Aptalhesquiscama Pablo yoyam elyipsitic Jesucristo apmolhama tingma Corinto
1 Coo nac Pablo, sictimem apóstol siyapajasomalhca ayinyema Jesucristo. Eycaso actomja apmayjayoclha Dios. Najan siclhalhma ingyalhing Timoteo. Actalhescasquic as vaycajac actema aclhanma evalhoc apquiltomja Dios apmolhama apnaycam tingma Corinto. Najan aplhamoclhojo apquiltomja Dios apquilyacyescama apnaycam yoclhilhma Acaya. 2 Altamjoc coo yoyam ellhovac quellhip apcaycaoc najan altamilaycam apquilvalhoc ayinyema Dios Ingyapam najan Jesucristo Visqui ingac.
Aplingaycamco acmasca Pablo
3 Actimec mataa siyayo Dios aptomja Apyap Jesucristo Visqui ingac. Aptomja singamliyam inyap najan Dios aptomja aptamilquisquiyam ingvalhoc. 4 Dios aptomja aptamilquisquiyam ingvalhoc naysicsa ninlingaycamco acmasca. Aptomja singmescama cotlaycaoc asoc yoyam ongiltamilquiscomoc nincoo lha apquilvalhoc apquiltomja apquillingaycamco acmasca. Apquiltamjoc yoyam ongnasojoc Dios aptemaclha aptamilquisquiyam ingvalhoc. 5 Avanjec anco ninlingaycamco acmasca ayinyema siclhoc anco aplingaycamco acmasca Cristo. Avanjec anco najan aptamilquisquiyam ingvalhoc ayinyema Cristo. 6 Ninlingamcoc nincoo acmasca. Eycaso actomja yoyam cotamalvomoc apquilvalhoc quellhip. Yoyam najan elvomsacpoc tap apnaymacoc. Dios ayinyema aptamilquisquiyam ingvalhoc nincoo. Eycaso ayinyema yoyam ongiltamilquiscomoc apquilvalhoc quellhip. Elinlhanmojoc sat apquillingaycamco acmasca quellhip, acno ningilinlhanyacmo nincoo lha. 7 Yitnec nincoo aljalhneycam ingvalhoc, ningyasamcoc nincoo: Apquillingaycamco lhama acmasca quellhip Cristo. Eycaso ayinyema altamalviyam apquilvalhoc quellhip ayinyema Dios.
8 Quellhip elyalhinga. Ningiltamjoc yoyam elyasamcojo quellhip actemaclha alhta ninlingaycamco acmasca yoclhilhma Asia. Avanjec anco alhta ninlingaycamco acmasca, am alhta ongilinmalhalhca acmasca. Ninganayquic alhta mongilvomoc tap. 9 Inquitlhincasquic alhta yoyam ongitsapoc. Eycaso actemaclha alhta yoyam ongilyasingvomoc mongyasquiyam Dios aptomja aplhaticjasquiyam apquilmasquingvaycmo. Yoyam monlhenamejec actemaclha ningmovan inganco. 10 Dios alhta ingilvomcasac tap. Jingilvomsic sat mataa tap. Eycaso actomja aljalhneycam ingvalhoc yoyam jingilvomsic sat tap. 11 Incaymalhquic jingilpasmoc quellhip yoyam jingilmalhnesquisic. Incaymalhquic eltimjic aplhamoclhojo enlhitaoc gracias Dios Ingyapam naysicsa apquililmalhnancama, ayinyema Dios alhta singilpasmom.
