Actemaclha ningayo Visqui ingac
1 Visqui Apyimtalhnamo.
Tasic anco ontimjic gracias lhip.
Ontimjic sat ningayo lhip naysicsa ningminaycmascama.
2 Onlingacsic mataa alhtoo najan alhtaa aptemaclha singasicjayo najan singmasma.
3 Acyiplomo ningilmaycam nimpayvascama yatalhpong, najan arpa najan salterio.
4 Visqui ingac.
Lhip aptomja appayesayclha evalhoc, sicvita lhip aptomjaclha.
Payjeclhec evalhoc sicvita apquilantipquiscama lhip.
5 Visqui ingac.
Apmeyjec apanco lhip, sicvita alyivey aptamjaycam lhip.
Acyascamco anco apvalhoc lhip.
6 Paj elyasamcoc mataa enlhit acyeyjamelhma.
Paj elyasamcoc enlhit ayanem.
7 Apquilyitsomacpo apquilmapsomcaa, malha paat alyimseleycaoc najan ilhnamoc.
Enatovasacpoc sat cotmongvoycamlha nelha.
8 Visqui ingac.
Lhip apvamlha pac apyimtalhnamo netin cotmongvoycamlha nelha.
9 Visqui ingac.
Enatovasacpoc sat enlhit apquilinmelhaycam.
Comascoc sat apquileyvam cotnaja ingmoc.
Colhic sat ayilhpanquisa maa.
10 Lhip aptomja seyimnatescama, malha vayqui inquinavo acyimnatem anco.
Lhip aptomja seyitsovasquiscama, malha asoc masis seyatsisquiscama epatic.
11 Acvitac coo apnatovasomap cotnaja ingmoc.
Aclingac coo apquilpalhamaycam apquilmapsomcaa (yoyam eticyo).
12 Elmiyovacpoc sat actamilaycam apquilvalhoc.
Malha apquilictingam aptomjac.
Malha yamit alyivey cedro netin inquilhe Líbano intomjac apquilictingam.
13 Malha ayimjaclha intomjac congne Visqui tingma pac apponquinomap.
Malha yamit ilhnamoc intomjac payjoc Dios tingma pac apponquinomap.
14 Inquilhnec mataa acyilhna actomjayclho acvanyam yamit.
Alhnancoc mataa yamit, acyimnatem anco, mepqui ápac (enlhit appeyvomo).
15 Malha singlingascama intomjac: Visqui ingac semasma coo.
Appeyvomo apanco Visqui ingac.
Mepqui mataa apsilhnanomap apanco.
Negmeneykmasso nélpeykessamo
1 Wesse' egegkok,
Meyke nak Ekhémo,
¡tásók agko' nak la'a
exchep agmések
ekxeyenma egwáxok,
tén han agmeneykmássesek
negmeneykmasso!
2 Anxének chá'a
axto'ók ekyawe
agko' segásekhayo,
keñe chá'a axta'a m'a
ektémakxa mehegyenyaweykha,
3 yetlo nélpáwasso yát'axpog,
tén han ekmátsa
nempáwasso m'a arpa.
4 Oh Wesse',
egkéssegkek chá'a
ko'o ekmátsa ewáxok
ma'a aqsok apkelane nak.
¡Peykáseykekxeyk
ewáxok ma'a aqsok
apkelane nak!
5 Oh Wesse',
élyawa agko' nak la'a
m'a aqsok apkelane nak!
¡askehek agya'asagkohok
ma'a ektémakxa nak
élchetámeykha apwáxok!
6 ¡Wánxa aqsa
melya'asagkehek
ma'a élyeyháxma nak!
7 Apxámákxeyk agkok
ma'a élmasagcha'a
nak apkeltémakxa
ektémól'a pa'at,
tén han ma'a
apkeláneykegkoho nak
chá'a aqsok ekmaso,
kélmassésseyam
meyke néxa aqsa
chá'a etnahagkok ma'a.
8 Keñe exchep Wesse',
meyke néxa apha m'a netno' nak.
9 Wesse',
naqsók eyke
negya'ásegkoho
negko'o peya
kólmasséssók ma'a
apkelenmexma nak;
tén han kélmáheyo
kólexpánchesek
apyókxoho m'a
apkeláneykegkoho nak
chá'a aqsok ekmaso.
10 Eyánchessáseykegkók
ko'o exchep sekyennaqte,
ekweykenxal'a
ekyennaqte m'a
weyke kennawo',
éxpaqhássessegkek
nahan épátek ma'a
sokmátsa nak.
11 Alanha sa' ko'o
ektáhakxa aptekyawa
m'a sélenmexma;
¡weyxhok sa'
nahan élpayheykha
apatña'ák eñama
apkellegeykegkoho
ekmáske m'a élmasagcha'a
nak apkeltémakxa!
12 Máxa áxa élyapwe
sa' etnahagkok ma'a
meyke nak apkeltémakxa,
máxa yámet cedro sa'
etnehek yektog
élámha nak Líbano,
13 máxa yámet
kélcheneykekxa sa'
etnahagkok ma'a
Wesse' egegkok nak
tegma appagkanamap apagkok,
élyapwéyak la'a m'a
kañe' apwáxok nak
Dios tegma
appagkanamap apagkok,
14 megkeyxek sa'
ekteme apák,
keyxek sa' aqsa chá'a;
kalyeyha'ak sa'
aqsa chá'a katnehek,
kalyápaqmáthok sa'
nahan chá'a axchakkok,
15 elxének sa' chá'a
apteme ekpéwomo
aptémakxa m'a
Wesse' egegkok
setaqmelchesso nak,
elxének sa' chá'a méko
m'a megkapéwomo nak
aptáhakxa nak chá'a.
