Amyaa singillhicmoscama acyimnatem ingnenyic
1 Ningiltalhescasquic quellhip actemaclha aplhenamap siclhoc ayenmoclha nic nat, apvisay Apyimnatescama ingnenyic. Ninlingac nat nincoo appayvam. Ningvitac nat nincoo apyovoclhojo. Ningilanoc nat nincoo. Ningilpatningvocmoc nat nincoo. 2 Apvitacpec nat apvaa. Ningvitac nat nincoo. Ninlingasquic nincoo nipyesicsa quellhip apvisay Apyimnatescama ingnenyic. Apnec nic nat apnaclha Ingyapam netin. Apvitacpec nat apvaa. 3 Ninlingasquic nincoo nipyesicsa quellhip actemaclha ningvitay najan ninlingay nat nincoo. Ningiltamjoc eltimjic quellhip lhama ningilpasmeyquiclha nincoo. Acno nincoo ningiltomja ningilpasmeyquiclha Dios Ingyapam najan Apquitca Jesucristo. 4 Ningiltalhescasquic quellhip as amyaa yoyam coyangvomoc acpayjayclha apquilvalhoc.
Dios aptomja ayitsayolhma
5 Ninlingasquic nincoo nipyesicsa quellhip actemaclha singillhicmoscama Jesucristo ninlingay nat nincoo. Eycaso amyaa nac jay: Dios aptomja ayitsayolhma. Am coyitnac apvalhoc yatescamalhma. 6 Ninlhenam sat ancoc nintomja ninpasmeyquiclha Dios naysicsa ningileyvam mocjam yatescamalhma. Ongiltimjic sat ningmovan amyaa mepqui ningyiplovquiscama actomja nasoc anco. 7 Apnec mataa Dios naysicsa ayitsayolhma, ongiltimjic sat ningilpasmeyquiclha nincoo. Dios Apquitca Jesucristo em pac actomja acmascoscama mongilyascalhma.
8 Ninlhenam sat ancoc mepqui mongilyascalhma nincoo, ongilsilhnanalhcac sat nincoo. Am coyitnac actomja nasoc anco ingilvalhoc. 9 Dios aptomja appeyvomo najan mepqui apyeycajascaoc actemaclha aplhanma. Ninlhenquic sat ancoc mongilyascalhma, yejemoc sat emascocsic mongilyascalhma. Jingyinyovsic sat nintemaclha acmasom. 10 Ninlhenam sat ancoc mepqui mongilyascalhma nincoo, ontimesquisic sat apmopvan amyaa Dios. Am comac mocjam ingvalhoc appayvam.
Amya'a ekyennaqtéssamo nak egnények
1 Nentáxéssásak negko'o kéxegke néltennasa m'a aqsok élánteyapma axta m'a sekxók eyeynamókxa axta, cham'a nenlegaya axta tén han ma'a negwetaya axta. Hakte negweteyak axta negko'o egaqta'ák egagko' ma'a, nempaknegweykmók axta anhan. Amya'a ekyennaqtéssamo egnények ma'a. 2 Enxekmowásamáxkók axta negko'o xa amya'a ekyennaqtéssamo nak egnények, negweteyak axta nahan negko'o, néltenneykha axta anhan chá'a negko'o nenxeyenma xa; néltennassegkek nahan kéxegke xa ekyennaqte egnények megkatnégwayam néxa nak, axta yetnók ma'a aphamakxa nak Dios Egyáp, keñe senxekmowásamáxkoho negko'o xa. 3 Néltennáseyha negko'o kéxegke m'a aqsok negwetaya axta, tén han nenlegaya axta, yaqwayam enxoho hegyepetchekxak negko'o kéxegke, ekhawo ektémakxa nak negko'o negyepetcheykekxo m'a Dios Egyáp tén han ma'a Apketche Jesucristo. 4 Nentáxéssessek negko'o kéxegke xa aqsok nak, yaqwayam enxoho kayágwomhok agko' élpayheykekxa egwáxok negko'o.
Dios apteme élseyéxma
5 Cháxa amya'a sẽlxekmóssama axta negko'o Jesucristo xa tén han néltennáseyncha'a nak han kéxegkáxa: Dios apteme élseyéxma, méko nahan ekyaqtéssóxma xama enxoho m'a. 6 Nenxénchek agkok negko'o nentáha negyepetcheykekxa m'a Dios, keñe agweynchamha nahan ekyáqtésakxaxma, negmowána amya'a antéhek, manlanak nahan ma'a aqsok ekmámnaqsoho nak. 7 Negheyk agkok negko'o neyseksa élseyéxma, ekhawo ektémakxa nak Dios apha neyseksa élseyéxma, antéhek negko'óxa negyepetcheykekxa egmók, hegáxñassásekxak nahan ekyókxoho nentémakxa mólya'assáxma éma apagkok ma'a Apketche Jesús.
8 Nenxénchek agkok negko'o méko magya'assáxma, nélyexanchesamaxkoho egagko' antéhek, megkeytek nahan egwáxok negko'o m'a amya'a ekmámnaqsoho nak; 9 néltennássek agkok negko'o Dios ektémakxa nenlane mólya'assáxma, egwanchek magya'ássók Dios apteme nak appéwomo meyaqmagkásekxeyk ma'a nentémakxa nak mólya'assáxma, tén han hegáxñassásekxak ma'a ekyókxoho nentémakxa ekmaso nak. 10 Nenxénchek agkok negko'o manláneya mólya'assáxma, máxa apmopwána amya'a anteméssesek ma'a Dios, megkatnehek nahan naqsók negma m'a ektémakxa nak appeywa.
