Siclho appayvam apanco Lucas
1 Aplhamoc alhta enlhit apquililtamjoc eltalhesamcoc amyaa nintamin alhta. Asoc alvitalhco najan aclingalhco alhta ningyesicsa. 2 Innoc singiltimnascama enlhit apquilvitay apmamyi as asoc. Apquilpasmec alhta apquiltimnascama Dios appayvam. 3 Altamjoc coo lha otalhocsic as amyaa moclhama acteteycaoc moc. Altamjoc otalhosquisic lhip sictimem emoc Teófilo. Alinlhanacmec alhta oyasingvomoc amyaa ayenmoclha aclhenomalhca. Altamjoc opeyvasiclhac aclhamoclhojo amyaa. 4 Eyasamcojoc sat lhip actomja nasoc anco amyaa actemaclha aplhicmosomap lhip.
Amyaa yoyam etyamoc Juan yapasquiscama yingmin inyap
5 Apnec alhta apvisqui Herodes yoclhilhma Judea. Apnec alhta najan lhama sacerdote apvisay Zacarías. Aptomja alhta apquilpasmeycam aptamjaycamo lhama Abías. Aptava alhta innac acvisay Elisabet. Sacerdote Aarón aptavin niptamin alhta as quilvana. 6 Appeyvomo alhta as enlhit najan aptava napato Dios Ingyapam. Am alhta esilhnanacpoc. Am alhta cosilhnanalhcac najan aptava. Apquilyajaclhoc alhta mataa Zacarías najan aptava actemaclha apcanamaclha najan singanamaclha Visqui ingac. 7 Am alhta ayitca ma. Cotay ayitca Elisabet. Apvanacmec alhta as enlhit najan aptava.
8 Invocmec alhta acnim, yoyam etnajam Zacarías aptemaclha sacerdote napato Dios Ingyapam. 9 Apquiltemaclha alhta sacerdote, yoyam elnatovasamcoc sicas. Apcanyacpec alhta Zacarías etalhningvoclha tingma apponquinomap, yoyam elvitic asoc masis. 10 Apcaneyclhec alhta appintalhnama enlhit nipva tingma. Apquililmalhnaquic alhta naysicsa acvatnamalhca asoc masis. 11 Yejemoc alhta apvita Zacarías lhama ángel Dios apcasinancama apquinyema Visqui ingac. Apquiningvaac alhta nicja acyinatamaclha acvatnamalhquilha asoc masis. 12 Pilapcasquic alhta Zacarías apvita ángel Dios apcasinancama. Apcacac alhta Zacarías. 13 Aptomjac alhta apcanya ángel Dios apcasinancama:
—Zacarías, nojeya nasa —alhta aptomjac. Aplingac mataa Dios Ingyapam lhip apquilmalhnancama. Cotimsic sat ayitca lhip aptava Elisabet. Itnesquis sat apvisay Juan. 14 Ingyitsovacsojoc sat lhip. Copayjiclhac sat najan apvalhoc. Elitsovacsojoc sat aplhamoclhojo enlhit aptiyacmo sat apquitca. 15 Etnejic sat apyimtalhnamo napato Dios. Meynejec sat anmin. Elhic sat Espíritu Santo apvalhoc amamyi aptiyam. 16 Eltajicsojoc sat apquilvalhoc enlhitaoc co Israel. Elpeyveclhac sat mocjam Dios Visqui apancaoc. 17 Etnimsic sat Juan apmamyi Visqui ingac. Eyiplovjoc sat amay aptemaclha nic nat Elías Dios aplingascama. Colhic sat najan apmopvan apanco. Eltajicsojoc sat apquilvalhoc apquilyapmayc. Elasicjangvomoc sat mocjam apquitquic. Eltajicsojoc sat apquilvalhoc enlhit colyavameycaoc. Elvajaningvomoc sat apquiltemaclha enlhit apquilpeyvomo. Elanic sat elpenacsojo actema nac jay enlhitaoc, yoyam elmoc tacja Visqui ingac —alhta aptomjac ángel Dios apcasinancama.
18 Apcatingmavoc alhta Zacarías:
—¿Jalhco sat otnejic oyasamcojo as asoc? Sicvanyam coo, invanacmec najan etava —alhta aptomjac.
