Singmasma nac Dios
1 Dios Visqui ingac.
Ingyeylhojo siliclhangveycam.
Ingyeylhojo silmalhnancama.
2 Ayevam mataa lhip sicna mocjay anco as nalhpop.
Mepqui sicyimnatem coo.
Jelhnes sat netin mataymong acvinatem.
Movanquejec ongvinamtic.
3 Lhip nac semasma coo.
Malha tingma nitno selhnescama lhip napatavo selinmelhaycam (cotnaja ingmoc).
4 Altamjo inyicje olhic mataa lhip tingma pac apponquinomap.
Jemyoc sat mataa lhip.
Malha sicyilhanmeycam coning aplhimpancoc.
5 Apyasamcoc lhip actemaclha siclhanma mepqui sicyeycajascaoc.
Apjalhnoc mataa lhip ningilmalhnaycam asoc.
Ningiltomja ningilayo lhip.
6 Ingyane sat elhic mataa visqui presidente aclhamoclhojo años.
Etnejic sat apcanamaclha aclhamoclhojo años.
7 Ipasim sat lhip visqui presidente acyiplomo apcasicjayo najan apcapeycam.
8 (Coo sicvisay visqui David.)
Otnejic sat mataa siyayo lhip apvisay.
Osavojoc sat mataa siclhanma mepqui sicyeycajascaoc, aclhamoclhojo acnim.
Magya'ásseyam Dios sentaqmelchesso
1 Dios ahagkok,
yeyxho ko'o sekwóneykha,
¡ema ko'o sélmaxnagko!
2 Ekwóneyha ko'o
exchep ma'a makhawók
agko' nak xapop,
hakte yelqáxcheyk ewáxok.
Hexnés ko'o netnók
agko' nak meteymog,
yaqwayam sa'
megkatnégwomók exma sekha,
3 hakte xép apteme semasma.
¡Aphawók xép ma'a tegma
apwenaqte apyennaqtél'a,
sewagkassól'a chá'a teyp
nepyeseksa sélenmexma!
4 Émenyeyk ko'o axek
apxagkok meyke néxa,
yetlo séláhakkasso
m'a apxempenák.
5 Dios ahagkok,
aplegayak xép ma'a
aqsok sekxeyenma nak alána',
élmeyáseykekxeyk nahan
ma'a aqsok apkelxawéyak
nak chá'a m'a apcháyo
nak chá'a apwesey.
6 Egkés xép ekwenaqte
apha m'a wesse' apwányam;
exek sa' chá'a apxámokma
apagko' apyeyam,
7 etnehek sa' chá'a
wesse' apwányam yetlo
appasmo exchep.
Etaqmelches sa'
yetlo apchásekhayo,
tén han meyenyaweykha;
8 keñe sa' alteméssesek
chá'a ko'o eyeymáxkoho
apwesey meyke néxa,
alának sa' chá'a ko'o
aqsok sekxeyenma
alának yókxoho ekhem.
