Ingmeleyjac nincoo ayinyema mongyasquiyam, am ongnoc enlhit lhalhma anco
1 Am sat ancoc ongilyascacmoc Jesús aptomja singvomquiscama tap, ontimjic sat Dios apquitquic. Ningasicjavoc sat ancoc Dios Ingyapam, incaymalhquic ongilasicjojo najan lha ingilyalhinga apquiltomja Dios apquitquic. 2 Ningasicjavoc sat ancoc Dios, ningyiplovcasquic sat ancoc singanamaclha Dios, cotnatsalhquejec sat actemaclha ningasicjayo Dios apquitquic. 3 Ningasicjayo Dios actomja ninyiplovquiscama singanamaclha. Inquilhyevamoc anco ongyiplovcasojo singanamaclha Dios. 4 Nintimec sat ancoc Dios apquitquic, ongilyimnac sat. Am colhoyc sat apquiltemaclha enlhit lhalhma anco. Mongyasquiyam nincoo actomja acyimnatem, am colhno apquiltemaclha enlhit lhalhma anco. 5 ¿Soc enlhit aptomja apyimnatem, am colhno apquiltemaclha enlhit lhalhma anco? Apvamlha enlhit aptomja meyasquiyam Jesús aptomja Dios apquitca.
Singlingascama apvisay Dios Apquitca yoyam colhejec acyascacmo
6 Apvaac nat Jesucristo. Yitnec nat anit asoc monquinatquiscama apvoya: yingmin najan em pac. Jave acvamlha yingmin aclhenomalhca. Inlhenalhquic anit: najan yingmin najan em pac acyinquinomalhca. Espíritu apanco Dios eyca aptomja aplhanma yoyam colhejec acyascacmo. Espíritu apanco Dios apvisay aptomja nasoc anco. 7 Natqui altomja allhanma netin yoyam colhejec acyascacmo: Ingyapam najan Dios appayvam najan Espíritu Santo. Eyca as natqui aptomja malha lhama. 8 Natqui altomja allhanma as nalhpop yoyam colhejec acyascacmo: Espíritu apanco Dios najan yingmin najan em pac. Eyca as natqui actomja acno moc allhanma yoyam colhejec acyascacmo. 9 Am ongilyascacmoc mataa apquillhanma yoyam colhejec acyascacmo ayinyema enlhit. Inpeyvoc anco aplhanma Dios yoyam colhejec acyascacmo, am colhno ayinyema enlhit. Aptomjac nat aplhanma Dios yoyam colhejec acyascacmo apvisay Apquitca. 10 Am sat ancoc ongilyascacmoc Dios Apquitca, coytic sat ingvalhoc. Ningilyascacmec sat ancoc Dios, onganic sat apmopvan amyaa Dios. Ayinyemaclha ningyascacmec aplhanma Dios yoyam colhejec acyascacmo apvisay Apquitca. 11 Eycaso aplhanma Dios yoyam colhejec acyascacmo: Singmescama acyimnatem ingnenyic cotmongvoycamlha nelha ayinyema Apquitca. 12 Ningiltomjac sat ancoc ningyipitcayo Dios Apquitca, cotningvomejec sat nelha acyimnatem ingnenyic. Am sat ancoc ongiltomjac ningyipitcayo Dios Apquitca, colhejec sat ingvalhoc acyimnatem ingnenyic.
Actomjaclha nelha apquillhicmoscama Juan
13 Actalhoscasquic lhac quellhip apquiltomja melyasquiyam apvisay Dios Apquitca. Elyasamcojo: Quellhip acyitna acyimnatem apnenyaoc cotmongvoycamlha nelha.
14 Cotnajamejec sat ingvalhoc napato Dios. Ayinyemaclha apjalhnoc mataa ningilmalhnancama, ningilmalhna inlhojo asoc actemaclha apmayjayoclha Dios. 15 Ningyasamcoc nincoo: Dios aptomja apjalhenmo ningilmalhnancama. Ningyasamcoc najan lha: Ningillhocac alhta mataa asoc malmalhnaycam.
16 Ningvitac sat ancoc ingyalhing naysicsa aptamongvaycmolhma, ongilmalhnesquisic sat Dios yoyam emascocsic. Apsilhnanacpec sat ancoc coyoyam etvasacpoc, comascosalhcac sat aptamongvaycmolhma. Apsilhnanacpec sat ancoc yoyam etvasacpoc, comascosalhquejec sat. Mongilmalhnesquisejec sat Dios yoyam emascocsic aptamongvaycmolhma ingyalhing aptomja apsilhnanomap yoyam etvasacpoc. 17 Aclhamoclhojo nintemaclha almasomcaa acvisay nintamongvaycmolhma. Cotnaja aclhamoclhojo nintamongvaycmolhma acyiplomo acyanmongayclha ningiltovasomalhca.
18 Ningyasamcoc nincoo: Mongvanquejec ongiltamongvomjo olhma ningiltomja Dios apquitquic. Ayinyemaclha Dios Apquitca aptomja sintamilquiscama. Covanquejec somquic quilyicjamo jingilsilhnana.
19 Ningyasamcoc nincoo ningiltomja Dios apquitquic. Yitnec acmovan somquic quilyicjamo actomja avisqui nipyesicsa enlhitaoc lhalhma anco.
20 Ningyasamcoc najan: Apvaac nat Dios Apquitca yoyam jingilyascasingvomoc nincoo. Apquiltamjoc ongilyicpilcangvomoc Dios aptomja nasoc anco. Ningilpasmec mataa aptomja nasoc anco apvisay Jesucristo Dios Apquitca. Eyca as apvisay Dios aptomja nasoc anco najan apvisay apyimnatescama ingnenyaoc cotmongvoycamlha nelha. 21 Quellhip eyitquic, noelpasmiclha nasa somquic quilyicjamo, ayinyemaclha cotnaja Ingyapam nincoo somquic quilyicjamo. Amén.
