Carpa apponquinomap najan macmescama Dios
1 Appenasquic nic nat Moisés apquillanay carpa apponquinomap. Apquilmalhnescasquic nic nat, apcatsiscasquic nic nat aceite apyovoclhojo carpa, najan apquilmaycam, najan altar apquilvatnamaclha. 2 Apquilvoctac nic nat apyovoclhojo apquilviscaa, apquiltomja siclhoc nic nat aptalhesaycaoc apquilvisay enlhitaoc. 3 Apquilpatmentac nic nat macmescama Dios seis carretas aclaneyo najan doce vayqui, apninquina carpa apponquinomap. Lhama mataa carreta appasmeyquiclha apcanit apquilviscaa, lhama mataa vayqui moclhama apvisqui.
4 Aptomjac nic nat Dios apcanya Moisés: 5 Ima sat tacja carretas najan vayqui. Ellhingsic sat mataa levitas naysicsa apquilpatmeycam asoc carpa apponquinomap, moclhama apcanyomap yavamlha etnejic — nic nat aptomjac.
6 Apmec nic nat tacja Moisés carretas najan vayqui alyinyovascama, apcapajasa nipyesicsa levitas. 7 Apquillhocac nic nat Gersón aptovana anit carretas najan cuatro vayqui alyinyovascama, ellhingsic sat naysicsa apquiltamjaycam. 8 Apquillhocac nic nat Merari aptovana cuatro carretas najan ocho vayqui, yoyam eltamjam mataa acno apcanama sacerdote Itamar, Aarón apquitca. 9 Am nic nat ellhocac carretas najan vayqui Coat aptovana. Apquilanyacpec nic nat mataa elpatmaoclhac apanco asoc alponquinomalhca.
10 Apquilmalhnescasquic nic nat altar apquilvatnamaclha. Apninquinquic nic nat apquilviscaa nicja altar ofrendas macmescama Dios. 11 Aptomjac nic nat Dios apcanya Moisés: Moc acnim mataa ingyanyacpoc apvisqui apquilmolhama tribu epquinic nicja altar ofrenda macmescama Dios, actemaclha ningilmalhnesquiscama altar apquilvatnamaclha — nic nat aptomjac.
12 Primer día appatmentac ofrenda Naasón, Aminadab apquitca, tribu de Judá. 13 Ofrenda acvisay bandeja de plata acvamlha mil cuatrocientos treinta gramos, najan tazón de plata setecientos setenta gramos (acno balanza del santuario). Aclaneyo ilhnic nat harina, apyelaquiscama aceite, cotnejic ofrenda macmescama Dios. 14 Mocjam lhama yacvom nintom de oro ciento diez gramos, aclaneyo asoc acmasis. 15 Lhama vayqui, lhama nipquesic, lhama nipquesic apquitcoc, aptiyascam lhama año, ematong sat macmescama Dios malvatnama talha acyanmongam mongilyascalhma. 16 Mocjam lhama yataay apquitcoc macmescama Dios acyanmongam mongilyascalhma. 17 Moclhama macmescama Dios actemaclha singasicjayquiclha anit vayqui inquilinava, najan cinco nipquesic apquilinava, najan cinco yataay apquitcoc, najan cinco nipquesic apquitcoc aptiyascam mataa un año. Eycaso ilhnic nat ofrenda macmescama ayinyema Naasón, Aminadab apquitca.
18 Segundo día appatmentac ofrenda Natanael, Zuar apquitca, tribu Isacar. 19-23 Apnasoc ofrenda appatmeyquinta Naasón.
24 Tercer día appatmentac ofrenda Eliab, Helón apquitca, tribu Zabulón. 25-29 Apnasoc ofrenda apquilpatmeyquinta apmamyi.
30 Cuarto día appatmentac ofrenda Eliasur, Sedeur apquitca, tribu Rubén. 31-35 Apnasoc ofrenda apquilpatmeyquinta apquilmamyi.
36 Quinto día appatmentac ofrenda Selumiel, Zurisadai apquitca, tribu Simeón. 37-41 Apnasoc ofrenda apquilpatmeyquinta apquilmamyi.
