Apvisqui Sedequías najan profeta
1 Aptimesacpec nic nat apvisqui nipyesicsa enlhitaoc Judá apvisay Sedequías, Josías apquitca. Apya'monquiscama ilhnic nat Jeconías, Joacim apquitca. Eycaso ayinyema ilhnic nat apvisqui co Babilonia, apvisay Nabucodonosor. 2 Am nic nat eyiplovcasac apcanamaclha Dios apvisqui Sedequías, paj najan apquillhalhmaa apquilyimtalhnamo, paj najan enlhitaoc. Am nic nat eljalhnoc mataa Dios appayvam aplingascama profeta Jeremías.
3 Apcapajasquic nic nat apvisqui Sedequías, colhic altimnasa profeta Jeremías, yoyam elpamejitsacpoc. Apcapajasacpec nic nat Jucal, Selemías apquitca, najan sacerdote Sofonías, Maasías apquitca. Apquiltomjac nic nat apquilanya: Jingilmalhnesquis sat lhip napato Dios Visqui ingac — nic nat apquiltomjac. 4 Am nic nat emacpoc mocjam profeta Jeremías, aptiyasam nic nat nipyesicsa enlhitaoc. 5 Apquililhyacmec singilpilhtetemo co Egipto, apvisqui faraón nic nat apquilapajascama. Apquillingac nic nat amyaa caldeos naysicsa apquilvocjay tingma jerusalén. Apquilvatsamquic nic nat siclho apquilimpocjay. Apquiltajaclhec nic nat caldeos.
6 Aptomjac nic nat Dios Apyimtalhnamo apcanyacpo profeta, elngacsic amyaa 7 napatavo apvisqui Sedequías apquilasinancama: Eliltimnas sat apvisqui rey apquilinyemayaclha quellhip: Apquiltajaclhec alhta mocjam co Egipto, apquilapajascama alhta apvisqui faraón, yoyam elpasingvota. 8 Elvotac sat caldeos ellanac apquilimpocjay tingma Jerusalén. Elvitac sat talha apyovoclhojo tingma. 9 Naso coo sicpayvam sicvisay Dios: Noelyinimsacpojo apanco quellhip. Melvatsamquejec sat maa, meltajaclhejec sat cotnaja ingmoc caldeos. 10 Apquilnapquic sat ancoc quellhip, yoyam eticyoc apyovoclhojo caldeos apquilimpocjay. Apquilaymacpec sat ancoc apcanit apquilyimsem caldeos carpa tingma. Elvotac sat apcanit as caldeoc, elvitic sat talha tingma Jerusalén — nic nat aptomjac profeta.
Apmomap Jeremías
11 Apquilpecjam nic nat eltajiclha mocjam caldeos, ayinyema amyaa apquilvoy co Egipto apquilapajascama apvisqui faraón. 12 Aptipquic nic nat tingma apvanyam Jeremías, epeyvojoc sat yoclhilhma Benjamín. Apquiltamjoc nic nat epasmoc nipyesicsa apquilmolhama ingyilhpansic apquilnatam. 13 Apvoclhec nic nat profeta tingma apatong acvisay Puerta de Benjamín. Pilapcasquic nic nat apmiyova apvisqui singilpilhtetemo apvisay Irías, Selemías apquitca, Hananías aptavin. Aptomjac nic nat apcanya: —¡Lhip sat epalhavomoc caldeos cotnaja ingmoc! — nic nat aptomjac.
14 Apcatingmavoc nic nat Jeremías: —Movan amyaa. Mopalhavomejec sat caldeos cotnaja ingmoc — nic nat aptomjac.
Am nic nat ingyajalhnoc Irías. Apmacpec nic nat Jeremías, apyantamacpo apnaclha apquilviscaa apquilyimtalhnamo. 15 Apquillovquic nic nat maa. Apcanyacpec nic nat Jeremías elyicpilhquetacpoc najan elhnesacpoc tingma pac Jonatán cronista apmopvan aptalhesaycaoc. Actomjaclha ilhnic nat singilpilhtetomaclha aplhancoc maa. 16 Apnec nic nat acvoncaclhojo Jeremías apmomap coning tingma, malha yamyamilquit nano.
