1 Aptomjac alhta mocjam Jesús:
—Altimnasquic lha inyicje as asoc. Altamjoc yoyam elinlhanmojoc quellhip actemaclha melyasquiyam (yoyam metlhinganingvomeje). 2 Elantipsacpoc sat quellhip apcaneyquiclhilha. Covac sat acnim, yoyam eticyo quellhip. Apquilanayquic mataa ticyovam inyapmayc acvisay ningayo Dios actemaclha apquilajem quellhip. 3 Elvajanamcoc sat apquiltemaclha apancaoc. Ayinyemaclha am elyicpilcangvocmoc Dios Ingyapam. Am najan jelyicpilcangvocmoc coo lha. 4 Altimnasquic lha inyicje as asoc, yoyam colvac sat. Altamjoc coo, yoyam elyasingvoclhojoc quellhip siclhanma amamyi alhta —alhta aptomjac.
Actemaclha aptamjaycam Espíritu Santo
‘Aptomjac alhta mocjam Jesús:
—Am oltimnasac siclho quellhip as asoc, ayinyemaclha sicnaycamo lhama quellhip. 5 Quilhvo eyca pac omyaclhac apnaclha coo Tata aptomja seyapajascama. Am eltamjoc quellhip jelanic: ¿Jalhco apyasa? 6 Nasoc anco alyitnocjavo apquilvalhoc quellhip, ayinyemaclha siltimnasa lhac as asoc. 7 Nasoc anco sicpayvam silanya quellhip. Tasic anco yoyam omyaclhac maa. Am sat ancoc omyaclhac maa, mevjejec sat apvisay Singilmalhnesquiscama yoyam epasmoc quellhip. Acmiyaclhec sat ancoc quilhvo, ongvapajacsic sat apvisay Singilmalhnesquiscama yoyam epasmoc quellhip. 8 Apvaac sat ancoc apvisay Singilmalhnesquiscama, elyascasingvomoc sat enlhitaoc lhalhma anco. Ellhicmocsic sat actemaclha mongilyascalhma najan actemaclha acpeyvomo najan actemaclha yoyam elyicpilcojo Dios Ingyapam apquiltemaclha apancaoc. 9 Actemaclha selyasquiyam enlhitaoc —acvisay apquilsilhnanomap apancaoc. 10 Siclhanma alhta, yoyam omyaclhac apnaclha coo Tata, mejelviticlhejec sat mocjam —acvisay actemaclha acpeyvomo. 11 Intovasalhquic nalhpop avisqui ac —acvisay apyicpilquemo Dios Ingyapam, yoyam elyicpilcojo apquiltemaclha apancaoc.
12 Yitnec coo mocjam aclhamoclhojo amyaa, yoyam oltimnacsic quellhip. Colapvanquejec elyasingvomoc quellhip quilhvo. 13 Apvaac sat ancoc Espíritu apvisay Singilmalhnesquiscama aptomja nasoc anco, elyascasingvomoc sat aclhamoclhojo asoc actomja nasoc anco. Jave sat aplhanma apanco, elngacsic sat acvisay asoc actomja aplingay ayinyema coo Tata. Elyasingvomoc sat quellhip asoc yoyam colvac sat. 14 Colhic sat seyaco ayinyema Espíritu apvisay Singilmalhnesquiscama. Ayinyemaclha elhcac sat amyaa ajanco, yoyam ellhicmocsic quellhip. 15 Aclhamoclhojo coo Tata asoc apancaoc actomja coo lha asoc ajancaoc. Eycaso ayinyema siclhena lhac: Elhcac sat Espíritu apvisay Singilmalhnesquiscama amyaa ajanco, yoyam ellhicmocsic quellhip —alhta aptomjac.
Acyitnocjayo ingvalhoc acyanmongayclha acpayjaclha ingvalhoc
16 ‘Acyavataclhojo sat cotnejic mejelvitay quellhip. Ovotac sat jayqui mocjam, jelviticlhac sat quellhip. Omyaclhac sat apnaclha coo Tata —alhta aptomjac.
17 Apquilpamejitsacpec alhta apquiltamsoycaoc:
—¿Soctomja aptomja nac singilanya: Acyavataclhojo sat cotnejic mejelvitay quellhip. Ovotac sat jayqui mocjam, jelviticlhac sat quellhip. Omyaclhac sat apnaclha coo Tata? —alhta apquiltomjac apquilpamejitsacpo.
18 Apquiltomjac alhta apquiltamsoycaoc apquilanya Jesús:
—¿Soctomja aplhena lhac “acyavataclhojo sat”? Mongilyasamcoc nincoo actomjaclha appayvam —alhta apquiltomjac.