19 Apcatingmavoc alhta ángel:
—Coo nac Gabriel. Ayinmam coo mataa napato Dios Ingyapam. Eyapajasquic lhac coo seyanya opamejitsic lhip. Pac oltimnacsic lhip as amyaa actamalma. 20 Quip ilanojo, comopvan appayvam sat etnejic lhip. Sat cotepeclhac appayvam aptiyacmo apquitca. Apyascacmec lhac lhip coo sicpayvam. Cotnejic sat maa siltimnasa lhac —alhta aptomjac.
21 Apquiljalhnacpec alhta inyicje etyapoc Zacarías. Pilapcasquic alhta enlhitaoc apquilvita metyapma congne tingma apponquinomap. 22 Aptiyapvactamo alhta aptomja eyca mepqui appayvam. Yejemoc alhta apyicpilcacpo Zacarías aplhicmosacpo napaat congne tingma apponquinomap. Vamlha apmic alhta apquillhicmosa, mepqui appayvam alhta.
23 Lhama alhta apsovja aptamjaycam tingma apponquinomap aptajaclho mocjam tingma pac. 24 Natamin alhta actomja inlovso aptava Elisabet. Am alhta coyipjongvaac tingma ac cinco piltin. 25 “Eycaso setnesquiscama Visqui ingac. Eyasicjangvocmec coo. Elvatescasquic sictanovmalhca nipyesicsa enlhitaoc” —alhta intomjac Elisabet.
Amyaa yoyam etyamoc Jesús
26 Apvocmec alhta seis piltin. Apcapajasquic alhta Dios Ingyapam lhama ángel apcasinancama apvisay Gabriel. Apcanayquic alhta eyacsic tingma apvisay Nazaret yoclhilhma Galilea. 27 Apcanama alhta eltimnascomoc quilvana mepqui atava acvisay María. Acponquinomalhca alhta María. José alhta apponcanma, David aptavin niptamin alhta. 28 Aptalhningvocmo alhta ángel Dios apcasinancama acnaclha quilvana. Appayvasquic alhta:
—Lhiya nac. Quilinyejemo nac anco lhiya. Aplhalhma aptomjac lhiya Visqui ingac. Apquimlaycmoc lhiya Dios Ingyapam, colhno innaymacoc —alhta aptomjac.
29 Inlhingavoc alhta inquenyic María aclinga appayvam. Inquitamquic alhta avalhoc actemaclha appayvescama. 30 Aptomjac alhta apcanya ángel:
—María, nojeya nasa. Apquimlaycmoc lhiya Dios —alhta aptomjac. 31 Ca incolanojo, cotnejic sat inlovso lhiya. Cotimsic sat ayitca apquinavo. Cotnesquis sat apvisay JESUS. 32 Etnejic sat apyimtalhnamo. Iltamjacpoc sat Visqui Netin Apquitca. Dios Ingyapam sat etnesquisic apvisqui apno nic nat apyeyjamcaa David. 33 Etnejic sat mataa apvisqui apancaoc enlhitaoc Israel. Cotningvomejec sat nelha apcanamaclha apanco —alhta aptomjac.
34 Incatingmavoc alhta María:
—¿Jalhco sat cotnejic as asoc? Am coo etava ma —alhta intomjac.
35 Apcatingmavoc alhta ángel Dios apcasinancama:
—Evayventac sat Espíritu Santo tacjalhit lhiya. Cajapvotac sat lhiya Visqui netin apmopvan malha yipjopay. Eponquinacpoc sat sicaa aptiyacmo sat. Eltamjacpoc sat Dios Apquitca. 36 Ca incolanojo actimem moc Elisabet. Actomjaclhojo acvanyam intomjac inlovso. Apquinavo sat maa ayitca. Seis piltin alhta actomja inlovso. Ayanyomalhca alhta cotay ayitca. 37 Dios Ingyapam aptomja apmopvan elana aclhamoclhojo asoc —alhta aptomjac.
38 Incatingmavoc alhta María:
—Intasic lhac, sictomja silancam Visqui ingac. Jetnesquisic Visqui ingac acno seltimnasa lhac —alhta intomjac.
Yejemoc alhta aptajavoc ángel Dios apcasinancama.
