Dios aptomja apyascamco
1 Lhip Visqui ajac.
Apyasamcoc lhip actemaclha evalhoc coo.
2 Apyasamcoc lhip sictemaclha ajanco.
Apmamyi anco apyascamco lhip alquitamsama evalhoc.
3 Apyasamcoc lhip actemaclha sictiyascam.
Apyasamcoc lhip actemaclha asoc sillanay.
4 Apyasamcoc lhip sicpayvam amamyi mopamejitsaclha mocjam.
5 Apnec mataa lhip neyava coo.
Inyitnec lhip apmic tecjelhit coo.
6 Pilapcasquic sicvita aptemaclha lhip apyascamco.
Paj coo ovanac oyasingvomoc aptemaclha lhip apyascamco.
7 ¿Jalhco sat oyacsic ongvinyejic, oyinyoc lhip espíritu pac?
¿Jalhco sat oyacsic ongvinyejic napato lhip?
8 Ayinamtec sat ancoc netin siyinyem coo, otjanyac sat mataa lhip.
Acyasquic sat ancoc siyinyem alyascamaclha ingjangaoc, otjanyac sat najan lhip.
9 Actomjaclhec sat ancoc malha nata ayimpay siyinyem actiyapmaclha acnim.
Acnaclhec sat ancoc yingmin acvanyam actalhningvamlha acnim.
10 Jetac sat lhip maa, jemoc sat maa.
Mejeyimyeclhejec sat lhip.
11 Altamjo inyicje oyilhanmoc yatesaclhilhma.
Comascoc sat ayitsayolhma, cotniclhac sat alhtaa.
12 Alhtoc sat cotnejic sicyilhanmom yatescama'lhma.
Ayitsay'olhma acvanyam sat cotniclhac alhtaa.
Innoc moc ayitsay'olhma najan yatescama'lhma napatoc lhip.
13 Lhip alhta setnesquiscama sicaa avalhoc meme.
Lhip alhta aptomja apquillanay evalhoc sictemaclha sicaa.
14 Actimec coo siyayo lhip ayinyema aptamjaycam simpilapquiscama.
Actemaclha apquillanay sicyovoclhojo.
Lhip apyasamcoc actemaclha evalhoc.
15 Apyasamcoc lhip mepqui lha coo, malha sicposomalhca.
Apyasamcoc lhip sevanimquiscama avalhoc meme coo.
Motamalhca coo siclhoc anco, malha sicposomalhca actomjaclhac congnoc anco.
16 Etac alhta lhip siclhoc anco, mepqui lha coo.
Inyitnec actalhesomalhca as asoc lhip vaycajac 'pac.
Intalhosalhquic aclhamoclhojo acnim yoyam otyisam.
Intalhosamalhquic siclhoc anco, mepqui lha coo.
17 Lhip Visqui ingac, actamila anco aclhanma apvalhoc lhip.
Avanjec anco mataa aclhanma apvalhoc lhip.
18 Cotlaycaoc intomjac, malha lhopactic anic mongmovan ongilyipsitic.
Olhic sat apnaclha lhip, sicpenesa selyipsatem.
19 Lhip Dios Visqui ingac.
Ingyane sat elitsapoc apquilmapsomcaa.
Jeyas anco ticyovam yapmayc.
20 Apquilvennam mataa as enlhitaoc apquilinmelhaycam lhip.
Apquiltomja apquilantipquiscama lhip apvisay.
21 Lhip Visqui ajac, ¿evanqui ya otanova as enlhitaoc apquilinmelhaycam lhip?
¿Evanqui ya olvennam as enlhitaoc apquiltomja apquiltanoncama lhip?
22 Naso, avanjec actanoncama evalhoc as enlhitaoc.
Malha cotnaja emoc apquiltomjac.
23 Lhip Visqui ajac.
Iyicpilcojo actemaclha evalhoc.
Jeyipcon siclho, iyasamcojo actemaclha alquitamsama evalhoc.
24 Jemyov sat coo, acyitna inlhojo sicyiplovquiscama ayasomquilha.
Jeyantemiclha amay acpevomo cotningvoyam nelha.
Dios apya'áseykegkoho ekyókxoho aqsok
1 Wesse',
apkelányok
xép sektémakxa,
ey'ásegkok nahan;
2 apya'ásegkok xép
ekyókxoho aqsok sélane;
makhawók eykhe aphakxa,
ey'asagkohok eyke chá'a
ektémakxa élchetamso ewáxok.
