátegweykenxa nak xapop. 40 Axta apkelwetágweykmok pa'at ektaqmalma m'a, kaxwe éltekteyapma tén han ekxámokma agko', awanhek axta exma, méko axta ektemégweykmoho exma tén han negekakxa'. Axta apheykha han nanók ma'a Cam aptawán'ák neptámen, 41 apkelwayak axta eyke m'a apkelxénákpo exchek, aphamakxa axta makham wesse' apwányam Ezequías ma'a Judá, apmassésseykmek axta apyókxoho meyke néxa, yetlo m'a apkelpakxeneykegkaxa axta, tén han apheykegkaxa, aphéyak axta m'a, keñe apyaqmagkassama apheykegkaxa, hakte yetneyk axta pa'at yaqwayam elagkok ma'a nepkések apnaqtósso. 42 Quinientos énxet'ák axta han apkelmaheykegkok ma'a egkexe nak Seír, Simeón axta aptawán'ák neptámen. Axta apkelámha apmonye'e m'a Pelatías, Nearías, Refaías tén han Uziel, Isí axta apketchek, 43 keñe apmassésseykmo m'a amalecitas apkeleymomap axta. Keñe apkelheykmoho m'a ekweykmoho makham se'e kaxwo' nak.