42 Sexto día appatmentac ofrenda Eliasaf, Reuel apquitca, tribu Gad. 43-47 Apnasoc ofrenda apquilpatmeyquinta apquilmamyi.
48 Septimo día appatmentac ofrenda Elisama, Amiud apquitca, tribu Efraín. 49-53 Apnasoc ofrenda apquilpatmeyquinta apquilmamyi.
54 Octavo día appatmentac ofrenda Gamaliel, Pedasur apquitca, tribu Manasés. 55-59 Apnasoc ofrenda apquilpatmeyquinta apquilmamyi.
60 Noveno día appatmentac ofrenda Abidán, Gedeoni apquitca, tribu Benjamín. 61-65 Apnasoc ofrenda apquilpatmeyquinta apquilmamyi.
66 Décimo día appatmentac ofrenda Ahiezer, Amisadai apquitca, tribu Dan. 67-71 Apnasoc ofrenda apquilpatmeyquinta apquilmamyi.
72 Undécimo día appatmentac ofrenda Pagiel, Ocrán apquitca, tribu Aser. 73-77 Apnasoc ofrenda apquilpatmeyquinta apquilmamyi.
78 Duodécimo día appatmentac ofrenda Ahira, Enán apquitca, tribu Neftalí. 79-83 Apnasoc ofrenda apquilpatmeyquinta apquilmamyi.
84 Naysicsa apquilmalhnesquiscama altar, apquilpatmentac apquilviscaa moclhama tribu ofrendas: doce bandejas de plata, doce tazones de plata, doce yacvom nintom de oro. 85 Acvamlha ilhnic nat bandeja de plata acvaycmo mil cuatrocientos treinta gramos. Moclhama tazón de plata acvaycmo setecientos setenta gramos. Acyovoclhojo ilhnic nat acvaycmo veinteseís mil cuatrocientos gramos, acno balanza del santuario. 86 Mocjam doce cucharones de oro aclaneyo asoc acmasis, acvaycmo ciento diez gramos moclhama, acno balanza del santuario. Acvamlha ilhnic nat oro cucharones acvaycmo mil trescientos veinte gramos.
87 Apnatoscama yoyam eticyoc actemaclha holocausto: doce vayqui inquilinava, doce nipquesic apquilinava, doce nipquesic apquitcoc aptiyascam un año, acyiplomo ofrendas trigo apactic, mocjam doce yataay apquitcoc, eticyoc colhic alvatna talha acyanmongam melyascalhma. 88 Mocjam apnatoscama macmescama Dios actemaclha singasicjayquiclha, acvaycmo veinticuatro vayqui inquilinava, sesenta nipquesic apquilinava, sesenta yataay apquitcoc najan sesenta nipquesic apquitcoc. Eycaso ilhnic nat ofrenda naysicsa apquilponquinquiscama altar.
89 Aptalhnec nic nat Moisés congne carpa tingma, yoyam epamejitsic Dios, ayinyema appayvam netin yamit aysicsic acyitnamaclha Dios appayvam, payjoc quilaycmasquiscama acma alhimpancoc.
Aqsok kélmésso naqsa yaqwayam kólpagkanchesek tegma appagkanamap
1 Apteméssessek axta appagkanamap apkexpaqha'a pexmok égmenek Moisés tegma appagkanamap, cham'a appenchesa axta apkelane, yetlo m'a ekyókxoho aqsok kélmeykegkaxa nak chá'a tegma appagkanamap, tén han kélmeykegkaxa nak chá'a m'a ekwatnamáxchexa nak aqsok. 2 Tén axta m'a apkelámha apmonye'e nak chá'a nepyeseksa énxet'ák apagkok, appasmo axta apkelane weykcha'áhak apnaqtáxéseyak apkelwesey énxet, apkelmeyákxo m'a, 3 apkelsákxéssek axta nahan Wesse' egegkok apkelmésso naqsa aqsok seis weyke taqaxchók yetlo élpakxanma, tén han doce wey, xama weyke taqaxchók axta chá'a apqánet apkelámha apmonye'e, tén han xama wey chá'a xama. Apnegkenwokmek axta apmonye' tegma appagkanamap xa ekyókxoho nak.