3 Apya'ásegkok
ekyókxoho ektémakxa
sekweynchámeykha,
sekxega tén han sekheykekxa,
¡apya'ásegkok ekyókxoho
aqsok sélane nak chá'a!
4 Wesse',
megkatyepek eykhe
chá'a ko'o sekpeywa,
nanók eyke ey'asagkohok
chá'a exchep
yaqwánxa atnehek.
5 Ehaxtegkessegkek
xép sekhakxa;
emasmeyk nahan
yetlo apmopwána.
6 Megkalxegkáseykha
ko'o ay'asagkohok
ektémakxa nak ekyawe
apya'áseykegkoho;
¡mowanchek ay'asagkoho',
awanhók agko'!
7 ¿Háxko ewanchek
ko'o amhagkok
eyxánegkesek
espíritu apagkok?
¿Háxko amhagkok
eyxánegkesek xép?
8 Eyánteyk agkok ko'o m'a
netnók agko' nak néten,
apheyk xép ma'a;
ektaxneyk agkok han
ma'a apkelmaheykegkaxa
nak apkeletsapma,
apheyk nahan xép ma'a;
9 émpa'ak agkok han
amhagkok ma'a
ekteyapmakxa ekhem,
essenhan axnamok ma'a
néxa nak wátsam ekwányam
taxnegwánxa ekhem,
10 héntamha han ma'a;
¡meyenyekxék apméyak
émek apkelya'assamakxa!
11 Xénchek agkok
ewáxok eyxánmok
ekyáqtésakxa exma,
essenhan ektamhákxo
enxoho axta'a
m'a élseyéxma
sewakhaya nak ko'o,
12 meheyápek ko'o
ekyáqtésso exma
hélanok xép,
kalsáwhok sa'
aqsa exma axta'a
ektémól'a ekhem.
¡Méko exchep
ekyeykhamaxche mók
apkelányo m'a axta'a
tén han ekhem!
13 Xép axta apkelane
ekyókxoho sekyókxa;
xép axta sélane
sekyetnamakxa
kañe' méme awáxok.
14 Alpeykeshok
sa' ko'o exchep, hakte
kelchetagkassegkek axta
ewáxok setnéssessamakxa,
hakte tásók agko'
ma'a aqsok apkelane.
¡Ekya'ásegkók nahan ko'o!
15 Apweteyak
axta exchep
ektémakxa éktegama
exchakkok sekyókxa,
sélánamáxko axta m'a
móteyamaxchexa nak,
sélánamáxko axta m'a
kañók agko' nak xapop.
16 Apweteyak axta
exchep sekyókxa
matyeykemxa axta makham;
heykegkek eknaqtáxésamaxche
ekyókxoho weykcha'áhak apagkok xa.
Táxésamaxcheyk axta han
yaqweykenxa katnehek
sekweynchámeykha,
may'áseykegkaxa axta
ko'o makham xama
enxoho xa ekhem nak.
17 Oh Dios,
askehek agko' ko'o
ay'asagkohok ma'a
élchetamso nak apwáxok;
¡xámok agko' ma'a
ekyókxoho nak!
18 Peyk agkok
ko'o alyetsetek,
kayeykhágwomhok ma'a
ekweykenxal'a yagkamex;
ekxatakha'a agkok chá'a,
cháxa katnehek apha xa.
19 Oh Dios,
elnáhap élmasagcha'a
nak apkeltémakxa,
hélya'ásses makhawók
ma'a ekyetno nak
chá'a apkelyógkexma',
20 cham'a apxéneykha nak
chá'a ekmaso exchep,
eyaqhémo nak chá'a
yenmexek xép.
21 Wesse',
altaqnawhok ahagko'
ko'o m'a aptaqnagko
nak chá'a exchep,
altaqnawhok ko'o
m'a apkenmexeykha
nak chá'a exchep.
22 ¡Altaqnawhok
ahagko' ko'o m'a!
¡Sélenmexma ko'o m'a!
23 Oh Dios,
elano sektémakxa
ékpelkoho ewáxok;
hépkeyn, ey'asagkoho
élchetamso ewáxok;
24 hélano,
yetneyk kexa
may'assáxma,
hey'ásekxa m'a ámay
megkatnégwayam
néxa nak.