Acyeycajay aplhenaclha Pablo yoyam eyacsic tingma Corinto
12 Ningiltamjoc ongiltimnacsic quellhip actemaclha acyascamco anco ingvalhoc naysicsa acpayjayclha ingvalhoc: Ningyiplovcasquic mataa lhalhma anco actemaclha ningiltamilcasomalhco inganco najan lha nipyesicsa quellhip. Ingilpasmec alhta Dios ayinyema singasicjayo. Am alhta conyemac actemaclha ningyascamco inganco. 13 Am ongilyilhascasac nincoo lhama asoc naysicsa ningiltalhesquiscama as vaycajac. Altamjoc yoyam elyasingvomoc mocjam quellhip. 14 Apquilyasingvocmec alhta quellhip nintemaclha nincoo. Ningiltamjoc onlhenic actemaclha ningilpasmeyquiclha quellhip, acvocmo sat acnim apvoyctamlha Visqui ingac Jesús. Eltimjic sat quellhip singilayo napato Visqui ingac. Ningilayo sat nincoo lha ontimjic quellhip napato Visqui ingac.
15 Am alhta oyascacmoc coo yoyam ovoclhac nipyesicsa quellhip. Yoyam ellhovac sat quellhip mocjam Dios apcaycaoc, anit sicvayclho sat cotnejic. 16 Altamjoc alhta inyicje ovoclhac nipyesicsa quellhip sicmiyaclho inlhojo yoclhilhma Macedonia. Natamin altamjoc alhta inyicje ovoclhac mocjam nipyesicsa quellhip siyinyectamo inlhojo yoclhilhma Macedonia. Altamjoc alhta inyicje yoyam jelpasmoc quellhip naysicsa siyilhyam inlhojo yoclhilhma Judea. 17 Actomjac coo silanya quellhip: ¿Alhto ya sicpenescama aclhanma evalhoc yoyam ovoclhac nipyesicsa quellhip? ¿Apquilanayqui ya quellhip sictemaclha ajanco anit actemaclha siclhanma, yoyam otnejic sicpayvam: “Eje” acyipitcayo “paj”? 18 Actomjac coo silanya quellhip napato Dios: Cotnaja sictemaclha anit siclhanma: “Eje” acyipitcayo “paj”. 19 Apvaac alhta Cristo Jesús Dios Apquitca. Am alhta etnajac mataa anit aplhanma: “Eje” acyipitcayo “paj”. Eycaso ningillhicmoscama alhta nipyesicsa quellhip, siclhalhma ingyalhing Silvano najan ingyalhing Timoteo. Ayinyemaclha Cristo aptomja nasoc anco apquinyema Dios. 20 Ayinyemaclha Cristo aptomja apsovjomo aclhamoclhojo actemaclha aplhanma Dios actomja nasoc anco. Sat ontimjic nincoo naysicsa ningilayo Dios: “Amén, nasoc anco”. 21 Dios aptomja apyimnatescama ingilvalhoc nincoo najan quellhip actemaclha mongyasquiyam Cristo. Aptomja najan singilponquinquiscama. 22 Ingilcajasquic nincoo Dios yoyam cotnatsalhquejec ningiltomja apquitquic. Appiquinquic ingilvalhoc Espíritu Santo actomja ningillhoy amamyi. Ongillhovac sat mocjam tap cotlaycaoc asoc.
23 Actomjac coo silanya quellhip: Am alhta ovoclhac mocjam nipyesicsa quellhip. Ayinyemaclha altamjoc alhta olmeyvoc quellhip. Eycaso ayinyema siclhanma apvisay Dios yoyam colhejec acyascacmo siclhanma. 24 Am alhta ongiltamjoc ongilyimtalhnesalhcojo inganco naysicsa melyasquiyam quellhip. Ayinyemaclha apquilinlhanacmec quellhip apquiltimem melyasquiyam. Ningiltamjoc alhta ongilpasmoc quellhip yoyam coyangvomoc acpayjayclha apquilvalhoc.
Ekxeyenma egwáxok
1 Ko'o Pablo, sekteme nak Cristo Jesús apchápháseykha eñama apmopmenyého m'a Dios yetlo sekxegexma egyáxeg Timoteo, eyáphássessek ko'o ekxeyenma ewáxok Dios énxet'ák apagkok apheykha nak xa tegma apwányam Corinto, tén han ma'a apyókxoho ẽlyáxeg'a apheykha nak ma'a yókxexma Acaya. 2 Dios Egyáp tén han Jesucristo Wesse' egegkok sa' epekkenek kélnepyeseksa kéxegke m'a ektémakxa nak segmésso naqsa, eñama ektaqmeleykha apwáxok henlano', tén han meyke ektáhakxa egwáxok.
