Apyanmongsayclha Dios apquiltemaclha cotnaja ingmoc
1 ¿Soc enlhit qui? Apquilhyacmec payjoc tingma Bosra yoclhilhma Edom. Apava apcalomap aptamila apanco, malha apquilyinmom, malha apmopvan innac apquilhyacmo.
—Coo sicvisay Visqui sicyimnatem, sicmovan olvomsic tap enlhit — alhta intomja ningvitay.
2 —¿So actomja yi? Apyilhvasem nac apcalomap, malha ayinyema uva ayingmenic ayilhpajay.
3 Naso, ayinyema alhta sictoyam uva acyilhna, elhapcoc alhta sicyajapquiscama, mepqui sepasmom poc. Alnapquic coo cotnaja ingmoc naysicsa siclom, appaysacmec coo siyalomalhca, ayinyema ema apancaoc apticyovam.
4 Inlhenquic evalhoc olvomsic tap enlhit ajancaoc, onatovacsic sat cotnaja ingmoc.
5 Quip elanojo, mepqui enlhit alhta, yoyam jepasingvota, pilapcasquic alhta motay enlhit sepasmom. Inlhenquic evalhoc elhapcoc osavojoc silnapma naysicsa siclom. Acsovjoquic alhta silnapma.
6 Alnapquic alhta metnaja israelitas naysicsa siclom, acsovjoc alhta sicnatovascama cotnaja ingmoc. Inquinyec alhta ema apancaoc nalhpop — alhta aptomjac Visqui ingac.
Dios apquilyacyescama
7 Olngacsic sat aptemaclha singasicjayo Dios Apyimtalhnamo. Omnaycmacsic sat, yoyam colhic ayaco singiltimesquiscama actamila anco. Najan aptemaclha apcamliyam Dios apquilmolhama Israel. Ayinyema apcasicjayo najan apcapeycam apquilmolhama.
8 Aptomjac alhta mocjam Dios Apyimtalhnamo: Enlhit ajancaoc, eyitquic mepqui selyinimquiscama — alhta aptomjac. Aptomjac alhta apquilvomquiscama tap.
9 Jave ilhnic nat ángel, yoyam elvomsic tap. Dios Apyimtalhnamo aptomja apquilvomquiscama tap. Aptomjac nic nat apquilmasma enlhitaoc, ayinyema aptemaclha apcasicjayo najan apcamliyam. Apquinimcasquic nic nat netin, apcaynec nic nat mataa apnaymacoc.
10 Apquilinmelham nic nat Dios Apyimtalhnamo, apquilvennam nic nat espíritu Dios. Malha cotnaja ingmoc nic nat Dios Apyimtalhnamo. Yiplovcoc nic nat apquinmelhaycam Dios Apyimtalhnamo.
11 Inyitnam nic nat apatic apquiltemaclha nano. Aptemaclha ilhnic nat Moisés apquilvomquiscama tap apnaymacoc. Apquiltomjac nic nat enlhitaoc: ¿Co laa apna Dios apquilvomquiscama tap Moisés vatsam Nilo, aptomjayclho apquilancam najan apvisqui apnaymacoc? ¿Co laa apna Dios apmescama espíritu apanco apvalhoc Moisés? — nic nat apquiltomjac.
12 Aptomjac nic nat aplhalhma Moisés acyiplomo apmopvan apanco. Aptomja apquilhpanma yingmin acvanyam elmilanic apnaymacoc, actemaclha simpilapquiscama cotmongvoycamlha nelha.
13 Apnalaclhec nic nat elmilanic alvata lhama nicja najan moc nicja yingmin, malha nolhing aplhingam yoclhilhma actamopeycaoc.
14 Malha ninatoscama aleyvam yingman. Apnalaclhec nic nat Dios espíritu apanco. Lhip Dios Apyimtalhnamo aptomja apnalayclha apnaymacoc enlhitaoc. Colhic sat ayaco lhip apvisay cotmongvoycamlha nelha.
