Macmescama Dios actemaclha singasicjayquiclha
1 Incaymalhquic enlhit etingya aptoscama macmescama Dios acyanmongam apsilhnanomap apanco: Ayinyema melhanma siclho napato apyicpilquemo amyaa apvitaycamco, mepqui siclho appeyvescasquiclha.
2 Ayinyema enlhit apmongvoyam asoc ápac, acvisay aptoscama ápac najan asoc navjac ápac, najan asoc alpilhyevaycam nalhpop ápac, aptomja apsilhnanomap apanco napato Dios.
3 Ayinyema enlhit apmongvoyam asoc ayamosilha, ayinyema comasis apyimpejic, aptomja apsilhnanomap apanco napato Dios.
4 Ayinyema enlhit apyeycajascama aplhanma nasoc anco, aptomja apyeycajascama aplhanma actamila, najan aplhanma acmasom amyaa, ayinyema aplhanma nasa, aptomja apsilhnanomap apanco napato Dios.
5 Incaymalhquic enlhit apsilhnanomap apanco elhenic aptomjaclha apanco. 6 Incaymalhquic etingya aptoscama (yataay, tasic najan nipquesic) apquilvana macmescama Dios acyanmongam apsilhnanomap apanco napato Dios. Colhic sat acmascosa apsilhnanomap apanco enlhit.
7 Am sat ancoc coyitnac solyayem enlhit eyanmongsic nipquesic apquitcoc, apvanquic etingya sapop, tasic najan valhaay, etnejic macmescama Dios acyanmongam meyascalhma (apsilhnanomap apanco), poc sat actemaclha holocausto macmescama Dios. 8 Evacjapoc sat sacerdote apyispoc lhama valhaay, mepqui apyaptama apcatic, cotnejic sat macmescama Dios acyanmongam meyascalhma. 9 Ingyilhpajac sat ema pac ayitcoc nicja altar apquilvatnamaclha. Eyajapsacpoc sat valhaay nicja altar, yoyam cotyapoc sat ema pac maa. Acvisay macmescama Dios acyanmongam meyascalhma. 10 Poc valhaay (segundo) etnejic sat macmescama Dios actemaclha holocausto, acno singanamaclha siclho. Colhic sat acmascosa apsilhnanomap apanco enlhit.
11 Am sat ancoc coyitnac solyayem enlhit eyanmongsic sapop najan valhaay, incaymalhquic enlhit etingya dos kilo harina motajap. Apvamlha maa, mepqui aceite najan mepqui asoc acmasis, ayinyema acvisay macmescama Dios acyanmongam apsilhnanomap apanco. 12 Elcoc sat sacerdote lhama apyacvom apmic, epalacsic sat naysicsa talha netin altar, alvatnamó lhama moc macmescama Dios actemaclha apyisponcama. 13 Colhic sat acmascosa apsilhnanomap apanco enlhit. Colhojoc sat actemaclha nintom macmescama Dios, ellhovamcoc sat sacerdotes nintom ayaymomalhca macmescama Dios— nic nat aptomjac Moisés.
Macmescama Dios actemaclha ayimjayquinta
14 Aptomjac nic nat Dios apcanya Moisés:
15 Apvitacpec sat ancoc enlhit apsilhnanomap mepqui apyascamco aptovascama singanamaclha Dios. Incaymalhquic etingya aptoscama nipquesic apquitcoc mepqui acmasom apyimpejic, cotnejic sat macmescama Dios acyanmongam apsilhnanomap apanco. Colhic sat acyitquisa acvamlha acyanmongam plata as nipquesic apquitcoc. Coyitsalhcac sat acyanmongam ayinyema carpa apponquinomap, apquilmam tacja acyanmongam ningilsilhnanomalhca inganco. 16 Incaymalhquic eyinyoc enlhit acyanmongam apcanyomap eyinyoc, más una quinta parte, actemaclha acyanmongam acvoncapaycaoc, colhic sat acmesa sacerdote. Colhic sat acmascosa apsilhnanomap apanco enlhit acyanmongam nipquesic apquitcoc, ingyasicjacpoc sat mocjam enlhit napato Dios.