Negmésso ekxeyenma egwáxok Dios
3 Apcheymákpoho sa' chá'a kólteméssesek Dios Jesucristo Wesse' egegkok nak Apyáp, hakte cha'a apteme Egyáp apmopyósa nak henlanok ma'a, tén han sempeykessáseykekxa nak chá'a egwáxok. 4 Cha'a sempeykessáseykekxa chá'a egwáxok neyseksa ekyókxoho ektémakxa nenlegeykegkoho m'a, yaqwayam enxoho agkegwának negko'óxa ólpeykessásekxak apkelwáxok ma'a apkellegeykegkoho nak chá'a, aghéshok negmésso ekpayheykekxa egwáxok ma'a ekwánxa axta segmésso negko'o m'a Wesse' egegkok. 5 Hakte cham'a ektémakxa nak ekxámokma néllegeykegkoho xamo' negko'o m'a Cristo, cháxa ektémakxa nak han segyeykhágweykmoho negko'o ekyawe ekpayheykekxa egwáxok eñama m'a Cristo. 6 Hakte néllegagkók agkok chá'a negko'o, kéxegke yaqwayam keytek éltaqmelwayam kélwáxok tén han kélwagkásamáxche teyp; ẽlpeykessásekxeyk agkok nahan chá'a negko'o egwáxok ma'a Dios, kéxegke nahan yaqwayam keytek éltaqmelwayam kélwáxok, tén han yaqwayam kólewának kólenmaxaxkohok yetlo kélwasqápeykekxoho m'a kéllegeykegkoho, ekhawo nak negko'o ektémakxa negwete néllegeykegkoho. 7 Molwátesseykmok negko'o negáyo kéxegke, hakte negya'ásegkók, cham'a ektémakxa nak ekweykekxoho kéxegkáxa m'a néllegeykegkoho, weykekxók nahan ma'a éltaqmelwayam kélwáxok nak.
8 Élyáxeg, egmenyeyk negko'o kólya'asagkohok kéxegke ektémakxa axta negko'o néllegeykegkoho m'a yókxexma Asia. Yentexók agko' axta negko'o néllegeykegkoho, xegkessamók axta mólenmaxaxche'. Weykmók axta ekmasse élxeyenma egwáxok ólyephagwomho'. 9 Máxa axta nentemék ma'a apkelxénamap la'a etekyewekxa'. Yaqwayam hẽlxekmósek akke negko'o xa, yaqwayam enxoho mólásenneyxkók egagko', wánxa antéhek negásenneykekxa m'a Dios, apnaqxétekhásseyam nak chá'a m'a apkeletsapma axta. 10 Ẽlmallahanchessegkek axta eyke negko'o m'a Dios, hẽlmallahanchesek sa' eyke makham ketók negmassamakxa'. Magya'ássekmok nahan peya hẽlmallahanchesek makham, 11 sempasma enxoho kéxegke hẽlmaxnéssesek negko'o. Apxámok agkok sẽlmaxnéssesso negko'o, apxámok sa' nahan etnehek apmésso ekxeyenma apwáxok Dios eñama nenxawe m'a aqsok éltaqmela éleñama nak ma'a Dios.