María actimem maycaa acnaclha Elisabet
39 Eyca as acnim inpecjasoc alhta María. Inyicpintamavoc alhta amay acmiyaclhilha tingma acyitnamaclha inquilhe yoclhilhma Judea. 40 Intalhningvoclhec alhta Zacarías tingma pac. Inpayvasquic alhta actimem moc Elisabet. 41 Lhama alhta aclinga Elisabet acpayvescama actimem moc. Yejemoc alhta inquiltajamcaa sicaa avalhoc Elisabet. Espíritu Santo alhta apnac Elisabet. 42 Inyimnatasoc alhta acpayvam Elisabet:
—Apquimlaycmoc lhiya Dios Ingyapam. Altamjoc coo, yoyam epasmoc ayitca avalhoc lhiya. 43 ¿Soc lha coo yi? ¿Soctomja setnaja nac maycaa Visqui ajac inquin? 44 Ca incolanojo, aclingac lhac sepayvesa. Yejemoc lhac apquiltajamcaa sicaa evalhoc, apquitsovasoc anco. 45 Quilinyejemoc anco lhiya actomja coyasquiyam. Cotnejic sat asoc aptomja aplhanma alhta Visqui ingac —alhta intomjac Elisabet.
46 Intomjac alhta acpayvam María:
Coo evalhoc actimesquiscama apyimtalhnamo Visqui ingac.
47 Inpayjeclhec evalhoc Dios Ingyapam aptomja Sevomquiscama tap.
48 Coo sictomja silancam moyimtalhnamo. Jelanoc sictemaclha Dios Ingyapam.
Jeltimjic sat mataa selinyejemo aplhamoclhojo enlhitaoc aptovana niptamin.
49 Avanjec setnesquiscama asoc altamila Dios Apyimtalhnamo.
Acponquinomalhca nac apvisay apanco.
50 Cotmongvomejec sat nelha apcamliyam enlhitaoc apquiltomja apquilayo.
51 Ingillhicmosquic apmopvan aptamjaycam acyimtalhnamo.
Aptomja Apyimtalhnamo, am elhno enlhit ayajamalhco apvalhoc.
52 Coning apquiltimescasiclha apquilviscaa apquilyimtalhnamo.
Apquiltimescasquic apquilyimtalhnamo enlhit melyimtalhnamo alhta.
53 Altamila asoc apquilyipcanimcasac enlhit alnapma mayc.
Mepqui asoc apquilmaycam apquilapajasac enlhit ningilnatam inyap.
54 Apquilpasmec enlhitaoc Israel apquiltomja apquilancam.
Am colvanamongvocmoc mataa apquimlaycmojo cotmongvoycamlha nelha.
55 Innoc aptomja ilhnic nat aplhanma apcanyacpo ningilyeyjamcaa Abraham najan aptovana niptamin
—alhta intomjac María.
56 Innacmoc alhta lhama María acnaclha Elisabet apnatqui piltin. Natamin alhta actajavo mocjam tingma ac.
Aptiyaycamlha Juan yapasquiscama yingmin inyap
57 Invocmec alhta acnim, yoyam cotimsic ayitca Elisabet. Apquinavo alhta ayitca. 58 Inquillingac alhta amyaa acmolhama najan innaymacoc. Aplhenacpec alhta Dios Visqui ingac aptomja apquimlaycmo. Inquilitsovasoc alhta lhama Elisabet. 59 Invocmec alhta ocho acnim. Apquilaneyquiclhac alhta, yoyam colhic alana asoc monquinatquiscama sicaa. Apquililtamjoc alhta elhnasojoc apvisay apyap Zacarías. 60 Intomjac alhta ayanya inquin:
—Jave eyqui lha, eltime sat apvisay Juan —alhta intomjac.
61 Apquilatingmavoc alhta:
—¿Soctomja yi? Ningya apvisay innaymacoc actema nac lha —alhta intomjac amyaa.
62 Apquilevam alhta apyap. Acvamlha apmic alhta aptimescasac eyasamcojo apvisay apquitca. 63 Yejemoc alhta almalhnalhco asoc pasyam. Aptalhosquic alhta: “Juan apvisay nac lha” —alhta intomjac aptalhescama. Pilapcasquic alhta aplhamoclhojo. 64 Yejemoc alhta actamilaclho apalhcoc, actepeclho appayvam. Apcacavoc alhta Dios Ingyapam appametamcaa. 65 Pilapcasquic alhta enlhit apnaycam nipyava. Inlingalhquic alhta amyaa yoclhilhma acma inquilha acvisay Judea. 66 Aclingalhco alhta anco amyaa. Inquillhenquic alhta apquilvalhoc apquilpamejitsacpo:
—¿Soc sat etnejic as sicaa? —alhta intomjac amyaa aplhenacpo.