17 Aptovasquic sat ancoc enlhit singanamaclha Dios mepqui apyascamco aptovascama. Esilhnanacpoc sat apanco, apcanyomap eyinyoc acyanmongam. 18 Incaymalhquic etingya aptoscama nipquesic apquitcoc mepqui acmasom apyimpejic, cotnejic sat macmescama Dios acyanmongam apsilhnanomap apanco. Colhic sat acmascosa apsilhnanomap apanco, mepqui apyascamco aptovascama. 19 Acvisay macmescama Dios acyanmongam apsilhnanomap apanco, ingyasicjacpoc sat mocjam — nic nat aptomjac Moisés.
Aqsok ektekyawa ekyaqmageykekxa magya'assáxma
1 “Yetneyk sa' agkok énxet kéláneyeykha yaqwayam exének ma'a aqsok apweteykegkoho nak, essenhan ma'a aplege nak, sa' agkok exénak, apkelanak mey'assáxma, kaphewakxak sa' apsexnánémap.
2 “Appaknegwokmók sa' agkok xama aqsok ekmanyása kélxama, cham'a xama aqsok kéltósso ekmanyása nak, élmeymentakcha'a nak, essenhan ma'a megkalmeymentakcha'a nak, essenhan xama ekpexyaweykegkoho nak xapop kaxog ekmanyása nak, ekmanyása apyempehek sa' han etnehek, esexnánékpok sa' nahan, megkeyxek sa' mey'áseyak.
3 “Appaknegwokmók sa' agkok kélxama aqsok ekmanyása, eñama nak xama énxet, cham'a ekyókxoho aqsok senteméssessamo nak ekmanyása egyempehek, sa' agkok ey'ásegkok sekxo', keñe sa' natámen apya'ásegwokmo enxoho, esexnánékpok sa'.
4 “Yetneyk sa' agkok kélxama apxeyenma nak aqsa chá'a elának aqsok ektaqmela essenhan aqsok ekmaso nápaqto' Dios meyke élchetámeykha apwáxok —ektémól'a elpaqmétek énxet elxének elanagkok aqsok meyke élchetámeykha apkelwáxok— sa' agkok ey'ásegkok sekxók, keñe sa' natámen apya'ásegwokmo enxoho aptáhakxa, esexnánékpok sa', eñama apteme xa ekyókxoho nak.
5 “Énxet eksexnenagko enxoho apteme xa ekyókxoho aqsok nak, kéméxcheyk exénekxohok ma'a mey'assáxma apkelane nak, 6 keñe sa' éntemekxések Wesse' egegkok xama aptósso apkelwána, yaqwayam etnehek apchaqhe ekyánmaga m'a mey'assáxma apkelane nak, xama nepkések, essenhan xama yát'ay; keñe sa' xa aptósso apchaqhe nak, apkelmaxnéssesso Dios énxet'ák apagkok sa' etaksek megkólyaqmagkáseykekxa mey'assáxma xa énxet nak.
7 “Sa' agkok ethanyékxak yaqwayam emok xama nepkések apketkok, elsakxések sa' Wesse' egegkok apqánet sapop, essenhan apqánet wáx'ay apketkók, eñama m'a mey'assáxma apkelane nak, xama sa' etnéssesek apchaqhe ekyánmaga mey'assáxma, tén sa' ma'a pók nak etnéssesek apwatnamap. 8 Elsakxések sa' apkelmaxnéssesso Dios énxet'ák apagkok, cham'a peya sa' egkések sekxók apmonye' ekyánmaga nak mey'assáxma, ewápakhássesek sa' apyespok meyke apyétekkessesso, 9 keñe sa' yexpaqheykha ketsék éma m'a xama nekha nak aqsok ekwatnamáxchexa ekmatñá nak, ekyánmaga mey'assáxma, keñe sa' ma'a éma eyeymomáxche nak, esekkenchesek ma'a kóneg ekwatnamáxchexa nak aqsok, hakte cháxa ektáha ekmatñá ekyánmaga magya'assáxma xa. 10 Keñe sa' ma'a pók nak, ewatnek sa', ekhawo m'a kéltémókxal'a chá'a katnehek élánamáxche', cháxa peya sa' etaksek apkelmaxnéssesso Dios énxet'ák apagkok megkólyaqmagkáseykekxa mey'assáxma apkelane xa énxet nak, keñe sa' megkólyaqmagkásekxeyk aptémakxa mey'assáxma.
