Ningayo naysicsa fiesta
1 Aptasi nac Visqui ingac. Eltime sat gracias.
Avanjec mataa singasicjayo Visqui ingac.
2 Eltime sat quellhip Israel apquilmolhama:
Avanjec mataa singasicjayo Visqui ingac.
3 Eltime sat quellhip sacerdotes (Aarón apquilmolhama):
Avanjec mataa singasicjayo Visqui ingac.
4 Eltime sat quellhip apquilayo Visqui ingac:
Avanjec mataa singasicjayo Visqui ingac.
5 Ayevam alhta Visqui ingac naysicsa siclingaycamco selinmelhaycam.
Apjalhnoc alhta Visqui ingac.
Emyovquic alhta mocjam.
6 Mongvacyejec mataa coo.
Siclhalhma coo Visqui ingac.
Mejetvacsejec sat enlhit.
7 Epasmec mataa coo.
Siclhalhma Visqui coo.
Otac sat apticyovam selinmelhaycam.
8 Ongyiplovcasojo mepqui ningyasquiyam Visqui ingac.
Mongyiplovsejec apquiltemaclha apancaoc enlhitaoc.
9 Ongyiplovcasojo mepqui ningyasquiyam Visqui ingac.
Mongyiplovsejec apquiltemaclha apquilyimtalhnamo.
10 Elvocjac alhta aplhamoclhojo cotnaja ingmoc.
Alnapquic alhta coo, ayinyema sepasmom Visqui ingac.
11 Elvocjac alhta coo mocjam.
Epasmec mocjam Visqui ingac.
Elvocjac alhta coo mocjam.
Alnapquic alhta ayinyema sepasmom Visqui.
12 Malha yamyovjene alhta intomjac selvocjay (quimpocjacme).
Malha talha alnapma intomjac apquilvatescama apquillom.
Alnapquic alhta, ayinyema sepasmom Visqui ingac.
13 Elyingamquic alhta coo yoyam otyamoc.
Epasmec alhta Visqui ingac.
14 Actomjac coo siyayo Visqui ingac aptomja seyimnatescama.
Aptomja sevomquiscama tap.
15 Inlingalhquic amyaa ningiltomja ningilyimnatem nipyesicsa ingnaymacoc.
Yiplovcoc apquilminaycmascama natingma.
Apmopvan aptamjaycam Visqui ingac.
16 Apmopvan aptamjaycam simpilapquiscama Visqui ingac.
Apmopvan aptamjaycam Visqui ingac.
17 Momatnejec sat coo. Otyisam sat mocjam.
Olngacsic sat aptemaclha aptamjaycam Visqui ingac.
18 Eyascasquic alhta eyimpejic Visqui ingac.
Emyovquic alhta yoyam momatneje.
19 Ellic sat quellhip tingma apatong, tingma apponquinomap.
Otlhic sat coo. Otnejic sat gracias Visqui ingac.
20 Atong nac as'i, ningyoyam Visqui ingac.
Elantilhic apquilvamlha apquilpeyvomo.
21 Gracias lhip Visqui ingac, semasma coo.
Apjalhnoc alhta sicpayvam.
22 Mataymong apquilyamasma apquilaneycaoc tingma.
Impiquenalhquic tingma apvojac actajescamaclha.
23 Eycaso aptamjaycam apanco Visqui ingac.
Ingilpilapcasquic nincoo ningvita.
24 Eycaso ayinyema Visqui ingac acnim nac jay.
Copayjiclhac sat ingilvalhoc.
Pac ongilitsovacsojo.
25 Lhip Visqui ingac, jingilmiyov nincoo.
Jingilpasim nincoo.
Lhip Visqui ingac, ilhnata ningyesicsa (jingnaliclha).
26 Ningilayo aptomja apquilhyam apsoyam apvisay Visqui ingac.
Ningilayo quellhip, ayinyema Visqui ingac tingma pac apponquinomap.
27 Apyimnatem apanco Dios Visqui ingac.
Aptomja singitsasquiscama olhma.
Elsantimquis yamit actingaoc (elnalhimquis) acvaycmo acvatnamalhquilha.
Ongenojoc sat fiesta quilhvo nac jay.
28 Apyimnatem apanco lhip Dios Visqui ingac.
Gracias actomjac lhip.
Otnejic sat siyayo lhip Visqui ingac.
29 Aptasi nac Visqui ingac. Eltime sat gracias.
Avanjec mataa singasicjayo Visqui ingac.
Awanhek apmopwána Wesse' egegkok
1 Kólmés ekxeyenma
kélwáxok Wesse' egegkok,
hakte tásek apwáxok ma'a,
megkamassegwomek
chá'a segásekhayo.
2 Sa' etnehek chá'a
énxet'ák Israel se'e:
“Megkamassegwomek
segásekhayo Wesse' egegkok.”
3 Sa' etnehek chá'a
apkelmaxnéssesso
Dios énxet'ák apagkok se'e:
“Megkamassegwomek
segásekhayo Wesse' egegkok.”