Dios Visqui ingac nasoc anco aptomja appasmom sicaa.
Apminaycmascama Zacarías
67 Aplanoc alhta apvalhoc Espíritu Santo sicaa apyap Zacarías. Appametam alhta appayvam ayinyema Dios Ingyapam:
68 Aptasi nac Visqui ingac, Israel Dios apancaoc.
Apvaac ningyesicsa ningiltomja enlhit apancaoc.
Ingiljalhyovascasquic ningilpilhtetomalhca.
69 Ingmasquic Singvomquiscama tap apyimnatem.
Apquinyema apmolhama David aptomja apquilancam Dios Ingyapam.
70 Innoc actomja aplhanmaclha nano actomja nasoc anco.
Singiltimnaseclho ilhnic nat mataa profetas Dios apquillingascama apquilponquinomap.
71 Jingilvomsic sat tap nipyesicsa cotnaja ingmoc najan aplhamoclhojo sintanoncama.
72 Apquilinlhanacmec nic nat apquimlaycmojo ningilyeyjamcaa.
Inlhanvocmec mataa apvalhoc actemaclha aplhanmaclha nasoc anco Dios.
73 Eycaso aplhanmaclha nasoc anco actomja ilhnic nat mepqui movan amyaa.
Apquiltimnasomacpo Abraham ningilyeyjamcaa nano:
74 Jingilvomsic sat tap nipyesicsa cotnaja ingmoc, yoyam ongilanam mepqui ningilay.
75 Actema nac ningiltamilcasomalhco najan nintemaclha acpeyvomo aclhamoclhojo acnim ningileyvam.
76 Lhip eyca aptomja sictamongvoyam.
Eltamjacpoc sat lhip apvisay soycam amyaa apanco.
Etnimsic sat lhip apmamyi Visqui ingac. Elanesic sat amay, yoyam eyacsic.
77 Elyascasingvomoc sat lhip enlhitaoc actemaclha ningilvomsomalhca tap.
Najan actemaclha acmascosomalhca mongilyascalhma.
78 Dios Ingyapam ayinyema acliclamo apvalhoc.
Acvaa ningyesicsa ayitsayolhma ayinyema netin.
79 Colsacsic sat ilhma enlhit apnaycam yatesaclhilhma najan ayajapvoy pisquisca apquilitsepma.
Jinnaliclhac sat amay actemaclha actamila ingvalhoc.
—alhta aptomjac Zacarías.
80 Apvanamyic alhta sicaa. Inyimnaquic alhta apvalhoc. Natamin alhta apnacmo yoclhilhma actamopeycaoc acvocmo acnim, yoyam ellhicmocsic enlhitaoc Israel.
Eyeynókxa amya'a
1 Apxámok axta eykhe énxet apmáheyo enaqtáxésagkok weykcha'áhak ma'a aqsok ektémakxa axta negyeseksa negko'o ekpenchásamáxko axta élánamáxche', 2 ekhawo ektémakxa axta sẽllegasso negko'o m'a énxet'ák, ektáha axta apkelweteykegkoho m'a sekxók eyeynamókxa axta, tén axta kélásennagkama ellegaksek ma'a amya'a ektaqmela. 3 Xép Teófilo, apteme nak seyásekhayo, ektaqmelchessamók axta ko'o sektegyeykencha'a amya'a ekyókxoho m'a eyeynamókxa axta. Tén axta ekxeyenma han ko'óxa ewáxok ektaqmela agko' ataqmelchesseshok sektáxéssesso exchep, cham'a ektémakxa axta chá'a nentámen axta, 4 yaqwayam enxoho ey'ásegwók ektaqmela m'a amya'a ekmámnaqsoho kélxekmóssama axta exchep.
Dios apchásenneykha apxeyenma etyamok Juan el Bautista
5 Aphegkek axta xama apkelmaxnéssesso Dios énxet'ák apagkok apwesey axta Zacarías, apteme axta apkeñama nepyeseksa m'a Abías apkelxegexma'a, cham'a aptémakxa axta makham Herodes wesse' apwányam ma'a Judea. Isabel axta ekwesey aptáwa' m'a Zacarías, Aarón axta aptáwen neptámen. 6 Ekpéwomo éltémakxa axta nahan nápaqtók Dios xa ánet nak, kelyaheykekxók axta nahan ekyókxoho m'a apkeltémókxa nak antéhek Wesse' egegkok tén han ma'a segánamakxa apagkok nak, méko axta kawának kaxénchásekxohok éltémakxa. 7 Méko axta eyke étchek, hakte katétche axta m'a Isabel; hawók axta anhan mók ektamhéyak élwányamók xa ánet nak.