Actemaclha ingvalhoc napato Dios
15 Lhip Dios Apyimtalhnamo apna netin, apmaclha lhip actamila najan mayayo. Jingilanojo nincoo. ¿Co laa acyitna lhip aptemaclha singasicjayo najan aptemaclha apyimnatem? ¿Co laa acyitna lhip apvalhoc? ¿Apquilvatasqui ya lhquip jingilimlimojo?
16 Lhip nac Apyimtalhnamo nincoo. Am eyasamcoc nic nat Abraham ningilvisay, am elyasamcoc enlhitaoc Israel. Lhip Visqui ingac nincoo, singmasma nincoo mataa, siclhoc nat.
17 Dios Apyimtalhnamo, ¿so actomja yi singillhinganimquisa nincoo amay? ¿So actomja yi apsilhnanimquisa lhip ingvalhoc nincoo, acyiplomo mepqui ningilyajayquiclha? Ipayquim sat lhip. Jingilasicjojo sat mocjam ningiltomja lhip apquilancam. Najan ningilmolhama lhip apnaymacoc.
18 Acyavataclhojo nat ningaoclha inganco, ningilvisay lhip apnaymacoc. Apnatovasquic nat tingma apponquinomap cotnaja ingmoc.
19 Ningiltomjac malha metnaja Visqui ingac lhip nano. Najan malha mongiltomja lhip apquitquic — nic nat aptomjac profeta.
Dios apkellegassáseykegkoho apkelenmexma
1 —¿Yaqsa xa ekxegakmo nak
eñama Bosrá,
apyawakxa nak tegma agkok ma'a Edom,
apkelyexwase nak apkelnaqta,
apxegakmo nak apkeltaqmalma
apagko' apkelnaqta,
apyennaqtésakmo apagko' nak
apyempehek apxegakmo?
Ko'o xa, sekxeyenmo nak chá'a
negmallanma,
émeyhek han ko'o
yaqwayam alwagkasek teyp.
2 —¿Yaqsa ektéma
apkelyexwásama nak apkelnaqta?
máxa m'a apkelteyáyekmo enxoho
anmen yámet ekyexna.
3 —Élteyáyekmek ko'o exakkók
anmen yámet ekyexna,
méko sepasmoma;
élteyáyekmek ko'o
yetlo seklómo ahagko' ma'a
sélenmexma,
élteyammeykha yetlo seklo,
keñe éma apagkok
ekpálwaya m'a sélántaxno,
kelyexwáseseykha apyókxoho m'a
sélnaqta.
4 Xeyenmeyk axta ko'o ewáxok
xama ekhem axnéshok mók
apkeltémakxa m'a sélenmexma;
wokmek kaxwók ekhem
yaqwánxa alwagkasek teyp ma'a
énxet'ák ahagkok.
5 Eksawheykha axta ko'o exma,
méko axta xama énxet enxoho
sepasmo;
etlakkassek axta sekwet'a
méko sewéhenayo.
Sekmowána axta ewagkásak teyp
seklo axta ewasqakkásak.
6 Élteyammeyha axta ko'o
yetlo seklómo ahagko' ma'a
pók aptémakxa nak chá'a énxet'ák,
ekmasséssekmek axta yetlo seklo,
ekyegkenchessek axta
éma apagkok náxop.
Dios apkelásekhayo énxet'ák Israel
7 Peyk ko'o axének
Wesse' egegkok segásekhayo,
peyk alpeykeshok
eñama m'a ekyókxoho
sekteméssessamakxa axta negko'o,
eñama apkelásekhayo
ekwányam agko' ma'a
énxet'ák Israel,
eñama m'a apteméssessamakxa axta
chá'a ektaqmeleykencha'a
apwáxok apkelányo
tén han apkelásekhayo
ekwányam agko'.
8 Aptáhak axta s'e: “Ko'o énxet'ák
ahagkok xa,
étchek yaqwayam sa'
mehelyexanchesha chá'a.”
Axta nahan apkelwagkasso teyp
9 ekyókxoho apkellegeykegkoho
ekyentaxnamo apkelwáxok ma'a.