17 Aptomjac nic nat apcapajasa apvisqui Sedequías, yoyam colhic acyantamaclho Jeremías apnaclha apvisqui rey. Innec nic nat acyantamaclho profeta.
Apyilhacpoc nic nat apvisqui rey elmalhna profeta: —¿Yitne ya amyaa ayinyema Dios Apyimtalhnamo? — nic nat aptomjac.
Apcatingmavoc nic nat Jeremías: —Yitnec amyaa, ingyeylhojo: Lhip visqui rey, emacpoc sat nipyesicsa apquillhalhmaa apvisqui co Babilonia — nic nat aptomjac.
18 Aptomjac nic nat Jeremías apcanya apvisqui Sedequías: —¿So actomja yi? Sicmomalhca coo congne singilpilhtetomaclha. ¿Yitne ya sicsiclhnanomalhca ajanco napato apvisqui rey, najan napatavo apquilyimtalhnamo, najan napatavo enlhitaoc? 19 ¿Co laa apquilyasa profetas apquilmopvancaa amyaa? ¿Apquillhalhma alhta mellanay apquilimpocjay co Babilonia? 20 Ingyeylhojo lhip apvisqui rey, ingyeylhojo sicpayvam ajanco: Nojelhnes nasa mocjam Jonatán tingma pac, cronista alhta apmopvan aptalhesaycaoc. Am oltamjoc ongvitsapoc maa — nic nat aptomjac Jeremías.
21 Apjalhnoc nic nat apvisqui rey Sedequías. Apnesacpec nic nat profeta napocja tingma apnamcaclha singilpilhtetemo guardia. Apmesacpec nic nat aptom, moclhama acnim lhama pan, apquinyema apquilhacjam enlhit. Invocmec nic nat acnim apsovjacpo pan apyovoclhojo tingma apvanyam. Am nic nat eyinyavac Jeremías apmaclha napocja tingma apancaoc singilpilhtetemo guardia.
Sedequías apkelmaxneyeykha aqsok Jeremías
1 Apteméssessek axta Nabucodonosor, wesse' apwányam nak Babilonia, wesse' apwányam Judá m'a Sedequías, Josías axta apketche, apyaqmagkasso m'a Jeconías, Joaquim axta apketche. 2 Axta eyke nahan yaháxenmok Sedequías ma'a Wesse' egegkok appeywa yetlo m'a apkeláneykha, ekweykekxoho m'a énxet'ák apkeltennasso axta eñama apchásenneykekxa m'a aplegasso nak appeywa Jeremías.
3 Apcháphássek axta wesse' apwányam Sedequías ma'a Jucal, Selemías axta apketche, tén han ma'a apkelmaxnéssesso Dios énxet'ák apagkok Sofonías, Maaseías axta apketche, ey'ókxak ma'a Dios appeywa aplegasso Jeremías, tén han etnehek yának se'e: “Hẽlmaxnésses negko'o Dios Wesse' egegkok.” 4 Axta eyke emomakpok makham ma'a Jeremías, apweynchámeykha axta aqsa nepyeseksa énxet'ák. 5 Apkelántekkek axta apkelxegakmo faraón sẽlpextétamo apagkok apkeleñama m'a Egipto. Xama axta apkelleg'a amya'a m'a caldeos apketámeyak axta Jerusalén, apkelántekkek axta apkeltaqháwo.
6 Tén axta Wesse' egegkok appaqhetchesa m'a aplegasso appeywa Jeremías apkeltamho etnehek elának ma'a 7 kélápháseykha axta: “Kóltennés sa' wesse' apwányam Judá, apkeláphasso exchek hélyo'ótak ko'o, apkeltaqháwo makham Egipto m'a faraón sẽlpextétamo apagkok, apkelxegakmo excheykhe yaqwayam epasmok kéxegke. 8 Elchexyók sa' makham caldeos yaqwayam ektámenták tegma apwányam Jerusalén, emok sa', keñe sa' ewatnekxoho'. 9 Ektáhak ko'o séltennasa kéxegke s'e, sektáha nak Wesse': Nágkólleyx aqsa eltaqhohok ma'a caldeos, hakte megkatnehek sa' xa ektáha nak. 10 Mexók sa' eykhe kéxegke m'a sẽlpextétamo caldeos, apketámeyam nak, apqántawók sa' eykhe eleymakpok énxet ma'a apkelpakxeneykegkaxa nak, elchempekxak sa' eyke néten xa énxet'ák nak, keñe sa' ewatnekxak ma'a tegma apwányam.”