8 Keñe axta xama ekhem ekweykekxo yaqwayam eltemeykha nápaqtók Dios ma'a Zacarías axta apkelxegexma'a. 9 Xama aqsok axta nahan chá'a katwasaxchek kólyésha yaqwayam ewatnek aqsok ekmátsa nak ekpaqneyam éten agkok ma'a tegma appagkanamap, ekhawo ektémakxa axta chá'a nepyeseksa m'a apkelmaxnéssesso Dios énxet'ák apagkok, Zacarías axta nahan peheweykmok yaqwayam etxek ma'a. 10 Apyókxoho énxet axta nahan aptamheykegkok nempeywa nélmaxnagko yókxexma, neyseksa apwatno m'a aqsok ekmátsal'a ekpaqneyam éten agkok. 11 Tén axta apxekmowásamákpoho xama Wesse' egegkok apchásenneykha m'a Zacarías, apkenmeykencha'a m'a ekpayho nak nélya'assamakxa m'a nekha nak ekwatnamáxchexa aqsok ekmátsa nak ekpaqneyam éten agkok. 12 Xama axta apweteya Zacarías ma'a Dios apchásenneykha, apyegwaktegkek axta, apcháyak apagko' axta nahan. 13 Axta eyke aptemék apkenagkama Dios apchásenneykha s'e:
—Zacarías, nágye' aqsa, aplegayók xeyep apkelmaxnagko m'a Dios, kótak sa' nahan étche apkenna' m'a aptáwa' Isabel, etnésses sa' apwesey Juan. 14 Awanhók agko' sa' katnehek xép ekpayheykekxa apwáxok, apxámok sa' nahan énxet kalpayhekxak apkelwáxok apteyekmo sa' ma'a, 15 hakte ekyawe kéláyo sa' etnehek nápaqtók Dios ma'a apketche peya nak etyamok. Ménhek sa' ma'a vino tén han ma'a anmen agko' nak, elánhok sa' nahan apwáxok Espíritu Santo amonye' aptéyam. 16 Elyo'ókxések sa' makham Dios Wesse' apagkok apxámokma apagko' ma'a énxet'ák Israel. 17 Exog sa' apmonye' Wesse' egegkok xa Juan nak, yetlo m'a Dios appeywa aplegasso Elías espíritu apagkok tén han apmopwána, yaqwayam sa' elásekhassásekxohok apyapmeyk ma'a apketchek, yaqwayam sa' nahan kaltámeyagkok apkelyaheykekxoho m'a énxet'ák meyke nak apkelyaheykekxoho. Sa' etnéssesek elánekxések apkeltémakxa énxet'ák xa yaqwayam enxoho elmok takha' m'a Wesse' egegkok.
18 Axta aptemék Zacarías apkelmaxneyeykencha'a Dios apchásenneykha s'e:
—¿Háxko katnehek ko'o atnéssesek naqsók xa? Hakte sekwányamók ko'o, ekwányamók nahan ma'a etáwa'.
19 Keñe axta Dios apchásenneykha aptéma apchátegmoweykegko s'e:
—Gabriel ko'o, sekha nak chá'a nápaqtók Dios; exchek seyáphasso ko'o yaqwayam apaqhetchessak xép ma'a, tén han altennássak se'e amya'a ektaqmela nak. 20 Meyke appeywa sa' eyke etnehek kaxwók xép, hakte apya'ássekmek ma'a sektáhakxa nak seyáneya; mopwanchek sa' epaqmétek ekwokmoho ektáha xa sektáhakxa nak seyáneya exchep.