4 Sa' etnehek chá'a
apcháyo nak chá'a
Wesse' egegkok se'e:
“Megkamassegwomek
segásekhayo Wesse' egegkok.”
5 Ekwóneykha axta
ko'o Wesse' egegkok
ma'a ekyentaxnama
axta setnamakxa',
aplegayak axta
ko'o sélmaxnagko,
tén axta semallahanchessama.
6 Wesse' egegkok
apteme ko'o sekxegexma;
méko seyekakxa'.
¿Háxko apwanchek ko'o
hetnéssesek énxet?
7 Wesse' egegkok
apteme ko'o sekxegexma;
cha'a sepasmo chá'a m'a.
¡Atagkohok sa' ko'o
emenxenakpok ma'a
aptáha nak chá'a setaqnagko!
8 Tásek antéhek negáyo
Wesse' egegkok,
kaxnók antéhek
negáyo énxet.
9 Tásek antéhek negáyo
Wesse' egegkok,
kaxnók antéhek
negáyo m'a énxet'ák
ekyawe nak kéláyo.
10 Ewakhayak ko'o
apyókxoho pók
aptémakxa énxet'ák,
makke hexnémók eñama
Wesse' egegkok apwesey.
11 Ewakhayók apagko',
makke hexnémók eñama
Wesse' egegkok apwesey.
12 Máxa kenáwet
aptemék sewakhaya,
massegweykmek eyke
aqsa m'a apkello nak,
máxa m'a ektémól'a
kalmétek yámet
ekha nak am'ák,
¡makke hexnémók eñama
Wesse' egegkok apwesey!
13 Eyhegamchek
axta ekyennaqte agko'
apmáheyo hetegkesek,
ey'eykekteyk axta eyke
Wesse' egegkok sepasmoma.
14 Anneykmásseshok
chá'a ko'o Wesse' egegkok,
segkésso nak sekyennaqte.
¡Cha'a apteme ko'o
Sewagkasso teyp ma'a!
15 Legáxcheyk
kélmeneykmasso
negmallane apxanák
ma'a énxet'ák apkelpéwomo:
“¡Wesse' egegkok
apmopwána keñamak
apkelmallana!
16 ¡Méko ekhawo m'a
Wesse' egegkok apmopwána!
¡Wesse' egegkok
apmopwána keñamak
apkelmallana!”
17 ¡Aweynchamha sa'
chá'a ko'o, magwatsepe',
yaqwayam axének chá'a
ko'o aqsok apkelane
m'a Wesse' egegkok!
18 Eñássáseykegkók
ekyentaxno agko'
Wesse' egegkok,
makke yahayók watsapok.
19 Hélmeykessesák
ko'o atña'ák ma'a
tegma appagkanamap,
atxek sa' ko'o agkések
ekxeyenma ewáxok
Wesse' egegkok.
20 Cháxa
Wesse' egegkok
átog apagkok xa,
sa' elántexek chá'a
m'a élpéwomo nak
chá'a apkeltémakxa.
21 Wesse',
ekméssek ko'o exchep
ekxeyenma ewáxok,
hakte eyátegmoweykegkokxeyk xép,
apteme han sewagkasso teyp.
22 Tamhákxeyk
kaxwók meteymog
kélmámenyého kólmaha
m'a apyetnakhasso axta
apkeláneyak nak tegma.
23 Cháxa apkelane
axta Wesse' egegkok xa,
kelpayhekxeyk agko' axta
negko'o egwáxok negwet'a.
24 Cháxa ekhem
apkelanakxa axta
aqsok Wesse' egegkok:
¡kalpayhekxa hana
egwáxok sakhem,
ólátsaha!
25 Wesse',
¡hẽlwagkas negko'o teyp!
Wesse',
¡yána kataqmelek negheykha!
26 ¡Tásek sa'
chá'a katnehek
apxénamap xa apwa'a nak
Wesse' egegkok apcháphasso!
Nélmaxnéssessek negko'o
kéxegke neyseksa
nenchaqneykha s'e
Wesse' egegkok
tegma appagkanamap
apagkok néltamho
etaqmelchessesek kélheykha.
27 Wesse' egegkok
apteme Dios;
¡sẽlsássesso exma!
Kólxegkes heykxa
kélessawássessamo,
kólsakxa yámet aktegák
ekweykekxoho kélwákxo m'a
élámhakxa nak nekhaw'ék
ma'a ekwatnamáxchexa aqsok.
28 Ekméssek ko'o exchep
ekxeyenma ewáxok,
ekteméssessegkek han
eyeymáxkoho m'a
ektémakxa nak apteme
apwányam apagko',
hakte xép apteme Dios ahagkok.
29 Kólmés ekxeyenma
kélwáxok Wesse' egegkok,
hakte tásek apwáxok ma'a,
megkamassegwomek
chá'a segásekhayo.
