Dios tingma pac
1 Dios tingma pac (Sión) apyitna netin inquilhe acponquinomalhca.
2 Avanjec apcasicjayo Visqui ingac tingma Sión.
Am colhno apcasicjayo apyovoclhojo tingma Jacob apquilmolhama.
3 Dios tingma pac.
Aplhenamap tingma aptamila apanco.
Intomjac alhta amyaa:
4 —Elyicpilcoc coo moclhama apquilvisay co Egipto, co Babilonia, co Filistea, co Tiro, co Etiopía.
Tingma aptiyaycamlha maa — alhta intomjac.
5 Eycaso apquilpayvam co Sión:
Tingma aptiyaycamlha as enlhit najan poc mataa.
Apvisqui apyimtalhnamo aptomja apquiltamilquiscama — alhta intomjac.
6 Aptalhosquic Visqui ingac vaycajac apanco apyovoclhojo apquilvisay enlhit:
—Aptiyaycamlha as tingma (Sión) — alhta intomjac aptalhescama.
7 Apquiltomjac mataa naysicsa apquilminaycmascama fiesta apancaoc:
—Coo tingma ajac apvisay Sión — apquiltomjac mataa.
Ektaqmalma kélxéneykha Dios tegma apwányam apagkok
1 Apkeláneyak Dios
tegma appagkanamap
apagkok ma'a néten egkexe
ekpagkanamaxche nak.
2 Apchásekhayók
Wesse' egegkok ma'a
tegma apwányam Sión,
kaxnók ma'a apyókxoho
apxanák nak Jacob
énxet'ák apagkok.
3 Dios tegma
apwányam apagkok,
tásók agko' nak
la'a chá'a exchep
katnehek apxénamap:
4 “Ewanchek ko'o atnehek
alyetsetek nepyeseksa
énxet'ák sélweteykxa nak se'e:
Egipto, Babilonia, Filistea, Tiro,
tén han Etiopía;
apyókxoho apteme
apkelánteyapmakxa exchep ma'a.”
5 Sa' katnehek
amya'a exénakpok
tegma apwányam Sión se'e:
“Apyókxoho énxet
apkeleñamakxa s'e.”
Dios Meyke Ekhémo
apagko' appekkenma m'a.
6 Apnaqtáxésagkek sa'
agkok Wesse' egegkok
weykcha'áhak ekheykegkaxa
nak chá'a apkelwesey énxet'ák.
Sa' etnehek chá'a s'e:
“Keso apkeleñamakxa s'e.”
7 Sa' etnehek chá'a elpaqmétek
apkelmeneykmasso nak chá'a s'e,
tén han apnéweyak nak chá'a:
“Enxanák negko'o m'a Jerusalén,
ekmátsexa nak chá'a aghakha.”