21 Apchaqneykha axta nahan yókxexma énxet'ák apkelhaxanma etyapok ma'a Zacarías, apkelmaxneyeykha axta chá'a pók yaqsa ektáha ekwegqa nak metyapma m'a kañe' tegma appagkanamap. 22 Xama axta apteyapma, mopwanchek axta apmáheyo elpaqhetchesek énxet'ák; keñe axta apyekpelchama énxet'ák apweteya xama aqsok kélxekmóssamo m'a kañe' tegma appagkanamap, hakte apkelpenteyheykha axta aqsa chá'a apkeltennáseykencha'a eykhe chá'a m'a énxet'ák, temegkek axta nahan xa ektáha nak, meyke apmopwána epaqmétek.
23 Xama axta appenchessama aptamheykha m'a Zacarías, apmeyeykekxeyk axta apxagkok. 24 Lósók axta nahan temék Isabel natámen xa, cinco pelten axta nahan megkatyapma axagkok, hakte axta entemék élchetamso awáxok se'e: 25 “Wesse' egegkok kaxwók setnéssesso s'e yaqwayam enxoho mehewanyók kaxwók ma'a énxet'ák.”
Dios apchásenneykha apxeyenma Jesús yaqwayam etyamok
26 Seis pelten axta weykmok ekteme lósók Isabel, apcháphassegkek axta apchásenneykha Dios ma'a tegma apwányam Nazaret, xama yókxexma axta m'a Galilea, cham'a apchásenneykha Gabriel, 27 ekhamakxa axta xama kelán'a étkok, ekwesey axta María; meyke kélteméssesseykmohoxma axta nahan ma'a, pagkanmeyk axta eyke yaqwayam katnehek atáwa' xama énxet apwesey axta José, wesse' apwányam David axta aptáwen neptámen. 28 Aptaxnegweykmek axta Dios apchásenneykha m'a ekhamakxa axta María. Axta aptemék apkenagkama s'e:
—¡Ekméssek ko'o exche' ekxeyenma ewáxok, apmésso nak ekyawe agko' ektaqmeleykha apwáxok apkelányo m'a Dios! Apheyk xamo' xeye' m'a Wesse' egegkok.
29 Xegamók axta nahan agkenyek María eklegaya xa amya'a nak, kelchetagkassegkek axta awáxok yaqsa kexaha xa ektéma nak sẽlpeykesso.
30 Axta aptemék apkenagkama Dios apchásenneykha s'e:
—María, nágke' aqsa, taqmeleykha exche' apwáxok apkelányo m'a Dios. 31 Lósók sa' katnehek kaxwók xeye', kótak sa' xama étche apkenna', Jesús sa' nahan katnéssesek apwesey. 32 Xama énxet meyke ekhémo sa' etnehek, eltamhakpok sa' Dios meyke ekhémo Apketche, Dios Wesse' egegkok sa' nahan etnéssesek Wesse' apwányam ma'a, ekhawo apteméssessamakxa axta m'a David, apyáp nanók axta, 33 yaqwayam sa' etnehek chá'a Wesse' apwányam meyke néxa nepyeseksa m'a Jacob énxet'ák apagkok. Méko sa' katnehek néxa apteme Wesse' apwányam.
34 Axta entemék María élmaxneyeykencha'a Dios apchásenneykha s'e:
—¿Háxko katnehek ko'o hetnehek xa? Mapatheteykegkok ko'o makham xama énxet enxoho.
35 Keñe axta Dios apchásenneykha aptéma apchátegmoweykegkokxo s'e: Eweywenták sa' ekhakxa exche' Espíritu Santo, káhapwak sa' xeye' m'a Dios meyke ekhémo apmopwána. Cháxa keñamak peya nak eltamhakpok Appagkanamap tén han Dios Apketche m'a sakcha'a peya nak etyamok. 36 Kótak sa' nahan étche apkenna' m'a Isabel námakkok nak xeye', ekwanyamók eykhe entáhak; seis pelten kaxwók entáhak ekteme lóso' ma'a ekxénamaxkoho axta chá'a megkamowána kótak étchek. 37 Méko xama aqsok megkamopwána elának Dios.
38 Keñe axta María ektéma s'e:
—Ko'o sekteme Wesse' egegkok apkeláneykha; hetnéssesek sa' ko'o Dios ma'a aptáhakxa nak xép seyáneya.
Tén axta aptaqhémo m'a Dios apchásenneykha.