4 Tén axta Wesse' egegkok aptáha apcháneya Moisés se'e: 5 “Elma takha' xa weyke taqaxchók nak, tén han xa wey nak, elmésák sa' ma'a levitas, yaqwayam sa' elmaha chá'a apkeltamheyncha'a enxoho, élánamáxche nak chá'a aqsok ma'a kélpakxanma apchaqneykekxexa nak chá'a énxet'ák, cham'a ektémakxa nak chá'a apkeltamheykha apkelánéyak chá'a xama.”
6 Apkelmeyk axta takha' Moisés ma'a weyke taqaxchók nak, tén han ma'a wey nak, apkelmeyásegkek axta m'a levitas. 7 Ánet weyke taqaxchók axta apkelmeyásak ma'a Guersón aptawán'ák neptámen nak, tén han cuatro wey, hakte apmenyeyk axta xa yaqwayam elanagkok chá'a apkeltamheykha. 8 Keñe axta m'a Merarí aptawán'ák neptámen nak apkelmésa cuatro weyke taqaxchók, tén han ocho wey, hakte apmenyeyk axta xa yaqwayam elanagkok chá'a apkeltamheykha, Itamar axta eyke apkeltennasso chá'a aqsok yaqwánxa elanagkok, cham'a Aarón apketche apteme nak apkelmaxnéssesso Dios énxet'ák apagkok. 9 Keñe axta m'a Quehat aptawán'ák neptámen, melméságko m'a weyke taqaxchók, tén han wey, hakte elpatmekxohok axta chá'a elsók ma'a aqsok élpagkanamaxche apkelseykegko axta chá'a.
10 Xama axta kélteméssesa ekpagkanamaxche m'a ekwatnamáxchexa nak aqsok, apkelsókek axta apkelmésso naqsa aqsok apagkok ma'a apkelámha apmonye'e nak chá'a nepyeseksa énxet'ák apagkok, apnegkenchek axta m'a amonye' nak ekwatnamáxchexa aqsok. 11 Tén axta Wesse' egegkok aptáha apcháneya Moisés se'e: “Yókxoho élseye sa' chá'a pók apkemha apmonye' nak nepyeseksa énxet'ák apagkok, esanták apmésso naqsa aqsok apagkok, yaqwayam kólteméssesek ekpagkanamaxche m'a ekwatnamáxchexa nak aqsok.”
12 Nahasón axta nahan apkelsákxak aqsok apkelmésso naqsa apagkok ma'a émha amonye' ekhem, Aminadab apketche nak, apkeñama axta nepyeseksa m'a Judá énxet'ák apagkok. 13 Sokpayhe ekwányam sawo ekmope ekmomnáwa axta nahan ma'a aqsok apmésso naqsa apagkok, mil cuatrocientos treinta gramos axta nahan ekyentaxno, tén han xama egheykok ekyawe sawo ekmope ekmomnáwa, setecientos setenta gramos axta nahan ekyentaxno (ekweykenxa nak chá'a ekmomaxche m'a tegma appagkanamap), kellánegkók axta nahan hótáhap aptaqmalma apagko' xa aqsok nak, kélyélaqtésso nak kélenchehe pexmok égmenek, yaqwayam kólteméssesek aqsok kélmésso naqsa aqsok aktek ekyexna kélcheneykekxa; 14 tén axta han xama yekweykto ekwányam sawo ekyátekto ekmomnáwa, ciento diez gramos axta nahan ekyentaxno, ekláneyo m'a aqsok ekmátsa nak ekpaqneyam, 15 tén axta han xama weyke kennawo' étkok, tén han nepkések apkennawo', tén han xama nepkések apketkok xama apyeyam apagkok, yaqwayam ewatnakpok, 16 tén axta han xama yát'ay apketkok apkennawo' yaqwayam emátog ekyaqmageykekxa magya'assáxma, 17 tén axta nahan ánet weyke kelennay'a, yaqwayam katekyók kólteméssesek ekyaqmageykekxa sẽlásekheykekxoho, tén han cinco nepkések apkelennay'a, cinco yát'ay apketkók apkelennay'a, tén han cinco nepkések apketkok ekwayam nak chá'a xama apyeyam apagkok. Cháxa Nahasón axta aqsok apkelmésso naqsa apagkok xa, Aminadab axta apketche.