19 Apyasamcoc alhta Jesús actomjaclha apquilvalhoc apquiltamsoycaoc, yoyam elilmalhnac lhama asoc.
Aptomjac alhta Jesús apquilanya:
—¿Soctomja alquitama nac apquilvalhoc actomjaclha sicpayvam: Acyavataclhojo sat cotnejic mejelvitay quellhip. Ovotac sat jayqui mocjam, jelviticlhac sat quellhip? —alhta aptomjac. 20 Actomjac coo silanya quellhip: Naso, elyipcalhic sat quellhip. Elinlhanmam sat najan quellhip. Eyca elitsovacsojoc sat enlhitaoc lhalhma anco. Naso, colyitnocjojoc sat apquilvalhoc quellhip. Comascoc sat eyca acyitnocjayo apquilvalhoc. Colpayjiclhac sat apquilvalhoc quellhip. 21 Ayovsec mataa quilvana yicpintama cotimsic ayitca. Invocmec anco acmasquilha avalhoc. Aptiyacmec sat ancoc ayitca, quilhvoc sat colvoncomoc actemaclha acmasca. Copayjiclhac sat avalhoc acvita sat ayitca aptiyam. 22 Innoc najan quellhip. Apyovsecac quellhip quilhvo nac jay. Otangvotac sat mocjam quellhip. Colpayjiclhac sat apquilvalhoc quellhip. Comascosalhquejec sat acpayjayclha apquilvalhoc.
23 ‘Invocmec sat ancoc acnim, mejelmalhnamejec sat lhama asoc. Actomjac coo silanya quellhip: Naso, apquililmalhnaquic sat ancoc quellhip asoc coo Tata, actemaclha apquillhanma sicvisay, elmesacpoc sat quellhip. 24 Am alhta elilmalhnac mataa quellhip coo Tata actemaclha apquillhanma sicvisay. Elilmalhna anco, ellhovamcoc sat quellhip, (coyangvomoc sat acpayjayclha apquilvalhoc) —alhta aptomjac.
Jesús aptomja apyimnatem apanco as nalhpop
25 Altimnasquic alhta mataa amyaa actemaclha sicyitquiscama. Comoc sat acnim, yoyam moltimnacsejec sat mocjam actemaclha sicyitquiscama. Moyilhalhcoyc sat coo olngacsic aptemaclha coo Tata. 26 Elilmalhnac sat quellhip coo Tata acvocmo sat acnim, actemaclha apquillhanma sicvisay. Actomjac coo silanya quellhip: Molmalhnesquiseje coo Tata quellhip. 27 Ayinyemaclha coo Tata aptomja apquilasicjayo quellhip. Ayinyemaclha quellhip apquiltomja selasicjayo coo mataa. Am alhta elyascacmoc quellhip ayinyema coo Tata. 28 Nasoc anco coo siyinyemay coo Tata. Acvaac coo as nalhpop. Oyamyiclhac sat mocjam as nalhpop, yoyam omyaclhac mocjam apnaclha coo Tata —alhta aptomjac.
29 Apquiltomjac alhta apquiltamsoycaoc apquilanya Jesús:
—Visqui, am eyilhacpoc lhip singiltimnasa mocjam amyaa. Am jingiltimnasac mocjam actemaclha apyitquiscama. 30 Quilhvoc ningyasamcoc nincoo, lhip apyasamcoc aclhamoclhojo asoc. Ingvanquic nincoo mongilmalhnac lhip asoc. Naso, mongilyascacmoc nincoo lhip apquinyema Dios Ingyapam —alhta apquiltomjac.
31 Apcatingmavoc alhta Jesús:
—¿Naso ya apquiltomja melyasquiyam quellhip? 32 Quip elanojo. Comoc sat acnim, invaac najan quilhvo nac jay, yoyam ingyilhpanic quellhip. Moc amay sat elmiyaclhac mataa poc. Jelyinyoc sat coo. Molhejec sat elhapco, apnec coo Tata aptomja siclhalhma. 33 Altimnasquic lha inyicje as asoc, yoyam eltamilsojoc apquilvalhoc quellhip apquiltomja selyipitcayo. Ellingamcoc sat acmasca quellhip naysicsa apquileyvam as nalhpop. Elyimnaticsojo apquilvalhoc. Coo nac sicyimnatem, am olhno enlhit lhalhma anco —alhta aptomjac.
