Apvisqui rey
1 Dios Visqui ingac.
Ingyane sat colhic acyascamco apvalhoc apvisqui rey.
Ingyane sat etnejic appeyvomo apvisqui apquitca.
2 Etnejic sat apyicpilquemo appeyvomo nipyesicsa apnaymacoc.
Najan nipyesicsa mepqui apquilnatam (mepqui asoc).
3 Conyemac sat inquilhe alvinatem actemaclha ningmiyovmalhca.
Conyemac sat inquilhe ayitcoc actemaclha acpeyvomo.
4 Etnejic sat appeyvomo appeyvescasquiclha nipyesicsa mepqui apquilnatam.
Elpasmoc sat mepqui apquilnatam.
Ingyilhpansic sat apquilyimtalhnesomap apanco.
5 Etnejic sat apvisqui rey ayay apvalhoc napato lhip.
Comasquejec mataa ningvitay acnim najan alhtaa.
Colhojoc sat aptiyascam apvisqui rey.
6 Aptemaclha apvisqui colhojoc sat acmamay najan malha yalya alhtoo.
Aptomja apyeysiscama as nalhpop (lhopactic) najan ayimjaclha paat.
7 Ongvitac sat nintemaclha nimpeyvomo najan actamilaycam ingvalhoc.
Naysicsa aptimem apvisqui cotmongvoycamlha nelha.
8 Yoclhilhma apcanamaclha ayenmo yingmin acvanyam acvaycmo moc yingmin acvanyam.
Moc nicja vatsam Éufrates acvaycmo nelha as nalhpop (lhapop).
9 Elmacpoc sat cotnaja ingmoc apquileyvam moc yoclhilhma (actamopeycaoc).
Eltimjic sat apquilyajayquiclho apcanama inlhojo apvisqui.
10 Elhcac sat apvisqui apcaycaoc alinyema apquilviscaa co Tarsis (España) najan apnaycam acyayem lhop.
Apcaycaoc alinyema apquilviscaa co Sabá (Arabia) najan co Seba (Etiopía).
11 Elilyejiclhojoc sat apyovoclhojo apquilviscaa (elticlhic aptapnaoc).
Eltimesam sat apyovoclhojo enlhitaoc lhalhma anco.
12 Elvomsic sat tap, aplinga inlhojo apquilmalhnaycam enlhit mepqui asoc.
Elvomsic sat tap, aplinga inlhojo ayaymalhco asoc.
Mepqui apmasma asoc.
13 Etingyasquisic asoc, apvita inlhojo melyimnatem najan enlhit mepqui asoc.
Elmiyovacpoc sat enlhit mepqui asoc.
14 Elmiyovacpoc sat naysicsa apquillingaycamco acyimtalhnama.
Apquiltasic mataa as enlhitaoc napato apvisqui.
15 Innec ayaco apvisqui rey.
Elhcac sat macmescama oro alyinmom ayinyema Sabá (Arabia). Colhic sat mataa ayaco.
Colhic sat almalhnesquisa apvisqui rey.
16 Ongvitac sat mataa ayimjaclha acyilhna (trigo) acvaycmo netin inquilhe.
Ongvitac sat mataa ayimjaclha acyilhna.
Colhojoc sat nalhma Líbano.
Ongvitac sat mataa ayimjaclha acyilhna.
Malha ayimjaclha paat (panatem).
17 Comasquejec sat mataa apvisay apanco.
Colhic sat mataa ayaco.
Colhic sat acvaticjapquisa apyovoclhojo enlhitaoc lhalhma anco.
Apquilinyejemo sat elhenacpoc apvisqui rey.
18 Innec ayaco Dios Visqui apancaoc Israel apquilmolhama.
Apmopvan aptamjaycam simpilapquiscama.
19 Innec ayaco apvisay apanco cotmongvoycamlha nelha.
Najan maa gloria apyimtalhnamo.
Naso. Naso.
20 Nelha intomjac apquilmalhnancama David, Isaí apquitca.
Wesse' apwányam kélmaxnéssesso
1 O Dios, egkés
wesse' apwányam
aptémakxa ekpéwomo nak xép,
tén han ektémakxa nak
xép ektaqmalma aptémakxa,
2 yaqwayam enxoho
elanha yetlo ektaqmalma
aptémakxa m'a
énxet'ák apagkok,
tén han elánekxések
ektémakxa apheykha m'a
énxet'ák apagkok,
meyke nak aqsok apagkok.
