Apquiltemaclha apancaoc enlhit
1 Itnimiclha netin Dios Visqui ingac.
Apyanmongsayclha lhip apquiltemaclha apancaoc enlhitaoc.
2 Lhip nac singyicpilquemo apyimtalhnamo nipyesicsa enlhitaoc as nalhpop.
Iyanmongsiclha apquiltemaclha apancaoc apquilyimtalhnesomacpo apanco.
3 Visqui ingac.
¿Co sat acvam comascoc apquilitsovascama apquilmapsomcaa?
4 Avanjec mataa apquilyimtalhnesomacpo apanco.
Avanjec apquilpayvam apanco.
5 Visqui ingac.
Innec acnatovasa lhip apnaymacoc.
Innec acvennamcaa lhip apquilmolhama.
6 Apquilajac mataa lhintampaa najan cotnaja nintemolhama.
Apquilajac mataa apquilyeyjeycam.
7 Apquilanayquic as enlhitaoc metay lhip apquiltemaclha apancaoc.
Apquilanayquic mataa Jacob apquilmolhama metay lhip apquiltemaclha apancaoc.
8 Acyeyjamelhma nac quellhip.
¿Co sat acvam elyasingvomoc quellhip?
9 Singillanay Dios acyiplomo ingjaycaoc.
¿Mepqui ya apjaycaoc Dios Visqui ingac?
Singillanay Dios acyiplomo ingataoc.
¿Mepqui ya apataoc Dios Visqui ingac?
10 Apquiltamescama Dios enlhitaoc.
¿Mepqui ya apyanmongsayclha apquiltemaclha apancaoc?
Singiltamescama nincoo Dios, yoyam ontimjic ningilyascamco.
11 Apyasamcoc Visqui ingac alquitamsama apquilvalhoc.
Acyeyjamelhma apquiltomjac.
12 Visqui ingac.
Payjeclhec ingilvalhoc singiltamescama ayinyema lhip.
Singiltamsoycaoc ayinyema lhip appayvam.
13 Actamilaycam mataa ingilvalhoc naysicsa ninlingaycamco acyimtalhnama.
Actamilaycam ingilvalhoc, ningvita inlhojo malhic elatoynacpoc apquilmapsomcaa.
14 Mejingiltovacsejec sat mataa Visqui ingac ningiltomja ningmolhama.
Mejingyinyovejec sat mataa Visqui ingac ningiltomja singilyacyescama.
15 Ongvitac sat mocjam singyicpilquemo appeyvomo.
Nincoo eyca ongyiplovcasojo singyicpilquemo, acyitna inlhojo actamilaycam ingilvalhoc.
16 ¿Soc sat jepasingvota?
¿Soc sat jemyoc napatavo apquilmapsomcaa?
17 Am alhta ancoc jemyavac Visqui ingac.
Motyisamejec mocjam.
Ongvatoynalhcac alhta inyicje.
18 Intomjac alhta evalhoc:
—Actolhnac coo, inlhinganacmec evalhoc — alhta intomjac.
Epasingvoctac alhta lhip Visqui ingac acyiplomo seyasicjayo.
19 Avanjec alhta aclheneycam evalhoc yoyam olngamcojo.
Inyiplovcoc alhta lhip aptamilquisquiyam evalhoc yoyam cotamalvomoc.
20 Mepasmejec lhip enlhit singyicpilquemo, mepqui inlhojo apquilpeyvomo.
Acmasom mataa apquilpeyvescasquiclha.
Apquilinmelham singanama Dios appayvam.
21 Apquilpejescacmec mataa enlhit apquilpeyvomo.
Apquilanama yoyam eticyo, apquilanyomap apquilsilhnanomap apanco.
22 Visqui ingac aptomja sicyilhanmeycam.
Malha mataymong avalhoc, yoyam jemyoc Dios Visqui ingac.
23 Lhip Visqui ingac enatovacsic apquilmapsomcaa, Ayinyema apquilsilhnanomap apanco.
Dios Visqui ingac eyanmongsiclhac sat apquiltemaclha apancaoc.
Dios apteme segyekpelchémo appéwomo
1 Wesse' Dios,
apyaqmagkáseykekxoho
nak chá'a nentémakxa,
henxekmósap.
2 Xép apteme
segyekpelchémo
ekyókxoho keso
nélwanmeygkaxa,
¡yempekxa néten
elenmexek ma'a
apkeleymákpoho nak,
etnésses ekpayhawo
nak etnéssesek
apkellegassáseykegkoho!