1 “Éltennássek ko'o kéxegke xa aqsok, yaqwayam sa' megkólyensemek kélteme mehelya'ásseyam ko'o. 2 Kólántekkesek sa' kéxegke apchaqneykekxexa nak judíos, kammok sa' nahan ekhem yaqwánxa elnápok kéxegke m'a énxet'ák, kalxének apkelwáxok apkelánésa aqsok ektaqmela m'a Dios. 3 Elanagkok sa' xa aqsok nak, hakte mehẽlya'áseykegkok negko'o, melya'ásegkok ma'a Táta tén han ko'óxa. 4 Éltennássek ko'o kéxegke xa, yaqwayam sa' kaxénwakxohok kélwáxok kéxegke séltennassama, cham'a ekwokmo sa'.
Aqsok apkelane nak Espíritu Santo
“Axta altennassók ko'o kéxegke sekxo' agko' axta xa, hakte sélxegexma'a axta. 5 Peyk eyke ko'o kaxwók ataqhoho' yaqwayam enxoho axnakxohok xamo' ma'a aptáha axta seyáphasso, makke hélmaxneyeykha ko'o kélxama enxoho kéxegke yaqweykenxa amhagkok; 6 kelyaqhápeykxók aqsa kélwáxok séltennasa xa aqsok nak. 7 Naqsók eyke ko'o sektáha séláneya s'e: tásek sa' katnehek ektáhakxa kéxegke sektaqháwo enxoho. Agkok ko'o ataqháwo', meweyk ma'a Apkelmasma yaqwayam exek kélnepyeseksa kéxegke; ektaqháwók sa' agkok ko'o, wáphássesek sa' kéxegke m'a. 8 Apwa'ak sa' agkok ma'a, tásek sa' katnehek apxekmósso énxet'ák apheykha nak keso náxop yaqsa m'a megkay'assáxma nak, tén han ma'a meyke nak ektémakxa, tén han yaqsa kasexnánéxchek kaxkak ma'a Dios apyekpelchássessamo. 9 ¿Yaqsa m'a megkay'assáxma nak? Neykhe m'a sey'ásseyam nak ko'o. 10 ¿Yaqsa m'a meyke nak aptémakxa? Ko'o neykhe m'a, peya nak amyekxak ma'a aphakxa nak Táta, keñe sa' mehélwetekxók chá'a kéxegke. 11 ¿Yaqsa m'a peya nak kaxkak Dios apyekpelchássessamo? Neykhe m'a éláneykha nak keso náxop, cham'a nanók ekxénamaxche nak yaqweykenxa kólteméssesek kéllegassáseykegkoho.
12 “Xámok eykhe yaqwayam altennaksek kéxegke, megkólwanchek eyke kólya'ásegwók kéxegke ekyókxoho s'e kaxwo nak. 13 Apxegakmek sa' agkok ma'a Espíritu apmámnaqsoho nak, sa' epékessesagkok chá'a ekyókxoho aqsok ekmámnaqsoho nak ma'a; hakte mexénhek sa' chá'a m'a apmáheyo apagko' nak exének, sa' aqsa chá'a exének ekyókxoho m'a aplege nak chá'a, elya'assásegwók sa' nahan ma'a aqsok peya nak katnehek. 14 Exekmósek sa' nahan kéxegke m'a ektémakxa nak seyeymáxkoho, hakte exkak sa' ma'a aqsok ektáha nak ko'o ahagkok, keñe sa' ellegaksek kéxegke. 15 Ekyókxoho aqsok ekyetnakxa nak Táta, ko'o nahan ahagkok ma'a; cháxa keñamak sekxéna nak ko'o peya exkak Espíritu m'a ektáha nak ahagko' ko'o, tén sa' ellegaksek kéxegke.
16 “Kaxwók sa mehélwetekxók chá'a kéxegke, kaxwók sa' eyke nahan hélwetekxak makham.”
Ekyaqhápeykha egwáxok yaqwayam kayaqmegekxak ekpayheykekxa egwáxok
17 Keñe axta nápakha apkeltáméséyak aptéma apkelpaqhetchásamákpoho s'e:
—¿Yaqsa kexaha apxéna aptáha nak segáneya kaxwók sa' mehélwetekxók chá'a kéxegke, kaxwók sa' eyke nahan hélwetekxak makham apxéna emyekxak makham ma'a aphakxa nak Apyáp? 18 ¿Yaqsa xa apxéna nak aptáha appeywa ‘yaqwatakxoho’? Magya'ásegkok negko'o apxéna.
