Acpayjayclha ingilvalhoc
1 Innec ayaco Visqui ingac.
Elminaycmas sat ningminaycmascama alhnancoc.
Elminaycmas sat apcaneyquiclhilha apquilpeyvomo (templo).
2 Colpayjiclha apquilvalhoc quellhip apnaycam tingma Sión.
Dios aptomja Visqui ingac.
Aptomja apquilantipquiscama aclhamoclhojo asoc.
3 Eltime apquilayo apvisay apanco naysicsa apquiljalhyincayam.
Elminaycmas sat acyiplomo apquilpayvascama arpa najan panderas.
4 Visqui ingac aptomja apquilasicjayo apnaymacoc.
Aptimec apquilayo melyimtalhnamo.
5 Colpayjiclha apquilvalhoc quellhip apquilpeyvomo, ayinyema malayo quellhip.
Elitsovacsojo sat quellhip apquilminaycmascama alhtaa.
6 Eltime sat apquilayo Dios Visqui ingac.
Elma sat sovo alvinatem apquilmaycam quellhip.
7 Elyanmongsiclha sat apquiltemaclha apancaoc cotnaja ingmoc.
Cotnejic sat acyanmongayclha apquiltemaclha maa.
8 Elmacpoc sat apquilviscaa najan apquilyimtalhnamo.
Elpilhtetacpoc sat cadenas.
9 Comoc sat nelha aclhanmaclha Dios appayvam actalhesamalhca.
Malayo sat eltimjic apyovoclhojo apquilpeyvomo.
Innec ayaco Visqui ingac.
Nélpeykessamo Dios
1 ¡Aleluya!
Kólmeneykmásses
Wesse' egegkok
negmeneykmasso axnagkok;
kólpeykesho chá'a m'a
apchaqneykekxexa nak
énxet'ák apkelpéwomo.
2 Israelitas,
kalpayhekxa kélwáxok,
kélteme nak énxet'ák Sión,
hakte Dios apteme
apkelane kéxegke,
tén han Wesse'
apwányam kélagkok.
3 Kólpeykesho
apwesey yetlo
kélnéweykha,
kólmeneykmásses
negmeneykmasso
yetlo kélpáwasso arpa,
tén han nélaqtáwasso.
4 Hakte leklamók
apwáxok Wesse' egegkok
ma'a énxet'ák apagkok;
egkések chá'a apkelmallane
m'a énxet'ák meleymákpoho,
máxa kélnáxegkáseykha
chá'a etnéssesek.
5 Kalpayhekxa
kélwáxok kélmallane
kéxegke megkólyenyaweykha
nak Wesse' egegkok,
kólmeneykmés sa' yetlo
ekpayheykekxa kélwáxok,
megkeyxek sa' kélhágkaxa
néten kélyetnamakxa'.
6 Nágkólésagkoho
kólmeneykmássesek Dios,
yetlo kélmeykha sókwenaqte
ánet ahamtek,
7 yaqwayam enxoho
kólyaqmagkásekxak
apteméssessamakxa m'a
melya'áseyak nak Dios,
tén han kóllegássesagkohok
ma'a pók énxet'ák nak,
8 yaqwayam enxoho
kólpextétek ma'a
kelwesse'e apkelwányam,
keñe han kólpextétek
cadena élyentaxno
sawo m'a énxet'ák
apkelyennaqte nak,
9 yaqwayam enxoho
kóllegássesagkoho',
ekhawo ektémakxa
nak ektáxésamaxche'.
¡Cháxa yaqwayam sa'
katnehek apkelxawéyak
eyaqheykha agko'
apkelwáxok apyókxoho
m'a melyenyaweykha
nak chá'a!
¡Aleluya!