Pablo memhéyak Corinto
12 Yetneyk negko'o aqsok segméssama nak chá'a ekpayheykekxa egwáxok, cham'a negya'áseykegkoho nak negko'o ektaqmalma chá'a nentémakxa tén han magyexamaxkoho nak chá'a keso náxop, akke ekyágwánxa agkok ma'a sektémakxa nak chá'a ko'o kélnepyeseksa kéxegke. Háwe negko'o sempékessáseyak chá'a m'a ektémakxa nak negya'ásegwayam egagko' nenteme nak énxet, wánxa sempékessáseyak ma'a Dios ektaqmeleykha nak apwáxok senlányo. 13 Mantáxéssásak negko'o kéxegke m'a megkólmowánal'a kólyetsetek, tén han ma'a megkólmowánal'a kólya'asagkoho'. Émenyeyk ko'o kólya'asagkohok ektaqmela agko' kéxegke xa, 14 hakte nekha axta kélya'áseykegkohok nentémakxa negko'o, keñe sa' apwa'akto enxoho makham Wesse' egegkok Jesucristo kaqheykha sa' kélwáxok kéxegke negko'o, keñe sa' negko'óxa kaqheykha egwáxok kéxegke.
15 Naqsók ko'o may'ásseykmo ekyókxoho xa, cháxa keñamak ekxeyenma nak ko'o ewáxok atnehek meyk'a kélmonye'e kéxegke, keñe sa' katnehek ánet sélpeykessáseykekxa kélwáxok sekteme meyk'a; 16 xeyenmeyk axta ko'o ewáxok atnehek meyk'a kélmonye'e kéxegke sekmaheykegko axta m'a Macedonia, keñe séxyeykmo enxoho makham atnehek meyk'a kéxegke. Keñe sa' kélwanchek ko'o hélpasmok yaqwayam sa' alenxanmohok ko'o sekxega amhagkok ma'a Judea. 17 ¿Ektemessáseykha enxoho axta eykel'a aqsa ko'o sélane, sekmáheyo axta alának xa? ¿Sélane ahagko' enxoho axta eykel'a kélanagkók kéxegke séláneykekxa sektáhakxa, sektéma axta chá'a sekpeywa “axegmak sa'”, “maxegmék sa'?” 18 Dios apteme apya'áseykegkoho mantéma chá'a negko'o agának kéxegke “naqso'”, tén han “ma'”, cham'a negmáheyo nak chá'a negko'o antéhek máxa nennaqtawáseykegkoho. 19 Hakte Jesucristo apteme nak Dios Apketche, néltenneykencha'a nak chá'a negko'o kélnepyeseksa kéxegke Silvano, Timoteo tén han ko'o, metnék chá'a ánet appeywa. Elának chá'a Dios ma'a apxeyenma nak elának eñama apchásenneykekxa m'a Cristo, 20 kelánamáxcheyk chá'a ekyókxoho m'a appekkeneykekxa axta appeywa Dios eñama m'a Cristo. Ékeso éñamakxa nentéma nak chá'a nempeywa nélteméssesa enxoho apcheymákpoho Dios se'e: “Katnahagkok sa'” eñama kélásenneykxa m'a Cristo Jesús. 21 Dios negko'o segyennaqtéssesso nenteme magya'ásseyam Cristo, negko'o tén han kéxegke, cham'a segyepetcháseykekxo axta Cristo, tén han sẽlpagkanma axta. 22 Ẽlqahassegkek axta anhan negko'o m'a apkelqahasso nak, empekkenchessegkek axta nahan negko'o egwáxok Espíritu Santo, yaqwayam enxoho katnehek naqsók peya anxawak ma'a aqsok sẽltaqmelchessesso nak.
23 Agkok ko'o amyákxak makham ma'a Corinto, cham'a ekxeyenma axta ewáxok atnehek, eñama maltémo eyntaxnéssesek kélwáxok kéxegke, Dios sa' nahan etnehek apweteykegkoho sektáhakxa, wának sa' nahan hemasséssók ko'o Dios sélyexancháseyncha'a enxoho kéxegke.
24 Móltamhók nahan negko'o ólyennaqtésaxkohok agának megkólya'ássemek kéxegke; néltamhók eyke aqsa ampasmok kéxegke, yaqwayam enxoho kalpayhekxak kélwáxok, hakte yennaqweykmek kéxegke kélteme megkólya'ásseyam.