19 Apyekpelchegkek axta nahan Jesús apmáheyo elmaxneyha. Tén axta aptéma apkelanagkama s'e:
—Exchek ektáhak ko'o séláneya kéxegke kaxwók sa' mehélwetekxók chá'a, kaxwók sa' eyke hélwetekxak makham. ¿Keyaxa kélpaqhetchásexkoho nak chá'a kéxegke kélxéna xa? 20 Naqsók ko'o sektáha séláneya kéxegke kóllekxagwaha sa', kalyaqhapmakha sa' nahan kélwáxok, keñe sa' ma'a énxet'ák apheykha nak keso náxop kalpayhekxak sa' apkelwáxok. Kalyaqhapmakha sa' eykhe kéxegke kélwáxok, ekpayheykekxa kélwáxok sa' eyke kayaqmagekxak ma'a élyaqhápeykha nak kélwáxok. 21 Peyk agkok chá'a katnehek naqláwa xama kelán'a, kayaqhapmakha chá'a awáxok, hakte kammok chá'a ekhem ektémakxa naqláwa; apteyekmek agkok ma'a étche, kalwánaqmak chá'a m'a ekmáske eñama ekpayheykekxa awáxok aptéyam xama sakcha'a keso náxop. 22 Cháxa ektáhakxa nak han kéxegkáxa élyaqhápeyncha'a kélwáxok se'e kaxwo' nak; awaták sa' eyke ko'o makham alwetágwaták kéxegke, keñe sa' awanhek katnehek élpayheykekxa kélwáxok, méko sa' nahan awanchek keymentók kéxegke xa ekpayheykekxa kélwáxok nak.
23 “Mehélmaxneyha sa' kaxwók ko'o xama aqsok xa ekhem nak. Naqsók nahan ko'o sektáha séláneya kéxegke peya egkések chá'a Táta m'a ekyókxoho aqsok kélmaxneyakxa enxoho chá'a yetlo kélxeyenma sekwesey. 24 Akke kólmaxneyk makham kéxegke xama aqsok Táta yetlo kélxeyenma sekwesey s'e kaxwo' nak, kólmaxna keñe sa' kólxawa', yaqwayam sa' kayágwomhok agko' élpayheykekxa kélwáxok.
Jesucristo apmallanma ektémakxa keso náxop
25 “Éltennassegkek chá'a ko'o kéxegke ekyókxoho xa aqsok nak, sekmeykencha'a chá'a m'a aqsok sekyetcháseykxoho nak, kammok sa' eyke ekhem yaqwánxa maltennasha chá'a kéxegke m'a aqsok sekyetcháseykekxoho nak, apékesseshok sa' chá'a séltennasso m'a ekxeyenma nak ma'a Táta. 26 Kólmaxnak sa' chá'a kéxegke aqsok yetlo kélxeyenma sekwesey xa ekhem nak; háwe sa' ko'o yaqwayam almaxnéssesek wának epasmok kéxegke m'a Táta, 27 hakte apkelásekhayók kéxegke m'a Táta. Apkelásekhayo', hakte élásekhayók ko'o kéxegke, megkólya'ásseykmok nahan séñama ko'o m'a Dios. 28 Ekteyepmeyk axta ko'o m'a aphakxa nak Táta, yaqwayam awak keso náxop, peyk eyke ayenyekxak makham keso náxop, yaqwayam amyekxak makham ma'a aphakxa nak Táta.”
29 Keñe axta apkeltáméséyak aptéma apkenagkama s'e:
—Appékásawók kaxwók xép sẽltennasso meyke apmeykha aqsok apyetcháseykekxoho. 30 Nélya'ásegwokmek kaxwók xép apya'áseykegkoho ekyókxoho aqsok, tén han megkeyméxko elmaxneyha xama énxet enxoho. Magya'ássekmok kaxwók negko'o apkeñama exchep ma'a Dios.
31 Axta aptemék Jesús apchátegmoweykegko s'e.
—¿Naqsóya megkólya'ássekmo kaxwo'? 32 Wokmek kaxwók ekhem, keso kaxwo' nak, yaqwánxa sa' kólexpaqnek kéxegke, kólmahagkok chá'a kélxama m'a kélmakókxa enxoho chá'a kólmahagkok, exakko' sa' hélyenyók ko'o. Háwe eyke ko'o exakko', hakte Táta ko'o sekxegexma. 33 Éltennássek kéxegke ekyókxoho xa, yaqwayam sa' kólwetak meyke ektáhakxa kélheykha neyseksók sélyepetcheyo ko'o. Kóllegagkohok sa' kéxegke keso náxop; eyke kólwasqápekxoho sa', ekmallanegkek axta ko'o ektémakxa nak keso náxop.