3 Wesse',
¿háxko sa' ekwánxa
katnégwók néxa
élpayheykekxa apkelwáxok
ma'a élmasagcha'a
nak apkeltémakxa?
4 Megkalyexnegwayam
apkelpeywa apyókxoho
xa apkeláneykegkoho
nak aqsok ekmaso;
éleymáxkoho apkelwáxok,
éleymáxkoho han
ma'a apkelpeywa.
5 Oh Wesse',
apnaqtawáseykegkok
énxet'ák apagkok xa;
¡apyentaxnéssessegkek
chá'a apheykha m'a
ektáha nak chá'a apagkok!
6 Apkelnapmeyk chá'a
m'a xentampe'e nak,
tén han ma'a
apkeleñama nak
chá'a mók nekha,
apkelnapmeyk han
chá'a m'a élyéheykha nak.
7 Elxének chá'a
melweteya m'a
Wesse' egegkok,
elxének chá'a
mey'ásegko m'a
Jacob Dios apagkok.
8 ¡Énxet'ák élyeyháxma,
kólya'asagkoho sa'!
¿Háxko ekwánxa kólya'ásegwók?
9 ¿Meñéya sa' ma'a
apkelane nak chá'a egheyk'ák?
¿Métyeheya sa' chá'a m'a
apkelane nak chá'a egaqta'ák?
10 ¿Meñássesagkoya sa'
ma'a apkelánéseykekxa
nak chá'a apkeltémakxa
pók aptémakxa énxet'ák?
¿Mey'asagkeheya sa' ma'a
apmésso nak chá'a
apkelya'ásegwayam énxet?
11 Apya'ásegkok
Wesse' egegkok,
énxet wánxa ekxéneykha
apwáxok ma'a aqsok mékoho.
12 Oh Wesse',
apkeleñémo énxet
apkelxekmósso nak
chá'a exchep,
tén han apmésso nak chá'a
nélxekmowásamáxche apagkok,
13 yaqwayam sa'
megkatneykha apwáxok
ekwa'a sa' ekhem ekmaso,
neyseksa kélmeytegkesso
máxek ma'a élmasagcha'a
nak apkeltémakxa.
14 Mekxáyhek sa' chá'a
Wesse' egegkok ma'a
énxet'ák apagkok,
mekxáyhek sa' chá'a
apxakcha'awok ma'a
ektáha nak apagkok.
15 Keytnekxak sa' makham
ekpéwomo kéllánekxésso
amya'a énxet'ák ma'a
sẽlyekpelchémókxa nak,
kalkohok sa' nahan
apkelwáxok apyókxoho
énxet meyke apkeltémakxa.
16 ¿Yaqsa sa' ko'o
hey'áwak hepásegwak
sétamakmo enxoho
m'a élmasagcha'a
nak apkeltémakxa,
tén han ma'a
apkeláneykegkoho
nak aqsok ekmaso?
17 Axta agkok
ko'o hepasmak
Wesse' egegkok,
kaxwók axta
awanmégwók ma'a
apkelwanmeyeykegkaxa
nak apkeletsapma.
18 Xama axta ko'o
sektáha seyáneya s'e:
“Peyk watsapok”,
epasmeyk axta m'a
segásekhayo nak xép, Wesse'.
19 Etaqmelchessásekxeyk
axta ko'o exchep ewáxok
neyseksa ekxámokma
élchetámeykha ewáxok,
egkéssek axta
ekpayheykekxa ewáxok.
20 Mopwanchek xép etnehek
apkelxegexma'a énxet'ák
segyekpelchémo
megkapéwomo nak
chá'a apkeltémakxa,
ekmaso nak
chá'a apkeltamheykha,
apyetnakhasso nak
chá'a segánamakxa;
21 apkeláneykekxa nak
chá'a aptamhágkaxa
yaqwayam yenmexek ma'a
meyke nak aptémakxa,
tén han ma'a melánéyak
nak aqsok ekmaso,
apkeltémo nak
chá'a kólnápekxa'.
22 Wesse' egegkok akke
apteme sekyexánegweykekxexa';
Dios ahagkok ko'o apteme
semasma apyennaqte.
23 Yának sa'
kalnápekxak
apkeltémakxa ekmaso
Wesse' egegkok
ma'a élmasagcha'a
nak apkeltémakxa.
¡Dios egagkok
sa' emasséssók!