Negmallanma ektémakxa nak keso náxop
1 Negyókxoho nenteme nak magya'ásseyam Jesús apteme Mesías, nentemék negko'o Dios apketchek; enxama apchásekhayo enxoho xama énxet ekha nak apketchek, elásekhásseshok nahan ma'a apketchek. 2 Negásekha'awók agkok negko'o m'a Dios tén han nenlana enxoho m'a apkeltémókxa nak antéhek, agya'asagkohok nahan nélásekhayo m'a Dios apketchek nak. 3 Cha'a negásekhayo Dios ma'a nélyaheykekxoho nak apkeltémókxa antéhek; kexyókok nahan ma'a apkeltémókxa nak antéhek, 4 hakte negyókxoho nenteme nak Dios apketchek, agmallánek ma'a ektémakxa nak keso náxop. Magya'ásseyam nahan keñamak segmallahanchesso negko'o m'a ektémakxa nak keso náxop. 5 Negko'o ektáhakxa enxoho magya'ásseyam Jesús apteme Dios Apketche, agmallánek ektémakxa nak keso náxop.
Dios Apketche apxénamap
6 Apwayak axta Jesucristo yetlo yegmen, magkenatchesso kélyaqpássessama yegmen, tén han yetlo éma magkenatchesso m'a apketsapma axta; háwe axta eyke ekwánxa agkok yegmen, yegmen yetlo éma axta eyke anhan. Espíritu apagko' axta nahan apxeyenma ektáha naqsók xa, apmámnaqsoho nahan ma'a Espíritu. 7 Ántánxo ektáha nak ekxeyenma ektáha naqsók xa: 8 cham'a Espíritu, yegmen, tén han ma'a éma; hawók nahan mók ekxeyenma xa ántánxo nak. 9 Magya'ássemek chá'a negko'o apkelxeyenma aqsok ma'a énxet, akke ekyágwánxa agkok magya'ássemek agko' ma'a ektémakxa nak apxeyenma Dios, hakte Apketche axta apxeyenmak. 10 Negko'o ektáhakxa enxoho magya'ásseyam Dios Apketche, keytek egwáxok xa ektémakxa nak apxeyenma Dios; keñe m'a ektáhakxa enxoho negya'ásseyam ma'a Dios, máxa apmopwána amya'a anteméssesek, hakte agya'ássók ma'a aptémakxa nak Dios apxeyenma Apketche. 11 Cháxa aqsok sẽltennasso axta, apxeyenmeyk axta Dios segméssama negko'o ekyennaqte egnények megkatnégwayam néxa, cháxa ekyennaqte egnények ekyetnama nak ma'a Apketche. 12 Negko'o ektáhakxa enxoho negyepetcheyo Dios Apketche, keytek negko'óxa xa ekyennaqte egnények nak; keñe m'a mépetcheyo nak Dios Apketche, megkeytek xa ekyennaqte egnények nak.
Ektemegwánxa néxa kélmésso amya'a énxet'ák
13 Kéxegke ektáxéssásak se'e weykcha'áhak nak, kélteme nak megkólya'ásseyam Dios Apketche, yaqwayam enxoho kólya'asagkohok ekyetna kéxegke m'a ekyennaqte egnények megkatnégwayam néxa nak.
14 Magya'ásseykmok negko'o Dios, hakte negya'ásegkók negko'o nélmaxneya enxoho m'a aqsok apmopmenyého nak, megkatnehek megyaháxenmo nélmaxnagko. 15 Negya'ásegkók nahan negko'o ekyetna m'a aqsok nélmaxnagko axta Dios, ekhawo ektémakxa nak han negya'áseyak negko'o apháxenmo chá'a Dios ma'a nempeywa nélmaxnagko egagkok nak.
16 Apwet'ak agkok enxama apkelana mey'assáxma apyáxeg, cham'a magya'assáxma mehegya'assamól'a nétsapmakxa', kéméxcheyk elmaxnéssesek, Dios sa' egkeyásekxak makham apyennaqte xa apyáxeg nak, megkatnaha enxoho m'a mólya'assáxma segya'assamól'a nétsapmakxa'. Yetneyk mólya'assáxma segya'assamól'a nétsapmakxa', akke axénak ko'o eyéméxko kólmaxnéssesek kólxének xa ektéma nak mólya'assáxma. 17 Ekyókxoho ekmaso nentémakxa ekteme mólya'assáxma; yetneyk eyke mólya'assáxma mehegya'assamo nak nétsapmakxa'.
18 Negya'ásegkók eyke negko'o énxet apteme nak Apyáp ma'a Dios, melenxanmagkók apkelane mey'assáxma, hakte Dios Apketche etaqmelchesek, megkatnéssessamók nahan exma ekmaso m'a kelyekhama'. 19 Negya'ásegkók negko'o nenteme Dios énxet'ák apagkok, negya'ásegkók nahan éláneykencha'a kelyekhama' ekyókxoho keso náxop. 20 Negya'ásegkók nahan negko'o m'a apwaya axta Dios Apketche, tén han segméssama negya'ásegwayam yaqwayam enxoho agyekpelkohok ma'a Dios apteme nak apmámnaqsoho. Negyepetcheyók negko'o m'a apteme nak apmámnaqsoho, cham'a Jesucristo apteme nak Dios Apketche. Cháxa apteme nak Dios apmámnaqsoho xa, tén han ekyennaqte egnények megkatnégwayam néxa. 21 Étchek sélásekhayo, kóláwho sa' kéxegke m'a aqsok kéláyókxa megkamámnaqsoho nak.