18 Tén axta ektáhakxa ánet ekhem apkelsákxo aqsok apkelmésso naqsa apagkok ma'a Natanael, Suar apketche nak, apkemha apmonye' apagkok nak ma'a Isacar énxet'ák apagkok, 19-23 hawók axta nahan apkelmésso naqsa aqsok apagkok ma'a ekwánxa axta apkelmésso aqsok ma'a Nahasón.
24 Tén axta m'a ektáhakxa nak ántánxo ekhem apkelsákxo apkelmésso naqsa aqsok apagkok ma'a Eliab, Helón apketche nak, apkemha apmonye' apagkok nak ma'a Zabulón énxet'ák apagkok, 25-29 hawók axta nahan apkelmésso naqsa aqsok apagkok ma'a ekwánxa axta apkelmésso m'a apmonye'e nak apkelmésso.
30 Tén axta m'a ektáhakxa nak cuatro ekhem, apkelsákxo apkelmésso naqsa aqsok apagkok ma'a Elisur, Sedeúr apketche nak, apkemha apmonye' apagkok nak ma'a Rubén énxet'ák apagkok, 31-35 hawók axta nahan apkelmésso naqsa aqsok apagkok ma'a ekwánxa axta apkelmésso m'a apmonye'e nak apkelmésso.
36 Tén axta m'a ektáhakxa nak cinco ekhem, apkelsákxo apkelmésso naqsa aqsok apagkok ma'a Selumiel, Surisadai apketche nak, apkemha apmonye' apagkok nak ma'a Simeón énxet'ák apagkok, 37-41 hawók axta nahan apkelmésso naqsa aqsok apagkok ma'a ekwánxa axta apkelmésso m'a apmonye'e nak apkelmésso.
42 Tén axta m'a ektáhakxa nak seis ekhem, apkelsákxo apkelmésso naqsa aqsok apagkok ma'a Eliasaf, Reuel apketche nak, apkemha apmonye' apagkok nak ma'a Gad énxet'ák apagkok, 43-47 hawók axta nahan apkelmésso naqsa aqsok apagkok ma'a ekwánxa axta apkelmésso m'a apmonye'e nak apkelmésso.
48 Tén axta m'a ektáhakxa nak siete ekhem, apkelsákxo apkelmésso naqsa aqsok apagkok ma'a Elisamá, Amihud apketche nak, apkemha apmonye' apagkok nak ma'a Efraín énxet'ák apagkok, 49-53 hawók axta nahan apkelmésso naqsa aqsok apagkok ma'a ekwánxa axta apkelmésso m'a apmonye'e nak apkelmésso.
54 Tén axta m'a ektáhakxa nak ocho ekhem, apkelsákxo apkelmésso naqsa aqsok apagkok ma'a Gamaliel, Pedasur apketche nak, apkemha apmonye' apagkok nak ma'a Manasés énxet'ák apagkok, 55-59 hawók axta nahan apkelmésso naqsa aqsok apagkok ma'a ekwánxa axta apkelmésso m'a apmonye'e nak apkelmésso.
60 Tén axta m'a ektáhakxa nak nueve ekhem, apkelsákxo apkelmésso naqsa aqsok apagkok ma'a Abidán, Guidoní apketche nak, apkemha apmonye' apagkok nak ma'a Benjamín énxet'ák apagkok, 61-65 hawók axta nahan apkelmésso naqsa aqsok apagkok ma'a ekwánxa axta apkelmésso m'a apmonye'e nak apkelmésso.
66 Tén axta m'a ektáhakxa nak diez ekhem, apkelsákxo apkelmésso naqsa aqsok apagkok ma'a Ahiézer, Amisadai apketche nak, apkemha apmonye' apagkok nak ma'a Dan énxet'ák apagkok, 67-71 hawók axta nahan apkelmésso naqsa aqsok apagkok ma'a ekwánxa axta apkelmésso m'a apmonye'e nak apkelmésso.
