Aptalhesquiscama Pablo najan apquillhalhmaa yoyam elyipsitic Jesucristo apmolhama
1 Coo nac Pablo najan siclhalhma Silvano najan Timoteo. Ningiltalhescasquic nincoo as vaycajac yoyam elyipsitic Jesucristo apmolhama apnaycam tingma Tesalónica. Apquiltomja apquilpasmeyquiclha Dios Ingyapam najan Jesucristo Visqui ingac. 2 Altamjoc coo yoyam ellhovac quellhip apcaycaoc najan altamilaycam apquilvalhoc ayinyema Dios Ingyapam najan Jesucristo Visqui ingac.
Dios sat elyicpilcojoc enlhit melyascalhma acvocmo sat apvoyctamlha Cristo
3 Quellhip ingilyalhinga. Ningiltimec mataa nincoo gracias Dios Ingyapam naysicsa ningilmalhnesquiscama quellhip. Mongvanquejec nincoo mongilmalhnesquisic quellhip, ayinyemaclha inyangvocmec melyasquiyam quellhip najan actemaclha apquilasicjayo moclhama nipyesicsa quellhip. 4 Inpayjeclhec mataa ingvalhoc nincoo ningillhena quellhip nipyesicsa Jesucristo apmolhama apnaycam moc yoclhilhma. Ningillhenquic nincoo mataa apquiltemaclha apquilinlhanyacmo quellhip najan melyasquiyam quellhip naysicsa macminlhinaycam najan naysicsa apquillingaycamco acmasca. 5 Eycaso ayinyema apquilyasingvoyam quellhip aptemaclha Dios aptomja appeyvomo naysicsa apquilyicpilquemo. Apquiltamjoc yoyam elpalhavomoc quellhip Dios apquilnancascama. Ayinyemaclha apquillingamcoc quellhip acmasca ayinyema apquillhicmoscama Dios apquilnancascama.
6 Inpeyvoc najan aptemaclha Dios yoyam elasquisic sat apyimpeoc apquiltomja apquilasquiscama apyimpeoc quellhip. 7 Apquiltamjoc Dios yoyam casilhtangvomoc apquillingaycamco acmasca quellhip acno nincoo lha acvocmo sat apvoyctamlha Visqui ingac Jesús. Ingyinyemac sat netin Jesús malha naysicsa alayvom talha. Angeles apquilyimtalhnamo sat apquillhalhmaa. 8 Elyanmongsiclhac sat apquiltemaclha enlhitaoc apquiltomja melyicpilquemo Dios najan apquiltomja melilyajayquiclho tasic amyaa ayinyema Visqui ingac Jesús. 9 Enatovasacpoc sat cotmongvoycamlha nelha acyanmongayclha apquiltemaclha apanco. Mocjay sat colhic alhacjangvocmo yoyam melviticlhejec mocjam Visqui ingac najan melvityejec mocjam aptemaclha apyimtalhnamo najan apmopvan apanco. 10 Incovac sat acnim yoyam evotac Visqui ingac nipyesicsa Jesucristo apmolhama. Cotlapsic sat apvitamap. Apquilayo sat eltimjic aplhamoclhojo apquiltomja melyasquiyam. Najan quellhip lha apquiltomja melyasquiyam amyaa ninlingascama alhta nincoo.
11 Eycaso ayinyema ningilmalhnesquiscama mataa quellhip Dios Ingyapam yoyam elpasmoc quellhip lha apvactamo sat Visqui ingac. Ningilmalhnescasquic najan yoyam elpayesiclhac apquilvalhoc quellhip naysicsa apquilyiplovquiscama asoc altamila. Yoyam najan elyimnaticsojoc Dios naysicsa apquiltamjaycam quellhip ayinyema melyasquiyam. 12 Colhic sat ayaco apvisay Jesucristo Visqui ingac nipyesicsa quellhip. Colhic sat najan alaco quellhip ayinyema Dios apcamliyam najan ayinyema Jesucristo Visqui ingac.
