Actemaclha ingvalhoc
1 Almalhnaquic alhta Dios Visqui ingac sicyimnatesa sicpayvam.
Ingyeylhojo sat silmalhnancama.
2 Ayitamquic coo Visqui ingac naysicsa acmayovsa evalhoc.
Acmiyaseclhec mataa netin emeoc silmalhnancama alhtaa.
Mepqui mactamilquisquiyam evalhoc coo.
3 Inyitnec ajatic lhip Dios Visqui ajac naysicsa sicvinama.
Inquitamquic mataa evalhoc naysicsa mepqui sicyimnatem.
4 Lhip Visqui ingac, mepqui sictiyanma coo.
Paj cotepac sicpayvam naysicsa actamjaycam evalhoc.
5 Inlhenquic evalhoc actemaclha nanoc anco.
Inlhenquic evalhoc actemaclha años nanoc nat.
6 Inlhenquic evalhoc sicminaycmascama alhtaa.
Intomjac evalhoc acpametamcaa.
7 ¿Naso ya jingiltovacsic sat mataa Visqui ingac?
¿Mepqui ya mocjam singasicjayo Visqui ingac?
8 ¿Invocme ya nelha aptemaclha singasicjayo Visqui ingac?
¿Invocme ya nelha aplhanmaclha mepqui apyeycajascaoc?
9 ¿Inquilvoncacme ya aptemaclha singasicjayo Visqui ingac?
¿Avanje ya aplom mepqui singimlayquiclho mocjam? — intomjac alhta evalhoc.
10 Inlhenquic evalhoc:
—Moc aptemaclha apanco Visqui ingac.
Avanjec aclingaycamco evalhoc.
11 Inyitnam ejatic aptamjaycam simpilapquiscama nanoc nat Visqui ingac.
12 Inyitnam ejatic aptemaclha lhip apyimtalhnamo.
13 Dios Visqui ingac.
Apyimtalhnamo apanco nac lhip.
Paj poc apyimtalhnamo apanco apno lhip.
14 Apvamlha pac lhip ayinyema aptamjaycam simpilapquiscama.
Apvitascasquic alhta lhip apmopvan napatavo enlhitaoc lhalhma anco.
15 Lhip ayinyema apquilvomsomap tap Jacob apquilmolhama najan José apquilmolhama.
16 Dios Visqui ingac.
Apvitacpec nat lhip - incacac nic nat yingmin acvanyam.
Apvitacpec nat lhip - impilhyinimquic nic nat ayaptovnilha yingmin.
17 Inmamecac nic nat ayinyema yipjopay.
Inlingalhquic nic nat ayilhtingyavoyam netin.
Invitalhquic nic nat alyinmayam najan actiyam tacja.
18 Inlingalhquic nic nat ayilhtingyavoyam nipyesicsa piyam.
Invitalhquic nic nat alyinmayam (tacja) najan acyovjeycam nalhpop.
19 Apmilanquic nic nat lhip yingmin acvanyam, malha lhip amay pac.
Am nic nat cotalhcac apminic apquillhingam.
20 Lhip nic nat apnalayclha enlhitaoc malha apnatoscama.
Apquiltamilquiscama nic nat Moisés najan Aarón. ,
Élchetagkáseykha egwáxok aqsok apkelane axta Dios
1 Ekyennaqtésawok
ko'o sekpeywa
sekwóneyncha'a Dios,
yaqwayam enxoho heyeyxho'.
2 Aktamok chá'a
ko'o Wesse' egegkok
élapwokmo enxoho
chá'a ewáxok,
malwátessemek chá'a
sélya'ássesso néten emék,
sélmaxneya enxoho axta'a.
Makke óteyágweykmok
sepeykessáseykekxa ewáxok.
3 Xénchek agkok chá'a
ko'o ewáxok Dios,
awónek chá'a;
kalchetmok chá'a ewáxok,
keñe ayelqaxche' chá'a.
4 Wesse',
megyahayók chá'a
exchep atyenek;
¡may'áseykegkok
ko'o sektémakxa
mowanchek sekmáheyo apaqmétek!
5 Kaxének chá'a
ewáxok ma'a ekhem,
tén han ma'a apyeyam
nentámen axta;
6 kaxének chá'a
ewáxok nélmeneykmassama
axta chá'a axta'a.
Katnehek chá'a
kalchetamha ewáxok se'e,
keñe atnehek chá'a almaxneyha:
7 ¿Megkamassegwomeya
sa' sẽltaqnawéyak negko'o
m'a Wesse' egegkok?
¿Mehẽlásekhóya sa' chá'a?
8 ¿Massegwokmeya sẽlásekhayo?
¿Néxa agkóya temégwokmok ma'a
sẽltennassama axta henlanaksek?
9 ¿Kelwagqakmeya Dios
ma'a ektémakxa nak chá'a
ektaqmeleykha apwáxok henlano'?
¿Aplo enxeykel'a keñamak
ekmassa apmáheyo
kapyóshok henlano'?
10 Wánxa eyke aqsa
ko'o eyaqha ewáxok
ekxéna Dios Meyke nak Ekhémo,
ekmassama senteméssesso
m'a senteméssessamakxa axta.
11 Kaxénwakxohok
sa' ko'o ewáxok
aqsok sempelakkasso
nak agweta' apkelane
axta Wesse' egegkok
ma'a nano' axta;
12 kaxének sa' ewáxok ma'a
ekyókxoho aqsok apkelane axta.
13 Oh Dios,
élpagkanamaxche'
ekyókxoho m'a
aqsok apkelane nak xép;
¿yaqsa aqsok kéláyókxa
ekhawo exchep?
14 ¡Xép apteme Dios
apkelane nak chá'a aqsok
sempelakkasso agweta'!
¡Apxekmóssegkek
apmopwána m'a pók
aptémakxa énxet'ák!
15 Apmopwána axta
keñamak apkelmeykekxo
m'a énxet'ák apagkok,
cham'a Jacob apketchek nak,
tén han ma'a José.
16 Oh Dios,
xama axta exchep ekweteya
wátsam ekwányam,
cháyak axta,
yawheykha axta m'a yegmen
ekmattawóneg agko' nak;
17 máméyak axta,
appáweykha axta han
chá'a takha' m'a néten,
sawheykekxók axta
nahan apkelyenma.
18 Legamaxcheyk axta
éxtegyawà apagkok
neyseksa m'a
éxchahayam ekyennaqte;
keltátchessegkek axta
apkelyenma apagkok
ekyókxoho nélwanmeygkaxa',
yawheykha axta xapop.
19 Apmeykáseykekxeyk
axta neyseksa
wátsam ekwányam
aptámeyeykekxo,
apmallanegkek axta
ekyawakxa yegmen,
méko axta eyke
ekwetassama apmenek.
20 Máxa nepkések
axta apteméssessók
apnaqleykencha'a
énxet'ák apagkok,
apchásenneykekxo
axta m'a Moisés,
tén han Aarón.
