Acvitay apvanmoncama higo acyilhna
1 Invitac alhta sicvanmoncama ayinyema Visqui ingac, actemaclha anit alhanaoc aclaneyo higo acyilhna, payjoc tingma apponquinomap. Aplhenacpec siclhoc alhta apvisqui Nabucodonosor co Babilonia, apnalayclha apquilmomap apvisqui co Judá Jeconías, Joacim apquitca, najan apquilviscaa co Judá, najan apnaymacoc apquillanay tingma najan apquillanay asoc acmamnave. 2 Lhama alhancoc higo acyilhna altamila anco, siclha ningvitay acmocjitmo. Mepqui altamila higo acyilhna moc alhancoc, mongmovan ontoc.
3 Aptomjac alhta seyanya Visqui ingac: Lhip Jeremías, ¿apvita ya lhquip asoc? — alhta aptomjac. —Eje, higo acyilhna. Altamila anco lhama alhancoc, somco eyca moc alhancoc, mongmovan ontoc — alhta actomjac coo.
4 Aptomjac mocjam seyanya: 5 Coo sicvisay Dios Visqui apancaoc Israel. Actomjac coo siyanya lhip: Sas maa ningilaneyo higo acyilhna. Acno sicyisponcama coo silaneyo enlhitaoc Judá apquilmomap, apnalayclha alhta caldeos yoclhilhma Babilonia. 6 Olmeyvoc sat mocjam as enlhitaoc, onalovsingvoclhac sat mocjam, elvotac sat apquilaoclha. Elhnam sat mepqui mocjam sictovascama coo. Cotnejic sat malha siyinayclha mocjam, mepqui siyaptama mataa. 7 Elyicpilcojoc sat sicvisay Dios Visqui apancaoc, otnejic sat enlhit ajancaoc, otnejic Visqui apancaoc nipyesicsa maa. Elyanmongsic sat apquilvalhoc as enlhitaoc, jelyotac sat maa — alhta aptomjac Visqui ingac.
8 Aptomjac alhta mocjam: Am alhta elmacpoc apvisqui Sedequías co Judá najan apnaymacoc apquilviscaa najan co Jerusalén. Apquilinyajamquic alhta napocja yoclhilhma Egipto. Olhnasojoc sat actemaclha higo acyilhna mongmovan ontoc. 9 Elvenacpoc sat nipyesicsa enlhitaoc lhalhma anco siyilhpanquiscama coo. Ellingamcojoc sat macvenéycam najan malasmescama lhalhma anco. 10 Ongvapajacsic sat cotnaja ingmoc elimpocjac sat maa, colnapoc sat mayic ataoc najan ningmasquem ataoc. Mengyaymacpejec sat lhama as yoclhilhma apquillhoy nat apquilyeyjamcaa — alhta aptomjac Visqui ingac.
Jeremías kélxekmósso hówenaq apxagkok higo ekyexna kélxata
1 Exekmóssek axta ko'o Wesse' egegkok ánet hówenaq apxagkok kélxata higo ekyexna kélpekkenma m'a apmonye' nak tegma appagkanamap, cham'a natámen axta apyentameykekxa Nabucodonosor wesse' apwányam nak Babilonia megkatnahakxa apchókxa m'a Jeconías, Joaquim axta apketche, wesse' apwányam axta m'a Judá, yetlo m'a apkelámha apmonye'e axta m'a Judá, tén han ma'a apkeláneyak axta chá'a aqsok, tén han ma'a apkelyenyekhe nak chá'a sawo. 2 Keltásek agko' axta nahan higo ekyexna m'a xama nak hówenaq apxagkok, élmakhetma nak chá'a amonye', keñe axta m'a mók nak hówenaq apxagkok asagcha'awók agko' axta, megkólwanchek axta kóltók.
3 Aptáhak axta ko'o sélmaxneyeyncha'a Wesse' egegkok se'e: “Jeremías, ¿yaqsa apwet'a?” Ektáhak axta ko'o seyátegmowágkokxo s'e: “Higo ekyexna. Keltásek agko' ma'a éltaqmalma nak; keñe m'a élmasagcha'a nak, asagcha'awók agko', mogwanchek antók.”
4 Tén axta aptáha seyáneya Wesse' egegkok se'e: 5 Ektáhak ko'o sekpeywa s'e, sektáha nak Wesse', Dios apagkok nak Israel: Máxa higo ekyexna éltaqmalma sa' ko'o atnéssesek alanok ma'a énxet'ák Judá, séláphassama axta ko'o kólnaqlakxak ma'a caldeos apchókxa apkeleñama s'e. Kataqmalmakha sa' ko'o ewáxok alano', 6 altaqmelchesek sa', wának sa' elmeyenták makham se'e apchókxa nak. Sa' wának kataqmelekxak makham apheykha s'e, mamasséssemek sa' chá'a kaxwo', alhésseták sa' se'e, malántekkesek sa' chá'a kaxwo'. 7 Agkések sa' apkelya'áseyak yaqwayam sa' elya'ásegwók sektáha ko'o Wesse', énxet'ák ahagkok sa' ko'o atnehek ma'a, keñe sa' ko'o etnehek Dios apagkok, hakte hey'ótak sa' ko'o yetlo ekmáyheykegkoho agko' apkelwáxok.
8 “Keñe sa' ma'a Sedequías, wesse' apwányam nak Judá, tén han ma'a apkelámha apmonye'e nak, tén han ma'a nápakha énxet'ák apheykha nak ma'a Jerusalén apkelheykekxa axta m'a apchókxa, tén han ma'a apkelhayam axta m'a Egipto, máxa higo ekyexna élmaso sa' atnéssesek, megkólmowánal'a kóltók. 9 Wának sa' ko'o káhapwak aqsok ekmaso agko' ma'a, yaqwayam sa' kalyegwakkasek chá'a elwetak ma'a apyókxoho énxet'ák apheykha nak keso náxop, elasmésakpok sa' chá'a ekyókxoho apkelókxa sélya'asakxa enxoho chá'a ko'o waxpánchesek, eltaqnaweykpok sa' nahan, kóltamhok sa' nahan chá'a kaltemégwomhok exma ekmaso. 10 Wahak sa' ko'o kempakhakma, meyk, tén han negmasse ekmaso, ekwokmoho apsawheykpoho apagko' ma'a apchókxa sekméssamakxa axta ko'o, tén han ma'a apyapmeyk nano' axta.”