3 Kagkések sa' meyke
ektáhakxa apheykha énxet'ák
ma'a egkexe élwenaqte nak,
keñe ekpéwomo apkeltémakxa
m'a xóp élekhahéyak nak.
4 ¡Elánekxések sa'
chá'a apheykha
wesse' apwányam ma'a
meyke nak aqsok apagkok!
¡Epasmok sa' chá'a m'a
apketchek nak énxet'ák
ekhakxa nak chá'a
eyeyméxchexa aqsok,
kóneg sa' etnessásekxak ma'a
apnaqtawáseykegkoho nak chá'a!
5 ¡Etnehek sa'
wesse' apwányam
apcháyo nak chá'a exchep
megkatnégwayam néxa,
ekhakxa nak makham ekhem,
tén han pelten!
6 ¡Máxa ekmámeye
sa' etnehek,
tén han yálye,
ekyássessamól'a xapop,
tén han pa'at!
7 ¡Kayákxak sa' meyke
ektáhakxa negha,
tén han ektaqmalma
nentémakxa neyseksa
apteme wesse' apwányam,
ekwokmoho apmassa m'a pelten!
8 ¡Kawomhok sa'
apkeláneykha m'a
halep wátsam ekwányam
ekweykekxoho m'a teyp
nak wátsam ekwányam,
eyeynamo m'a
wátsam Éufrates,
ekweykmoho m'a
ektemegwánxa nak
néxa xapop,
keso nélwanmeygkaxa'!
9 ¡Elmésakpok sa' ma'a
apheykencha'a nak
yókxexma meykexa énxet,
elháxahagkok sa' apmonye'
m'a apkelenmexma nak!
10 ¡Elsókásegmak sa'
apkelmésso naqsa aqsok,
tén han apcháncheseykekxa
m'a kelwesse'e nak Tarsis,
tén han ma'a egkexe étkók nak,
tén han ma'a kelwesse'e
apkelwányam nak Sabá,
tén han ma'a Sebá!
11 ¡Apyókxoho
kelwesse'e apkelwányam
sa' eltekxeyagkok
aptapnák apmonye'!
¡Apyókxoho pók
aptémakxa énxet'ák
sa' elyahakxoho'!
12 Hakte elwagkasek
sa' chá'a teyp meyke
nak aqsok apagkok,
apkelwóneykha nak chá'a,
tén han ma'a ekhakxa nak
chá'a eyeyméxchexa aqsok,
meyke nak chá'a ekpasmo.
13 Apyósekak sa'
chá'a elanok ma'a
apkelyelqamákpoho nak,
elwagkasek sa' teyp ma'a
meyke nak aqsok apagkok.
14 Megyohók sa'
kólnaqtawasagkoho',
tén han kólyennaqtésha
kélyempehek kóllána',
hakte emyók sa' chá'a
kólyegkenchesek
ma'a éma apagkok.
15 ¡Memassegwomek sa'
chá'a wesse' apwányam!
¡Kólmések sa' sawo
ekyátekto ekmomnáwa
éleñama nak Sabá!
¡Kólmaxnéssesek
sa' chá'a Dios ma'a!
¡Megkamassegwomek
sa' chá'a appasmo Dios!
16 ¡Apxámok sa' etnehek
hótáhap apaktek negókxa,
etepagkok sa' ma'a
naw'ék egkexe nak!
¡Katyapok sa' chá'a
aqsok aktek kélcheneykekxa,
ektéma nak Líbano,
apxámok sa' etnehek énxet
tegma apkelyawe nak,
ektémól'a pa'at ma'a yókxexma!
17 ¡Megkamassegwomek
sa' chá'a apwesey m'a
wesse' apwányam;
megkamassegwomek sa'
ekxénamaxche apwesey
ekhakxa nak makham ekhem!
¡Elxawagkok sa' chá'a
ektaqmalma apheykha
apyókxoho énxet'ák
apheykha nak
keso nélwanmeygkaxa,
eñama xa wesse' apwányam nak!
¡Apyókxoho pók
aptémakxa énxet'ák
sa' chá'a eltéhek:
“Apkeleñémo”.
18 Apcheymákpoho sa'
chá'a kólteméssesek Dios,
apteme nak Dios
Wesse' apagkok ma'a Israel,
apteme nak wánxa
apkelane aqsok élyawe;
19 kataqmalmakha sa'
chá'a kélpeywa
kólxének ma'a apwesey
eyeymáxkoho nak.
¡Kasawhekxohok sa' chá'a
apcheymákpoho keso náxop!
¡Katnahagkok sa'!
20 Cháxa néxa David apkelmaxnagko xa, Jesé apketche nak.
