1 Visqui ajac Dios, ipeyvescasiclha sictemaclha.
Jemyov sat coo nipyesicsa selinmelhaycam.
Jevomquis tap nipyesicsa apquilmopvancaa amyaa najan apquilmapsomcaa.
2 Lhip aptomja Visqui semasma coo.
¿Soctomja seyinyova nac lhip?
¿Soctomja acyajapo nac evalhoc ayinyema cotnaja ingmoc?
3 Jetasquis sat ayitsay'lhma najan actomja nasoc anco.
Yoyam jeyantemiclhac apnaclha lhip netin inquilhe acponquinomalhca.
4 Ovoclhac sat tingma apponquinomap payjoc macmescamaclha asoc Dios.
Otnejic sat siyayo lhip acyiplomo arpa acpayvascama.
Lhip Visqui ajac aptomja appayesayclha evalhoc.
5 ¿So actema acmayovsa mataa evalhoc coo?
¿So actema aliclhangveycam mataa evalhoc?
Pac olinlhanmojoc sat, otnejic siyayo Dios, aptomja Visqui ajac najan sevomquiscama tap.
1 Oh Dios,
hexén ko'o
meyke sektémakxa;
¡hepásegwata'
heyátegmakkasagkok
se'e énxet'ák
melya'áseyak nak xép!
¡Hewagkas teyp nepyeseksa
énxet'ák apkelmopwancha'a amya'a,
tén han élmasagcha'a nak apkeltémakxa,
2 hakte xép apteme
Dios ahagkok,
tén han setaqmelchesso!
¿Yaqsa ektéma
sétnakhassama nak ko'o?
¿Yaqsa katnehek ko'o
kayaqhapmakha ewáxok,
eñama setwáseykegkoho
m'a sélenmexma nak?
3 Heyaphásses ko'o
élseyéxma apagkok,
tén han aqsok
ekmámnaqsoho apagkok,
yaqwayam sa' ko'o
hexekmósek ma'a ámay,
ekmahéyak nak egkexe
ekpagkanamaxche' apagkok,
aphamakxa nak xép.
4 Keñe sa' ammok ma'a
ekwatnamáxchexa nak
aqsok apagkok xép, Dios,
sa' alteméssesek
apcheymákpoho m'a,
yetlo sekpáwasso arpa,
hakte epeykessáseykekxók
ahagko' ko'o exchep
ewáxok Dios ahagkok.
5 ¿Yaqsa katnehek ko'o
kayaqhapwomhok ewáxok?
¿Yaqsa katnehek ko'o
katneykha ewáxok?
Élhaxanmeyk eyke aqsa m'a Dios,
cham'a peya nak ko'o
alenxanmohok sélpeykessamo.
¡Cha'a apteme
ko'o Dios ahagkok ma'a,
tén han Sewagkasso teyp!