Háwe apkelwagkasso teyp xama m'a
apkelápháseykha nak xép;
Wesse' egegkok apagko' axta.
Axta apkelwagkasso teyp ma'a
eñama apkelásekhayo
tén han apkelmopyóseka apkelányo,
apkelchampásekxeyk axta néten
keñe apkelqeynákxo.
Cháxa apteméssessamakxa chá'a
yókxoho ekhem xa ektáha nak.
10 Apkenmexeykekxeyk axta eyke
Wesse' egegkok xa énxet'ák nak,
apkelapwagkassegkek axta m'a
espíritu aptaqmalma apagkok;
axta keñamak aptamheykekxo
apkelenmexma m'a énxet'ák nak,
apkempakhayak axta nahan.
11 Xénwákxók axta apkelwáxok
nanók agko' axta m'a,
cham'a Moisés
apkelwagkassama axta teyp ma'a
énxet'ák apagkok,
aptáhak axta chá'a
apkelmaxneyáncha'a pók se'e:
“¿Háxko aphakxa m'a Dios,
apwagkassama axta teyp
neyseksa wátsam Nilo m'a Moisés,
apkeláneseykha axta chá'a m'a
nepkések apnaqtósso?
¿Háxko aphakxa m'a
apméssama axta espíritu
aptaqmalma apagkok ma'a Moisés,
12 apkeltémo axta keytlawha
apmopwána eyeymáxkoho m'a Moisés,
apmeykáséykekxo axta neyseksa
wátsam ekwányam
apmonye'e m'a énxet'ák apagkok
yaqwayam enxoho kólya'asagkohok
chá'a ekyókxoho yókxexma,
meyke néxa,
13 apkelyeykháseykekxo axta
kañók agko' wátsam ekwányam
meyke apkeltáxñeykha m'a
énxet'ák apagkok,
aptémól'a yátnáxeg elxog ma'a
yókxexma ekyamáyekxa nak xapop,
14 ektémól'a weyke kalchexyók
kalmeyenták ma'a
ekpayhegweyktamxa nak xapop?”
Wesse' egegkok espíritu apagkok axta
naqleykha m'a.
Cháxa aptémakxa axta apnaqleykencha'a
m'a énxet'ák apagkok
tén han aptéma kélya'áseykegkoho
ekyókxoho yókxexma,
tén han apcheymákpoho.
Nélmaxnagko Dios yaqwayam agának hempasmok
15 Wesse', yenmexentámho
aphamakxa nak néten,
cham'a aphamakxa
ekpagkanamaxchexa
eyeymáxkoho nak.
¿Háxko ekmahágkaxa m'a
segásekhayo ekyawe axta
tén han apyennaqte?
¿Háxko ekmahágkaxa m'a
ekyetnakhassamo nak apwáxok negko'o?
¿Masseya nélmayóseka
senlano negko'o?
16 ¡Xép apteme negko'o egyáp!
Mehẽlya'ásegkok eykhe m'a Abraham,
megkaxénwakxók nahan negko'o
apwáxok ma'a Israel,
Wesse', xép apteme negko'o egyáp;
nanók xép apteme sẽlwagkasso teyp.
17 Wesse', ¿yaqsa ektéma
apkeltémo nak ólyetnakhágwók
nélyetlo m'a ámay apagkok?
¿Yaqsa ektéma
sẽlyennaqtéssessama nak egwáxok
yaqwayam enxoho magakyehek xép?
Hẽgyo'óta makham,
eñama apkelásekhayo m'a
apkeláneykha nak
tén han ma'a
pók aptémakxa nak chá'a énxet'ák
ektáha nak xép apagkok.
18 ¡Yaqwatakxoho agko' aptemék
apagkok apchókxa m'a
énxet'ák apagkok
apkelpagkanamap nak!
Apkelteyammeykha
tegma appagkanamap apagkok ma'a
sẽlenmexma nak negko'o.
19 Máxa entemék
metnama enxoho exchep
Wesse' egegkok,
máxa entemék mantéma enxoho
énxet'ák apagkok.
