Aptemaclha enlhit apmapsom
1 ¿So actomja yi apyimtalhnesomacpo apanco lhip aptomja apmapsom?
Comasquejec sat mataa singasicjayo Dios.
2 Somcoc mataa alquitamsama apvalhoc lhip elanac asoc acmasom.
Asquejec mataa lhip appayvam.
Malha sovo acmajamtic aptomja apyinimquiscama.
3 Aptanovquic lhip mataa actemaclha actamila.
Apyispaquic mataa lhip acmasom.
Aptanovquic lhip mataa actemaclha nasoc anco.
Apyispaquic lhip acmovan amyaa.
4 Apyispaquic lhip mataa appayvam acmasom, yoyam etvacsic, acyiplomo aptemaclha apyinimquiscama.
5 Etvasacpoc sat lhip lha ayinyema Dios Visqui ingac.
Emacpoc sat lhip.
Etipsacpoc sat lhip tingma pac.
Ematong sat lhip nipyesicsa apnaymacoc.
6 Elanojoc sat enlhit apquilpeyvomo acyiplomo ayay apquilvalhoc.
Elasmacsic sat apquilvita.
Eltimjic sat elanic as apmapsom:
7 —Quip elanojo aptemaclha apanco mepqui apmasma Dios — alhta aptomjac.
Aclhanma mataa apvalhoc acyivey solyayem pac (apquilnatam).
Apquilinlhanacmec mataa aptemaclha apanco apmapsom.
8 Coo eyca sicyitsomalhca olivo yamit ayimja tingma apponquinomap.
Moyascacmoc coo mataa seyasicjayo Dios Visqui ingac.
9 Otnejic sat mataa gracias lhip Dios Visqui ingac setnesquiscama actamila.
Otnejic sat siyayo lhip, apvisay aptamila apanco.
Olngacsic sat nipyesicsa lhip apnaymacoc.
Eyaqhémo exénmakha aptémakxa énxet ekmaso nak aptémakxa
1 ¿Yaqsa ektéma
apxéneykencha'a nak chá'a
aptémakxa ekmaso,
xép apyennaqteyásamákpoho nak chá'a?
¡Megkayaqmagkassemek ektémakxa
m'a Dios segásekhayo!
2 Wánxa aqsa
ekxéneykencha'a apwáxok
elának ma'a aqsok ekmaso,
sensexnenagkamo m'a appeywa,
máxa sawo ekmahanta m'a apaxkok.
3 Apmenyeyk ma'a
aqsok ekmaso,
keñe aqsok
ektaqmela mopmenye',
apmenyeyk xép
ekmowána amya'a,
keñe aqsok
ekmámnaqsoho mopmenye'.
4 Apmopwána
amya'a exchep,
apmenyeyk chá'a
egkések appeywa
ekmaso pók
éntaxnéssesek apwáxok.
5 Emasséssamhok apagko'
sa' eyke han xépxa m'a Dios:
emok sa', keñe sa'
etekkesek ma'a apxagkok nak;
yaqhek sa'.
6 Elwetak sa' ektáha nak chá'a
apkelyaheykekxoho Dios xa,
keñe sa' yeyk chá'a;
yesmésakpok sa' eyke xa énxet nak,
sa' etnehek elpaqmétek se'e:
7 “Kóllano mey'eykekxa
nak chá'a Dios
yaqwayam emyók;
apchásenneykekxo
nak chá'a ekxámokma
agko' aqsok apagkok,
melwátésseyam nak chá'a
apkelane aptémakxa ekmaso.”
8 Ekhawók eyke ko'o olivo yámet
éltaqmalma nak áwa' m'a
Dios tegma appagkanamap apagkok;
¡may'ássemek sa' chá'a m'a
ektémakxa nak segásekhayo!
9 Oh Dios,
agkések sa' chá'a ko'o
exchep ekxeyenma ewáxok,
eñama m'a
setnéssessamakxa nak chá'a;
axének sa' ko'o exchep
aptémakxa aptaqmalma
nápaqta'awók ma'a énxet'ák
melyenseyam nak
chá'a apkelyetleykha.