Ekxeyenma egwáxok
1 Ko'o Pablo, Silvano, tén han Timoteo. Negaphássessek negko'o ekxeyenma egwáxok énxet'ák melya'ásseyam apheykha nak Tesalónica apkelyepetcheykekxa nak Dios Egyáp tén han Wesse' egegkok Jesucristo. 2 Dios sa' epekkenek kélnepyeseksa kéxegke m'a ektémakxa nak segmésso naqsa ektaqmeleykha apwáxok henlano' tén han ma'a meyke ektáhakxa egwáxok apagkok.
Negmésso ekxeyenma egwáxok Dios tén han nélmaxnagko
3 Élyáxeg, kéméxcheyk chá'a negko'o agmések ekxeyenma egwáxok Dios kéxegke éñamakxa, ekpayhawo nak chá'a negko'o antéhek, hakte yáwegkek kélteme megkólya'ásseyam kéxegke, yágwokmók nahan ma'a ektémakxa nak kélásekhamaxkoho kéxegke. 4 Cháxa keñamak ektaqmeleykencha'a chá'a negko'o nenxeyenma kéxegke nepyeseksa Dios énxet'ák apagkok eñama kélwasqápeykekxoho, tén han megkólya'ásseyam kélxekmóssama nak kéxegke neyseksa ekyókxoho ektémakxa nak kélnaqtawáseykegkoho, tén han kéllegeykegkoho. 5 Cháxa senxekmósso negko'o ekteme ekpéwomo agko' ma'a ektémakxa nak segyekpelchémo Dios, yaqwayam sa' kaxének apwáxok ekpayhawo kólántexek kéxegke m'a aptémakxa nak Wesse' apwányam Dios eñama kéllegeykegkoho s'e kaxwo' nak.
6 Hakte payhawók ellegássesagkohok Dios ma'a énxet'ák apkellegassáseykegkoho nak kéxegke, 7 keñe kéxegke, kéllegeykegkoho nak, ellókassesek kélyampe, ekhawo nahan negko'óxa. Sa' eyke katnehek apwa'akto sa' Wesse' egegkok Jesús yetlo apkelásenneykha ekha nak apmopwancha'a xa, apkexyekmo sa' neyseksa táxa eyáléwe apkeñama m'a néten. 8 Ewaták sa' yaqwayam ellegássesagkohok ma'a énxet'ák melma nak takha' m'a Dios, tén han melyaheykekxoho nak ma'a Wesse' egegkok Jesús amya'a ektaqmela apagkok. 9 Kóllegássesagkohok sa' xa énxet'ák nak, yetlo kélmassésseyam meyke néxa, makhawók sa' kólchexakhagwók meykexa nak Wesse' egegkok, tén han apcheymákpoho tén han apmopwána, 10 cham'a apwa'akto sa' Wesse' egegkok xa ekhem nak, yaqwayam sa' kólteméssesek apcheymákpoho nepyeseksa énxet'ák apagkok, tén han etnehek apcháyo m'a apyókxoho énxet apteme nak melya'ásseyam; hakte axta kólya'asseykmok ma'a amya'a nenlegassama axta.
11 Cháxa keñamak nélmaxnéssessama nak chá'a kéxegke xa, nélmaxnéssessama chá'a Dios néltémo etnéssesek ekpayhémo m'a apkelwóneykencha'a axta kéxegke, tén han elának ekyókxoho m'a aqsok kélmámenyého nak kóllának kéxegke, eñama apmopwána tén han ma'a kéltamheykha eñama nak ektekkessesso m'a megkólya'ásseyam nak. 12 Cháxa keñamak peya sa' kólteméssesek eyeymáxkoho apwesey Wesse' egegkok Jesús eñama kéxegke, keñe sa' kéxegke etnéssesek kéleymáxkoho eñama apmésso naqsa ektémakxa ektaqmeleykha apwáxok elanok ma'a Dios egagkok tén han Wesse' egegkok Jesucristo.