11 “Méko agko' sa' agkok apyánmagkasso yaqwayam elmok apqánet sapop, essenhan apqánet wáx'ay apketkók, elsók sa' aqsok apkelmésso naqsa ekyánmaga mey'assáxma dos kilos hótáhap aptaqmalma apagko' nak. Megyenchehék sa' eyke pexmok égmenek, megyexpaqhék sa' aqsok ánek ekmátsa nak ekpaqneyam éten agkok ma'a néten nak, hakte cháxa ekteme xama aqsok kélmésso naqsa ekyánmaga megkólya'assáxma xa. 12 Elsakxések sa' ma'a apkelmaxnéssesso Dios énxet'ák apagkok, keñe sa' elmok xama apmek ma'a, yaqwayam katnehek ekxénweykekxoho egwáxok, tén sa' elwatnek ma'a ekwatnamáxchexa nak aqsok, yetlo m'a aqsok kélmésso naqsa nak kélwatno kélmésso m'a Wesse' egegkok. Cháxa ekteme kélmésso naqsa ekyánmaga megkólya'assáxma xa, 13 yaqwayam enxoho etaksek apkelmaxnéssesso Dios énxet'ák apagkok megkólyaqmagkáseykekxa ekyókxoho apkelane mey'assáxma xa énxet nak, megkólyaqmagkásekxeyk sa' aptémakxa mey'assáxma. Keñe sa' ma'a éleymomáxche nak, elmekxak ma'a apkelmaxnéssesso Dios énxet'ák apagkok, kélteméssessamól'a m'a aqsok aktek kélcheneykekxa'.”
Kélnaqtósso ektekyawa ekyaqmageykekxa nensexnánémaxche
14 Aptáhak axta Wesse' egegkok apcháneya Moisés se'e:
15 “Apkelanak sa' agkok mey'assáxma énxet neyseksa mey'áseyak, apsexnánéyakpo enxoho eñama megkésso Wesse' egegkok ma'a aqsok kélpagkanchesso nak, éntemekxak sa' xama nepkések apkennawo' meyke nak ektemegweykmohóxma apyókxa', yaqwayam etnehek apmatñà ekyánmaga apsexnánémap, éntemekxések sa' Wesse' egegkok. Kólhéshok sa' ekwánxa apyánmaga m'a selyaqye aktek ekmope ekmomnáwa, kélmeykegkól'a m'a tegma appagkanamap nak, kélmésso naqsal'a ekyánmaga nensexnánémaxche'. 16 Cháxa énxet nak, eyánmagkasek sa' ekwánxa aqsok megkésso élpagkanamaxche, eyánmagkásekxohok sa' nahan ketsék néten un quinto, egkések sa' apkelmaxnéssesso Dios énxet'ák apagkok xa ekwánxa nak. Keñe sa' nepkések apkennawo' apchaqhe nak ekyánmaga apsexnánémap, apkelmaxnéssesso Dios énxet'ák apagkok sa' etaksek megkólyaqmagkáseykekxa mey'assáxma xa énxet nak, megkólyaqmagkásekxeyk sa' mey'assáxma.
17 “Apkelanak sa' agkok mey'assáxma énxet, apkelana enxoho m'a aqsok énmexma nak Wesse' egegkok segánamakxa apagkok, mey'asagkehek sa' eykhe, esexnánékpok sa' eyke, kaphewakxak sa' apsexnánémap. 18 Éntemekxak sa' xama nepkések apkennawo' aptósso meyke nak ektemegweykmohóxma apyókxa', xép sa' eyke ey'asagkohok ekwánxa ekyánmaga, kólyentemekxések sa' apkelmaxnéssesso Dios énxet'ák apagkok, yaqwayam etnehek apmatñà ekyaqmageykekxa nensexnánémaxche', yaqwayam sa' etaksek megkólyaqmagkáseykekxa mey'assáxma apkelane, neyseksa mey'áseyak xa énxet nak. Megkólyaqmagkásekxeyk sa' mey'assáxma. 19 Cháxa ektáha kéltósso ekmatñá ekyaqmageykekxa nensexnánémaxche xa, hakte cháxa énxet nak, apsexnánémap nápaqto' Wesse' egegkok.”