72 Tén axta m'a ekhem once, apkelsákxo apkelmésso naqsa aqsok apagkok ma'a Paguiel, Ocrán apketche nak, apkemha apmonye' apagkok nak ma'a Aser énxet'ák apagkok, 73-77 hawók axta nahan apkelmésso naqsa aqsok apagkok ma'a ekwánxa axta apkelmésso m'a apmonye'e nak apkelmésso.
78 Tén axta m'a ektáhakxa nak doce ekhem, apkelsákxo apkelmésso naqsa aqsok apagkok ma'a Ahirá, Enán apketche nak, apkemha apmonye' apagkok nak ma'a Neftalí énxet'ák apagkok, 79-83 hawók axta nahan apkelmésso naqsa aqsok apagkok ma'a ekwánxa axta apkelmésso m'a apmonye'e nak apkelmésso.
84 Cháxa ektáhakxa axta sekxók kélteméssesa axta ekpagkanamaxche m'a ekwatnamáxchexa nak aqsok, doce sokpayhe élyawe sawo élmope élmomnáwa axta apkelmeyásak ma'a apkelámha apmonye'e nak énxet'ák Israel, tén han doce egheykok élyawe sawo élmope élmomnáwa, tén han doce yekwekto élyawe sawo élyátekto élmomnáwa. 85 Mil cuatrocientos treinta gramos axta nahan chá'a xama ekyentaxno m'a sokpayhe élyawe sawo élmope élmomnáwa nak, keñe axta setecientos setenta gramos chá'a xama ekyentaxno m'a egheykok élyawe nak. Veintiséis mil cuatrocientos gramos axta nahan wokmok ekyókxoho ekyentaxno ekyepetcheykekxa mók sawo ekmope ekmomnáwa m'a sokpayhe élyawe nak, tén han ma'a egheykok élyawe nak, ekweykenxa nak chá'a ekmomaxche m'a tegma appagkanamap. 86 Yetneyk axta nahan doce yekwekto élyawe sawo ekyátekto ekmomnáwa élláneykegkoho aqsok ánek ekmátsa nak ekpaqneyam, ciento diez gramos axta eyke chá'a ekyentaxno xama m'a, ekweykenxa nak chá'a ekmomaxche m'a tegma appagkanamap. Mil trescientos veinte gramos sawo ekyátekto ekmomnáwa axta nahan wokmok ekyentaxno ekyókxoho m'a yekwekto élyawe nak.
87 Keñe axta m'a aqsok kélnaqtósso yaqwayam nak kalwatnaxche', doce weyke étkók kelennay'a axta ekyókxoho, tén han doce nepkések apkelennay'a, tén han doce nepkések apketkók ekwayam nak chá'a xama apyeyam apagkok, yetlo m'a aqsok aktek ekyexna kélmésso naqsa nak chá'a, tén han doce yát'ay apketkók apkelennay'a yaqwayam etekyók ekyaqmageykekxa magya'assáxma. 88 Keso ekwánxa axta ekyókxoho kélnaqtósso yaqwayam nak katekyók ekyaqmageykekxa sẽlásekheykekxoho s'e: veinticuatro weyke étkok kelennay'a, sesenta nepkések apkelennay'a, tén han sesenta yát'ay apketkók apkelennay'a, tén han sesenta nepkések apketkók, ekwayam nak chá'a xama apyeyam apagkok. Cháxa aqsok kélmésso naqsa yaqwayam nak kólmések ma'a ekwatnamáxchexa nak aqsok, natámen kélteméssesso ekpagkanamaxche'.
89 Xama axta aptaxna Moisés ma'a kañe' kélpakxanma apchaqneykekxexa nak chá'a énxet'ák, yaqwayam epaqhetchesek Wesse' egegkok, apleg'ak axta appaqhetchesa Wesse' egegkok ma'a néten átog nak yántéseksek ekhémo mók nélpaqhetchásamáxkoho, cham'a nepyeseksa nak apqánet apho énxet ekha apxempenák.