Jeremías apmomap
11 Xama axta apkelántepa sẽlpextétamo caldeos ma'a Jerusalén, hakte apkelleg'ak axta amya'a apkelxegakmo faraón sẽlpextétamo apagkok, 12 aptekkek axta Jeremías ma'a tegma apwányam, peya emyekxak ma'a Benjamín nak xapop apagkok, yaqwayam enxoho exkak xapop apxaweykekxa, ekmelassexchexa axta m'a kañe' apchókxa nak apnámakkok. 13 Xama axta apwákxo m'a éltamhomaxchexa nak Átog Benjamín, apmágkek axta Jeremías xama énxet apwesey axta Irías, Selemías axta apketche, Hananías axta aptáwen, apteme axta apkemha apmonye' aptaqmelchesso wesse' apxagkok, axta aptáhak apcháneya s'e:
—¡Caldeos xép peyk epáxaqwók! ¡Peyk hegkexa'!
14 Axta aptáhak apchátegmowágkokxo Jeremías se'e:
—¡Ma' makxáyhe', mapáxaqwomek ko'o m'a caldeos!
Axta eyke yahaxnawok Irías, apmeyk axta aqsa, apyentamákxeyk axta m'a aphágkaxa axta wesse' apkeláneykha. 15 Apkellókók apagko' axta apkelano m'a Jeremías, apkeltamhók axta kólyekpexchetmakha, tén han kólaqxegkesek ma'a kañe' Jonatán apxagkok kélteméssessamakxa axta kélxátamakxa apkelmomap, cham'a Jonatán apnaqtáxéseyak axta chá'a weykcha'áhak. 16 Kélhesseykmek axta Jeremías ma'a kañe' xóp apwáxok nak tegma kañe' negmomaxchexa, apheykenxa axta ekwenaqte agko' ma'a.
17 Apkeltamhók axta kólyentemekxak Jeremías wesse' apwányam Sedequías ma'a aphakxa nak, xama axta kélyentamákxo Jeremías ma'a aphakxa nak wesse' apwányam, axta aptáhak apyexákpoho apkelmaxneyáncha'a s'e:
—¿Yetneya amya'a eñama Wesse' egegkok?
Aptáhak axta Jeremías apchátegmowágko s'e:
—Éhay, temék se'e: emakpok sa' xép wesse', wesse' apwányam Babilonia sa' emok.
18 Axta aptáhak Jeremías apkelmaxneyáncha'a wesse' apwányam Sedequías se'e:
—¿Yaqsa aqsok ekmaso ko'o séláneya nápaqtók xép wesse', essenhan nápaqta'awók ma'a apkeláneykha nak, essenhan ma'a énxet'ák, seyaqxegkessama nak kañe'? 19 ¿Háxko apkelmahágkaxa m'a Dios appeywa apkellegasso apkelxeyenma axta chá'a mektámegmék kéxegke m'a wesse' apwányam Babilonia, tén han se'e negókxa nak? 20 Yeyxho hana s'e wesse', elyahakxoho sa' nahan se'e yaqwánxa nak ko'o atnehek wának xép: Nágyoho aqsa ko'o hélyentemekxak makham ma'a Jonatán apxagkok, cham'a apnaqtáxéseyak nak chá'a weykcha'áhak, hakte watsapwók ko'o katnehek ma'a.
21 Keñe axta wesse' apwányam Sedequías apkeltamho aqsa kólhések Jeremías apmomap ma'a kañe' kélhaxtegkesso nak wesse' apwányam apxagkok, tén han kólsakxések chá'a kelpasmaga ekyókxoho ekhem, apkeñama nak apkelánamap ma'a ámay ekwesey nak Apkelánéyak Kelpasmaga. Axta kélteméssessók xa ektáha nak, ekhakxa axta makham nento m'a tegma apwányam. Aphegkek axta Jeremías ma'a kañe' kélhaxtegkesso nak wesse' apwányam apxagkok.