María ekteme meyk'a Isabel
39 Pekhéssamók axta nahan ekxega María xa ekhem nak, ekmeyeykekxo m'a nátegma ekxámokmakxa axta meteymog élekhahéyak élyawe m'a yókxexma Judea, 40 taxnegweykekxeyk axta Zacarías apxagkok María, keñe ekpeykessama m'a Isabel. 41 Xama axta eklegaya Isabel ektémakxa ekpeykesso María, apkeltaqhaheykha axta sakcha'a m'a awáxok, aplánéyók axta nahan awáxok Espíritu Santo. 42 Tén axta ektéma ekyennaqtéssamo ekpeywa Isabel se'e:
—Tásók agko' xeye' apteméssesakxa Dios neyseksa m'a ekyókxoho kelán'ák nak, tásók agko' nahan apteméssesakxa m'a étche nak. 43 ¿Yaqsa kexaha ektáha setnaha nak ko'o meyk'a Wesse' ahagkok egken? Mékoho ahagko' ko'o. 44 Xama exchek ko'o sekleg'a sepeykesa, apkeltaqhaháha exchek ko'o ewáxok sakcha'a ekpayhékxo apwáxok. 45 ¡Éleñémo agko' xeye' megkay'ásseykmo ekmáheyo katnehek ma'a aqsok apkeltennassama axta katnehek ma'a Wesse' egegkok!
46 Axta entemék María s'e:
“Élteméssessek ko'o
apcheymákpoho Dios
ekweykmoho kañók
agko' ewáxok
47 Payhekxeyk ko'o ewáxok
eñama m'a Dios
apteme nak
Sewagkasso teyp.
48 Hakte melwátesseykmok ko'o
séláneykha m'a Dios,
sekteme nak apkeláneykha
mékoho.
Sakhem sa' ko'o keynhok
séltamhomaxche séleñémo
megkatnégwayam néxa;
49 hakte élánéssek ko'o
aqsok ekyawe agko' ma'a
Ekha nak apyennaqte.
¡Ekpagkanamaxche agko'
apwesey m'a!
50 Kapyóshok chá'a
elanok Dios ma'a
ektáha nak chá'a apcháyo.
51 Apmeykha axta
apkeláneya aqsok
ekyókxoho apmopwána;
apmasséssessegkek axta aqsok
élxeyenma axta apkelwáxok
elanagkok ma'a énxet'ák
apkeleymákpoho nak.
52 Apkelántekkessegkek axta
apheykegkaxa néten
apkeltaháno m'a
kelwesse'e apkelwányam,
keñe aptemessáseykekxo néten
ma'a énxet'ák mékoho nak.
53 Apyeykhássesseykmók axta
apkelmésso aqsok
éltaqmela m'a
énxet'ák meyk át'ák nak,
keñe apkeláphassama
meyke aqsok ma'a énxet'ák
ekxámokma nak aqsok apagkok.
54 Appasmomchek axta m'a
énxet'ák Israel,
cham'a apteme nak
apkeláneykha,
axta anhan
kalwánaqmágweykmok
eyeymomáxko chá'a
kalepyóshok elano',
55 ekhawo apkeltennassamakxa
axta etnéssesek ma'a
ẽlyapmeyk nano',
cham'a Abraham,
tén han ma'a yaqwayam nak
etnahagkok aptawán'ák
neptámen ma'a egmonye' sa'.”
56 Hegkek axta nahan xamo' María apqántánxo pelten ma'a Isabel, tén axta ektaqhémo makham axagkok.
Juan Bautista aptéyam
57 Xama axta ekweykmo ekhem yaqweykenxa katnehek naqláwa m'a Isabel, weteyak axta xama étche apkenna'. 58 Kelya'áyekmek axta nahan ekheykha axta ketók axagkok tén han námakkok yaqwayam kagkések élpayheykekxa awáxok, cham'a élya'ásegweykmo axta ektaqmeleykencha'a apwáxok apkelányo m'a Wesse' egegkok. 59 Kélyentameykekxeyk axta sakcha'a yaqwayam kólyenyekhássesek nekha apyempehek ma'a ekweykmo axta ocho ekhem aptéyam. Kélmáheyók axta eykhe nahan kólmeyásekxak aqsa m'a ektémakxa axta apwesey m'a apyáp, cham'a Zacarías, 60 Keñe axta egken ektéma s'e:
—Ma'. Juan sa' kólteméssesek apwesey.
61 Axta aptemék apkelátegmoweykegko énxet'ák se'e:
—Méko xama enxoho ekteme námakkok apwesey xa ektéma nak.
62 Tén axta kéltéma aqsa kélmék kélmaxneyeykencha'a apyáp ma'a sakcha'a, yaqwayam enxoho kólya'asagkohok háxko yaqwánxa etnéssesek apwesey. 63 Apkeltémok axta kóltegyesha yántéseksek étkok ma'a apyáp yaqwayam enxoho etaxaksek. Axta aptemék aptáxésso s'e: ‘Juan apwesey xa. Kelpelakkassegkek axta nahan apkelweteya apyókxoho énxet. 64 Cháxa ektépeykekxexa axta nahan appeywa m'a Zacarías, apcheynamók axta apkelteméssesso apcheymákpoho m'a Dios. 65 Kelpelakkassegkek axta nahan apkelweteya apyókxoho m'a apheykha axta ketók apxagkok, kéltenneykha axta nahan ektémakxa ekwetamaxche aqsok ma'a ekyókxoho ekxámokmakxa nak meteymog élekhahéyak élyawe m'a yókxexma Judea. 66 Axta entemék chá'a élchetamsama apkelwáxok apyókxoho ektáha axta chá'a apkellege s'e: “¿Yaqsa sa' kexaha etnehek xa sakcha'a nak?” Hakte naqsók ekwetamaxko ekyetnama xamo' Wesse' egegkok apmopwána xa sakcha'a nak.
Zacarías apmeneykmasso
67 Apláneyók axta apwáxok Espíritu Santo m'a Zacarías, apyáp axta m'a sakcha'a, axta aptemék apxeyenma amya'a eñama Dios se'e:
68 “¡Apcheymákpoho sa'
kólteméssesek
Wesse' egegkok,
Israel Dios apagkok nak,
hakte apwayak axta yaqwayam
elwagkasek teyp
énxet'ák apagkok!
69 Egáphássessek negko'o
segwagkasso teyp
ekha apyennaqte,
xama David aptáwen neptámen,
apteme axta apkeláneykha.
70 Cháxa apxeyenma axta
hegmések nanók axta xa,
apkelásenneykekxo axta
elxének ma'a
apkellegasso axta appeywa
apkelpagkanamap,
apkelxeyenma axta
71 hẽlwagkasek teyp
nepyeseksa m'a sẽlenmexma,
tén han nepyeseksa
apyókxoho m'a
sẽltaqnagko nak chá'a,
72 tén han kalepyóshok
elanok ma'a ẽlyapmeyk nano',
tén han apxeyenma
megkalwánaqmágwomek ma'a
ekhémo mók
nélpaqhetchásamáxkoho
ekpagkanamaxche
apagkok nak ma'a Dios.
73 Keso apteméssessama axta
ekmámnaqsoho agko'
appeywa Dios
apméssama egyáp nanók
Abraham se'e:
apxeyenma hẽghok 74 ólweynchamha meyke
negakakxa xama aqsok enxoho,
meyke senteméssesseykmoho
exma m'a sẽlenmexma,
yaqwayam enxoho agyetlawha
75 yetlo nempagkanchásamáxche
tén han ekpéwomo nentémakxa,
tén han anxek nápaqtók
yókxoho ekhem
neyseksók negha.
76 Keñe sa' xép hatte,
eltamhakpok sa'
Dios appeywa aplegasso
apagkok ma'a Dios
meyke ekhémo nak,
hakte exog sa' apmonye'
Wesse' egegkok
elánekxések ma'a ámay
apagkok,
77 yaqwayam sa'
elya'assásegwók
énxet'ák apagkok
meyaqmagkáseykekxo Dios
ma'a apkeltémakxa
melya'assáxma,
tén han apméssama
apkelwayam teyp.
78 Hakte Dios egagkok,
ekyawe apmopyósa senlányo
negko'o keñamak
sensántegkessama
élseyéxma
ektémól'a kaxwe
ekteyapma ekhem,
eñama m'a netnók agko',
79 yaqwayam sa' kalsássesexma
m'a énxet'ák
apheykha nak ekyáqtéssamakxa
agko' exma,
tén han yaqwayam
hennaqlakxak ma'a ámay
ekyetnamakxa nak
meyke ektáhakxa egwáxok.”
80 Apwánegyek axta m'a sakcha'a nak, yennaqweykmek axta apwáxok, aphegkek axta m'a yókxexma meykexa nak énxet ekweykmoho m'a ekhem apxekmowásamákpoho axta m'a israelitas.
